台灣

【新年新角度】台灣五種不一樣體驗

打算趁住新年假期遊台灣?五個可以滿足唔同追求嘅旅行攻略,令你食得好住得好,玩得開心,叉夠電就繼續返工返學喇!

KKdap App

攻略一:文青遊台南

講到台南,除左聯想到餐餐食到唔停嘅小食之外,近年喺台南吹起老屋改造熱潮,仲有當地文藝展覽期刊興起,都令到呢個台灣舊首府增添左唔少魅力。嚟到台南,不妨透過美食同建築感受老城嘅深厚文化底蘊。同時,可以體驗唔同創意元素,為台南注入活力!

▶︎推薦目的地:「兩眼一起工作室」 

 

「兩眼一起工作室」於2012年12月1日成立,認為文具同書籍兩者之間存在一種不可切割嘅關聯,除左出售橫跨攝影、設計、服裝等獨立書籍,仲兼賣好多復古老牌文具。

而位於同棟大廈嘅「兩餐間」就主要係賣餐具同餐點飲品嘅空間,時不時仲會喺度舉辦音樂演出,嚟到台南,不妨走訪呢個隱世老公寓!

▶︎官方臉書:兩眼一起OOuuu
▶︎營業時間:13:00 – 20:00 (逢星期三休息)
▶︎地址:台南市中西區開山路118號3F 

▶︎官方臉書:兩餐間
▶︎營業時間:11:00 – 18:00
▶︎地址:台南市中西區開山路118號2F

 

攻略二:上山下海,出走到花蓮親親大自然

 


相信無任何野比走入大自然更令人放鬆架喇!位於台灣東部嘅花蓮,因為佢本身依山傍海嘅地理位置,成為戶外愛好者首選目的地。由衝浪、SUP、溯溪、泛舟到登山同露營,橫跨水陸活動絕對可以滿足中意挑戰嘅你!另外,千祈唔可以錯過去太魯閣國家公園感受一下大自然鬼斧神工嘅魅力!

▶︎推薦目的地:崇德海灘

清水斷崖被列為「台灣八大奇景」之一,蜿蜒曲折嘅車路加埋驚險嘅斷崖,真係無得輸!再加上畀太平洋包圍住,所以有「蘇花公路最美地方」嘅美號。

呢個地方近期成為左獨木舟熱點,仲可以喺崇德沙灘紮營,瞓係星空之下,第二朝早出發去迎接日出嘅出海體驗!

 

▶︎地址:新城鄉蘇花公路崇德隧道北方,蘇花公路182.5公里處

 

攻略三:遠離煩囂,到台灣小島蘭嶼放空

蘭嶼位於台灣東南方嘅離島,遊客可以選擇搭小飛機或者船隻前往。當地以拼板舟、飛魚祭、地下屋為達悟文化象徵,豐富嘅海底生態同清澈見底嘅水質,更加令蘭嶼成為世界第11名嘅浮潛聖地,島上完美呈現原始自然嘅樣貌,形成遠離煩囂嘅世外桃源,係放空好地方。

▶︎推薦目的地:「野銀聚落」走訪傳統地下屋

野銀部落係目前「地下屋」景觀保持得最完整嘅聚落,呢個係因應島上高溫多雨同颱風侵襲嘅氣候發展出嚟嘅半地下建築,防風又排水,係達悟祖先智慧結晶。想了解更多嘅朋友建議請當地人帶領講解,或者尋求專業導覽,另外,有機會亦可以體驗夜宿地下屋!

 

攻略四:獨家台東浸溫泉體驗

 


台東係依山傍水嘅福地,由獨特嘅火山景觀到沿海梯田,正正因為當地多樣變化嘅風景,成為反覆拜訪嘅原因。當地除左有SUP、衝浪、登山等戶外活動,同到鐵花村一帶聽音樂逛市集之外,亦非常推薦走訪位於山上嘅栗松溫泉,呢個需經攀爬先能夠享受嘅美景,直程係世外桃源。

▶︎推薦目的地:栗松溫泉

栗松溫泉被稱為「全台最美溫泉」絕唔係浪得虛名!因為礦物結晶、翠綠溫泉藻而擁有特殊顏色,沿山傾流而下嘅泉水瀑布,都相當有特色。因位於新武呂溪支流峽谷嘅上游,需要經過攀爬、溯溪先能夠抵達,所以有返甘上下體能考驗,不過經山路激流後,再浸返個溫泉一掃倦絕對係一大享受!

▶︎地點:台東縣海瑞鄉南橫公路 利稻附近東段 新武呂溪上游河谷

▶︎交通:栗松溫泉登山口無公車抵達,可包車前往,沿20好道旁邊嘅雜貨店抵達。另外需要留意進入溫泉時要登山溯溪,請衡量體能前往。

▶︎預計停留時間:5小時(入口至溫泉來回至少兩小時)

 

攻略五:音樂巡禮,台北音樂文化越夜越搖滾

嚟到台灣,肯定會到台北停留幾日。呢度就唔講故宮、101等指定景點,而想令大家認識眾多隱身喺小巷入面嘅複合式音樂空間。由爵士樂、搖滾樂到獨立音樂,夜晚嘅台北相當熱鬧,可以滿足樂迷嘅需求。如果你喜歡音樂,不妨喺夜店、夜市、夜唱之外,多加上一個聽Live Band嘅選擇!

▶︎推薦目的地:女巫店

女巫店位於台大側邊,係女性主義嘅擁護者,亦係好多獨立歌手發聲嘅地方。凡嚟到呢度嘅朋友,只要你係女仔,10下掌上壓即可享有9折、20下8折優惠,除底胸圍掛喺凳上,仲可以獲贈一杯飲品。呢度嘅獨立音樂發展蓬勃,青峰、張懸、陳綺貞、陳珊妮都係頻密拜訪嘅演奏嘉賓,乘載住搖滾獨立音樂嘅黃金歲月,亦係好多樂迷朝聖地。另外,店內都有提供桌上遊戲同特色餐點,無演奏嘅時候,都相當適合同三五知己嚟共度時光。

▶︎官方網站:女巫店
▶︎地址:台北市新生南路三段56巷7號
▶︎電話:02-23625494
▶︎營業時間::星期日 – 星期三11:00 – 00:00 星期四 – 星期六 11:00 –01:00

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: