交通指南泰國東南亞

【泰國曼谷】機場市區交通攻略

點樣由曼谷機場去到市區?睇完呢個攻略即刻明哂,出發!曼谷有兩個機場,分別係廊曼機場同埋素旺那普機場,KKday詳細分析咗由呢兩個機場去市區嘅方法,大家可以根據自己嘅需求揀最合適嘅方法!

KKdap App

一、廊曼機場(Don Mueang, DMK)

首先要介紹嘅係位於曼谷北部嘅廊曼機場,可以叫佢做舊曼谷機場,香港快運同亞洲航空都係飛廊曼機場嘅。

《廊曼機場到市區》

1. 公共交通工具: A1機場巴士 + BTS /MRT


出咗入境大廳五號出口,會見到A1巴士站。搭A1巴士,車費只需30泰銖,就可以用20分鐘車程,去到曼谷地鐵嘅「BTS Mo Chit站」或「MRT Chatuchak站」附近,跟住再轉地鐵去目的地就得嫁喇。

▶︎A1機場巴士資訊:7:30 – 24:00 每20分鐘一班

2. 公共交通工具:火車

入境大廳二樓會見到廊曼火車站(Don Mueang Train Station)嘅標誌,可以喺呢到搭火車去曼谷市區嘅華南蓬火車站(Bangkok Train Station),費用10泰銖,車程45-60分鐘。

▶︎這個方法雖然平,但係好嘥時間,火車亦都有可能會延遲,如果你目的地唔係華南蓬火車站或者其他火車站,就唔建議你地搭火車喇。

3. 的士

廊曼機場嘅入境大廳外有一個的士櫃檯(Taxi Stand),同服務員講完你目的地後,的士會跳錶收費,抵達市區大約200-300泰銖(含50泰銖服務費)。另外,如果條隊太長或者唔想比服務費,都可以自己截的士,但係最好打聽下大約幾多錢先,唔好比人呃!

▶︎提醒:事先印好目的地嘅泰文地址同地圖,就可以避免兜路同雞同鴨講啦!

4. Uber

如果你唔鍾意講價又唔想比人收貴錢,不妨試下搭Uber,路線車費都夠哂清楚!

▶︎缺點:Uber喺曼谷郊區比較唔普及,有機會叫唔到車。

5. 機場接送

最後,最方便一定係預訂「機場專車接送」!事先上網訂好之後,到曼谷機場一出境,就會見到有人拎住牌接機,等你無縫接軌抵達目的地。

▶︎優點:可以預約廂型車,一班人去旅行啱哂!

《廊曼機場到市區|懶人包小結》

  • 如果係多人行,的士或者機場接送絕對係首選,車錢除番開同搭公共交通差唔多,仲可以慳番好多等車、轉車時間。
  • 獨遊嘅話,不妨試下搭公共交通工具體驗下。

 

二、蘇凡納布米機場(Suvarnabhumi Airport/BKK)

素旺那普機場代號BKK,同廊曼機場唔同,佢係直接跟同地鐵相連,要去市區超方便。

《蘇凡納布米機場到市區》

公共交通工具:機場快線


機場快線營業時間 06:00 – 00:00 ,分成三個路線:

1.  蘇凡納布米國際機場輕軌 SA City Line

共8站,每站都停,約每15分鐘一班車,抵達Phaya Thai站後可轉乘淺綠色BTS捷運。

▶︎機場至Phaya Thai站約30分鐘

2.蘇凡納布米國際機場瑪卡山快線輕軌 Makkasan Express Line

機場直達MRT同機場快線交叉站Makkasan站,可以轉乘MRT地鐵,或者坐到Phaya Thai站,轉乘BTS捷運。

▶︎機場至Makkasan站站約15分鐘

3.新蘇凡納布米國際機場帕亞泰快線輕軌 Phaya Thai Express Line

從機場直達Phaya Thai站嘅快線,抵達後可以轉乘BTS捷運。

▶︎機場至Phaya Thai站約17分鐘

《蘇凡納布米機場到市區|懶人包小結》

  • 抵達機場後直接接軌機場快線,去市區最方便!
  • City Line最平最多車,而且乘車時間同其他兩線都差唔多,推薦大家揀!

【曼谷必備】

▶︎五日四夜行程規劃
▶︎曼谷兩大機場到市區,優質專業司機接送
▶︎泰國 True Move 八天SIM卡上網

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: