日本旅遊資訊

【京都特輯】2018日本賞櫻攻略

京都賞櫻景點懶人包

 每年嘅三、四月係京都櫻花盛開嘅季節,亦都係遊客蜂擁而至嘅時候,目前2018最新公布嘅各地花期,京都櫻花開花時間大約係3月29號,預測會隨日期愈近愈準確,出發前記得留意最新資訊!

KKdap App

除了日頭賞櫻之外,京都仲有「ライトアップ」(light up),即係「賞夜櫻」活動。喺夜色中欣賞被燈光映照嘅櫻花,別有一番風味。至於京都有咩賞櫻景點推薦呢?等小編一一介紹比你知啦!

#京都賞櫻景點懶人包

  1. 京都的代名詞——清水寺

◆ 開放時間:6:00~21:00(可以參考官網公布嘅春季夜間參訪時段。)

講起京都大家第一時間會諗到咩呢?無錯,就係擁有百年歷史嘅清水寺!佢除咗神社建築出名外,周邊景點眾多都令到清水寺成為京都必去嘅熱門景點。被櫻花包圍嘅清水舞台係遊客最期待嘅畫面,不過清水舞台而家維修緊,雖然可以照上去,但係景觀可能會差啲!

  1. 用眼睛寫詩——哲學之道

◆開放時間:隨時

喺櫻花飄落嘅哲學之道上面行,突然成個人都好似感性咗。因為櫻花,所有野都變到又浪漫又有詩意。哲學之道除咗係京都最適合散步嘅地方外,亦都係知名賞櫻景點。由於昔日哲學家西田幾多郎,成日係呢到散步、思考,所以被後人稱為「哲學之道」,鍾意櫻花嘅文青們一定唔可以錯過!

  1. 京都的原始風景——嵐山

◆ 開放期間:隨時

嵐山大家都一定聽過,無論係賞楓定係賞櫻,嵐山一定榜上有名。由於嵐山周圍有好多知名觀光景點,每年賞櫻時節都會吸引大批遊客。關於嵐山附近嘅景點,小編相信大家一定都好熟悉,所以就唔再多講,唯一要提醒大家,千祈唔好錯過每年都會喺中之島公園舉行嘅枝垂櫻夜間點燈!比起日頭,夜晚嘅嵐山多了份神秘感,再加上櫻花陪襯,會有種時空錯亂嘅浪漫感覺!唔明?親身去睇下就知!

  1. 華麗花見——醍醐寺

◆ 開放時間:9:00~17:00

位於京都伏見地區嘅「醍醐寺」,既係世界文化遺產,亦都係日本櫻花百選名所之一!百選名所係日本財團法人櫻之會喺日本全國選定嘅100個賞櫻名所。醍醐寺最為人熟悉嘅莫過於「枝垂櫻」,特徵係細長而向下垂放,迎風蕩漾,堪稱櫻花中最優雅曼妙嘅舞者。如果無時間去其他地方賞櫻嘅朋友,小編建議你直接嚟呢到,感受一下櫻花灌頂嘅魔力!

  1. 最後饗宴——仁和寺

◆ 開放時間:9:00~17:00

由於以前好多皇子皇女喺呢到削髮出家,所以仁和寺又被尊稱「御室御所」,寺內嘅櫻花好自然地被稱為「御室櫻」。仁和寺嘅御室櫻亦都係百選名所之一,御室櫻以晚開聞名,開花期平均遲其他地區一個星期至十日,所以有人話呢到係「京都最後のお花見」。喺盛開時期,御室櫻由樹枝頭開到樹枝尾端,成個天空好似都比櫻花圍住,密集程度真係唔講得笑。如果喺其他地方見唔到櫻花嘅朋友,記得嚟仁和寺碰下運氣。

  1. 平安貴族的浪漫——岡崎櫻迴廊十石舟遊河

如果你覺得每次賞櫻都淨係散下步好無聊,小編推薦你去「岡崎櫻迴廊十石舟遊河」,搭京都地鐵喺「蹴上駅」落車,行五分鐘左右就會見到岡崎十石舟嘅上船位。你可以搭住船欣賞岸邊櫻花,體會屬於京都人嘅浪漫。

  1. 昔日風雅的再現——平安神宮

◆ 開放時間:8:30~17:30

平安神宮都係賞櫻勝地之一,除咗入口處標誌性嘅鮮紅色鳥居外,你仲可以進入正殿後方嘅「神苑」參觀,欣賞日本明治、大正時期嘅庭園傑作。用粉紅色櫻花裝飾庭園,臨水櫻枝微微彎曲。另外,平安神宮賞夜櫻稱為「紅しだれコンサート」(紅枝垂櫻音樂會),喺呢段時間,除咗開放南神苑觀賞夜櫻外,仲會喺東神苑裡舉辦音樂會。音樂伴隨住夜櫻,融合視覺同聽覺嘅享受,好chill啊~

◆ 注意:進入神苑內禁止腳架攝影

  1. 古色古香ー祇園白川

◆ 開放期間:隨時

祗園係京都嘅藝妓區,亦可以話係京都最具代表性嘅經典之一。日頭祗園幽靜而美好,傍晚華燈初上,先係真正嘅袛園。每年櫻花盛開嘅時節,夜晚沿住白川一盞盞微亮燈火點起,你可以一邊欣賞沿岸美麗嘅櫻花樹,一邊感受京都古色古香嘅氣息,分分鐘仲可以同藝妓擦身而過。

  1. 二條城櫻之亭

◆ 開放時間:08時45分~16時 (白天賞櫻時段),18~21時(櫻花季有夜晚開放時段,詳細時間以官方公佈為主。)

二條城由幕府將軍德川家康建立,係德川世家居所並持續擴建,可以話係德川幕府嘅權力象徵。二條城賞櫻花嘅地點,主要分布喺櫻之園同清流園兩處,但因為品種唔同,盛開時段有可能會有少少差距。

◆ 注意:禁止使用三腳架。

  1. 平野神社夜櫻祭

另外一個位於京都嘅夜櫻景點就係平野神社!平野神社嘅櫻花開得相當密集,品種多達40種以上,抬頭一望只會見到滿滿嘅櫻花!除了知名嘅櫻花隧道之外,平野神社另一大特色就係日式屋台,好多攤販會喺呢到營業,買完野食坐喺屋台傾計飲野、食下小食,超似日劇場景!
# 番外:造幣局夜櫻

既然提到夜櫻,就絕對唔可以錯過造幣局嘅櫻花通道,雖然造幣局位於大阪,但櫻花盛開程度一啲都唔輸蝕。大阪造幣局嘅櫻花品種,已經多達132品種,而且有超過300棵櫻花樹,每年仲會揀出代表之花,櫻花通道每年一到咗櫻花盛開季節,就會開始湧現人潮,而且呢到櫻花季只開放七日,要把握機會啊!

# 2018京都賞櫻巴士,帶你輕鬆遊京都賞櫻景點!

如果想將京都熱門櫻花景點一網打盡,又擔心唔夠時間?研究交通、行邊條路線最順好麻煩?小編建議大家搭賞櫻巴士,無論係獨遊、幾個朋友一齊都好適合!尤其是帶住長輩一齊旅行,賞櫻巴士就唔使轉車咁麻煩喇!

【路線1:嵐山小火車、東大寺、奈良公園】

  • 集合地點:難波OCAT大樓1F / Hearton Hotel西梅田
  • 景點:嵐山、東大寺、奈良公園
  • 此觀光巴士路線午餐可選日式自助餐、雞肉壽喜燒
  • 特色:從梅田 / 難波 出發,前進京都奈良,不必煩惱交通、語言,只要搭上舒適安心的觀光巴士,一天行程直接從0%到100%讓你滿載而歸!行程包含嵐電小火車,沿途賞櫻賞楓超愜意!

>>【京都必去路線】嵐山・東大寺・奈良公園一日遊

【必買套票:嵐山小火車・巴士接駁・保津川遊船套票

  • 取票地點:直送到你府上
  • 使用範圍:嵐山小火車トロッコ嵯峨駅 – (嵐山小火車) – 亀岡駅 – (接駁巴士) – 保津川渡船口 – (保津川遊船) – 嵐山渡月橋
  • 特色:事先購買嵐山小火車+巴士接駁+保津川遊船套票,以最地道方式欣賞嵐山之美。乘著嵐山小火車,賞櫻花、楓葉、白雪;搭上保津川遊船穿越保津川峽谷,感受保津川峽谷四季不同的景色,留下最美好的回憶。

>> 【嵐山地道玩法】嵐山小火車・巴士接駁・保津川遊船套票

睇完上面嘅景點介紹係咪好心動呢?心動不如行動,快啲約埋三五知己,計劃下你地嘅賞櫻之旅啦!

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: