日本

【東京機場大解密】成田、羽田機場交通攻略

每次去東京見到啲地鐵線就頭都大埋?小編未上飛機已經要開始諗定點由機場出東京市區,今次KKday除咗幫大家比較東京成田、羽田兩大機場,仲整理好由機場去市區嘅交通方法,如果要去東京玩,一定要睇熟呢篇攻略先!

KKdap App

#成田機場

想知道交通點搞,首先要知道自己所搭嘅航空公司位於邊個航廈,所以KKday列咗港澳人最常搭去日本嘅航空公司,如果想知道更多航班資訊可以上官網查詢。

*共同營運嘅航班,候機樓可能因所乘坐嘅航班而與上列不同,詳情請向各航空公司查詢。

*第一航廈站名為成田機場車站,第二、三航廈則為機場第二大樓車站。

下列為成田機場交通方法:

  1. 京成電鐵 (Skyliner、Access特急、京成本線)

以下為京成電鐵所推出嘅三種機場-東京市區的方式:

【Skyliner】

(圖片來源)

▶︎ 路線:
機場第1航廈→ 機場第2、3航廈→ 日暮里→ 上野

▶︎ 對號列車,可事先上網購買

▶︎ 適合對象:
住喺上野、池袋及新宿等東京北部同西部區域,搭乘「Skyliner」後,再轉乘山手線或地鐵至新宿、池袋等地方,可以慳番唔少時間。

▶︎ 花費時間:日暮里36分鐘,上野41分鐘,東京47分鐘。

▶︎ 價錢:購買單程Skyliner為2200日圓,購買來回為4300日圓。另外Skyliner另有搭配地鐵1、2、3日套票選擇(單程價錢:2800日圓-3500日圓,來回價錢:4700日圓-5400日圓)

▶︎ 京成Skyliner 點買?

【Access特急、京成本線】

(圖片來源)


▶︎ 路線:
(1) 機場第1航廈→ 機場第2、3航廈→ 新鐮谷→ 青砥→ 日暮里 → 上野
(2) 機場第1航廈→ 機場第2、3航廈→ 新鐮谷→ 青砥→ 東銀座、淺草、押上(晴空塔)

▶︎非對號列車

▶︎ 適合對象:
住喺押上(晴空塔)、淺草、新橋、東銀座、品川及橫濱地區就最抵喇。不過小編提醒大家Access 特急、京成本線特急比較似普通地鐵,無固定座位,亦都無行李架,而且都營地鐵淺草線路段喺尖峰時間會好迫。

▶︎ 花費時間:
成田機場-上野:54分鐘(Access特急)、77分鐘(京成本線)
成田機場-淺草:51分鐘(Access特急)、69分鐘(京成本線)

▶︎ 價錢:
成田機場-上野:1240日圓(Access特急)、1030日圓(京成本線)
成田機場-淺草:1590日圓(Access特急)、1130日圓(京成本線)

▶︎ 小編提醒:Access 特急、京成本線特急中午過後大多都係開往上野,若要前往押上、淺草、新橋、品川、橫濱地區,中午過後請先搭到青砥站,再轉乘開往上述地區嘅列車,行程模式較多較複雜,搭車前記得問咗正確班次同轉乘路線先。

▶︎ 京成電鐵詳細資訊

  1. JR(JR N’EX、快速Airport成田)

【JR N’EX】

(圖片來源)

▶︎ JR N’EX停靠車站(主要車站為主):

東京、品川、澀谷、新宿、池袋、橫濱、大船(鎌倉),坐上N’EX後,只要中途唔出車站,皆可於指定區間内(東京列車特定區間内)任何JR東日本車站落車,唔可以搭乘特快列車。

▶︎ 對號列車,可事先上網訂購

▶︎ 適合對象:
住喺東京、新橋、品川、澀谷、新宿同埋要直接由機場前往橫濱、大船(鎌倉)嘅人,搭乘JR N’EX 可以免費轉乘東京市區以及近郊路線(以不出JR車站為主), N’EX 過東京車站後是沿山手線向南行駛;住喺上野、池袋等東京北部同西部區域,就唔建議搭N’EX喇。

▶︎ 時間:前往東京車站大約53分鐘,往山手線以南車站會較為方便。

▶︎ 價錢:由成田機場來回 N’EX 任一車站 4000 日圓,目前淨係得來回票有優惠,如果只需要單程票,建議改購買京成電鐵特急列車「Skyliner」嘅單程優惠車票會抵啲。

▶︎ 憑JR 東日本鐵路周遊券‧長野、新潟地區」、「JR 東日本‧南北海道鐵路周遊券」都可以搭!只要喺 JR 售票處劃位就可以搭 N’EX,唔使另外買車票。

【快速Airport成田】

(圖片來源)


▶︎ 路線:停新橋/品川,會繼續開往橫濱、大船。

▶︎ 時間:到東京車站約82分鐘

▶︎ 價錢:1280日圓

  1. JR、京成電鐵總比較

  1. 高速巴士(利木津巴士、Tokyo Shuttle、The Access Narita)

【利木津巴士】

(圖片來源)

▶︎ 路線:

利木津巴士有廣泛行車路線系統,由成田機場到東京都航運站、橫濱總站、羽田機場、連接東京市區內主要酒店,提供大部份首都圈內路線服務。

▶︎ 適合對象:如果住喺東京市區內嘅四星級以上酒店(可以去官網查詢會唔會去你嘅酒店先),基本上都好適合搭利木津。

▶︎ 時間:
約75~90分鐘,唔同區域需時不一。

▶︎ 價錢:3100日圓

▶︎ 點買利木津巴士車票?

【Tokyo Shuttle】

▶︎ 乘車地點:
第一航廈、第二航廈、東京八重州口(離東京車站近)、大江戶溫泉物語、銀座(數寄屋橋)

▶︎ 適合對象:想慳錢又唔趕時間嘅人,要去東京車站或銀座,又或者回程係搭凌晨機,Tokyo Shuttle就啱哂你喇,因為大江戶溫泉物語站有凌晨巴士時段,呢架巴士仲有同大江戶物語溫泉推出套票,浸個溫泉再搭飛機,一個字:爽!

▶︎ 時間:至東京車站約70分鐘,另可上官網查詢乘車時刻表

▶︎ 價錢:事前預約900日圓,現場購買1000日圓,大小同價。

【The Access Narita】

▶︎ 乘車地點:
成田機場1、2、3航廈都有得搭,東京站八重州口、銀座(數寄屋橋)

▶︎ 適合對象:想慳錢又唔趕時間,前往東京、銀座。

▶︎ 時間:約70分鐘

▶︎ 價錢:1000日圓

▶︎ The Access Narita 詳細資訊

# 羽田機場

羽田機場是分為第一航廈、第二航廈、國際航廈,第一、二航廈主要係辦理日本國內線的航班,國際航廈就係各個國際線嘅航班。全日空航空、日本航空、香港快運、國泰航空都有飛往羽田機場嘅班機。

  1. 東京單軌電車

(圖片來源)

▶︎ 路線:
由羽田機場國際線航廈站抵達東京市區濱松町站,呢個站可以轉乘 JR 山手線同京濱東北線,無論去新橋、東京車站、秋葉原、上野定係東京各大 JR 車站都非常方便。

▶︎ 適合對象:
前往濱松町站、東京、上野、秋野原。

▶︎ 時間:
從羽田機場到達濱松町站,只需14分鐘。若要前往新宿,需轉乘山手線,需45-50分鐘。

▶︎ 票價:
羽田機場-濱松町站:490日圓(大人)、250日圓(孩童),另外仲有推出與JR合作嘅「東京單軌電車&山手線內優惠票」,只要500日圓就可以至山手線嘅任何一站下車,好啱住喺大站嘅人。

  1. 京急電鐵

    (圖片來源)

▶︎ 路線:
京急電鐵可以由羽田機場國際線航廈站抵達品川站,呢個站可以轉乘山手線、京濱東北線、東海道線同東海道‧山陽新幹線等 JR 路線。

部分京急列車通過品川站同泉岳寺站後,會同「都營地鐵淺草線」直通運轉,列車會開入地鐵淺草線軌道,停靠新橋、東銀座、日本橋、淺草同押上(Skytree)等沿線各站。

▶︎ 適合對象:
前往品川、新宿、東銀座、日本橋、淺草、押上。

▶︎ 時間:
從羽田機場到達品川站,最快只需11分鐘。

▶︎ 票價:
往南至橫濱站,450日圓。
往北至品川站,410日圓。
至新橋站,530日圓。
至淺草、押上(晴空塔)站,620日圓。

另外京急電鐵有同東京地下鐵合作推出「Welcome! Tokyo Subway Ticket」套票,羽田機場-品川站泉岳寺來回車票+東京地鐵1、2、3日券,只需1500日圓至2200日圓,詳細資訊可上京急電鐵查詢。

▶︎ 小編提醒:京急電鐵車種分為五種,由慢到快分別為「普通」、「機場直行」、「特急」、「快特」和「機場快特」,京急電鐵同都營地鐵淺草線、京成線直通運轉,行駛模式較為複雜,出發前務必確認班次、時間。

  1. 利木津巴士

(圖片來源)

▶︎ 路線:
主要路線分為8條,可以前往橫濱、台場、晴空城、澀谷、御殿場、箱根、富士山。

▶︎ 適合對象:
如果你係搭凌晨機抵達羽田,巴士就好適合你喇。

▶︎ 時間:
至東京市區大約60分鐘。

▶︎ 票價:
依搭乘路線不同,票價都會唔同,可上利木津巴士官網查詢。

#成田、 羽田機場比較

咁成田機場同羽田機場到底有咩唔同呢?小編整理咗個表格比大家睇!

提醒大家上述嘅車程時間,會因時段、車況等問題,可能會出現延誤或提早嘅情況,所以出發前再確認一次,先可以掌握到交通上所需嘅時間。羽田機場嘅車程所花費嘅時間相對較短,交通都平啲!

#的士

(圖片來源)

▶︎ 計費方式:喺成田機場除咗可以搭普通的士(跳錶計)外,機場同東京市內之間仲可以搭收取區間固定價格嘅的士,定價的士由成田機場到東京市內方向都係區間內同一價格。

▶︎ 羽田機場的士定額收費 成田機場的士定額收費

# 番外:由成田/羽田機場輕鬆抵達東京市區!

▶︎ 適合對象:多行李,懶得研究交通
如果你同小編一樣一遇到東京交通就頭都大埋,每次去東京都要一袋二袋,咁最適合你嘅懶人方式一定係包車!幾個人一齊包車,真係超方便,而且一班人除分開個價一啲都唔貴!

▶︎ 東京機場超舒適接送服務(單程)

▶︎ 羽田機場輕鬆接送服務(單程)

出發東京,你會需要:

>> 日本4G無限網路WiFi機

>> 晴空塔展望台門票怎麼買?

>> 東京鐵塔展網台門票如何購買?

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com/zh-hk
KKday Facebook: KKday

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: