去 日本 睇雪兼浸溫泉喺冬天入面絕對係唔可以錯過嘅行程之一!但係 日本 嘅溫泉有咁多選擇,到底應該點樣選擇最適合自己嘅溫泉熱地呢?呢啲溫泉熱地又點去?嗰啲地方除咗浸溫泉仲有邊啲其他好玩嘅景點?呢篇溫泉攻略比大家參考參考!

日本三大溫泉

一、東京近郊:草津溫泉

 

2019-11-22 下午6.26.59
(Source: 草津温泉観光協会Facebook Page)

泉質:酸性泉、硫磺泉。
交通:
JR特急+巴士:JR上野站→ JR長野原草津口站→ 搭巴士去草津溫泉
高速巴士:由新宿西口巴士站搭去草津溫泉。
附近仲有咩好玩:距離東京大約三個鐘車程,可以即日往返,安排一日遊嘅近郊旅行;草津又近輕井澤,如果想要行outlet亦都可以順便前往。
適合對象:去東京旅行又唔想單純浸溫泉嘅人,可以安排一日遊或者兩日遊。

【日本泡湯一日遊】日本三名湯之首草津温泉與湯畑散步【日本泡湯一日遊】日本三名湯之首草津温泉與湯畑散步

二、岐阜(近名古屋):下呂溫泉

2019-11-22 下午6.27.50
(Source: @digitalalchemy.fr Instagram)

下呂溫泉擁有1000年嘅歷史,佢溫泉水質溫和,據講具有治療風濕性疾病、運動器官障礙、神經嘅療效,同時受到醫學界矚目。呢度設有好多免費嘅公共溫泉同足湯,同時都有賣「湯名人湯巡手形」溫泉浴票,可以喺住宿旅館出面嘅溫泉自由入浴,但僅限於其中3個地方。去嘅過程都有機會途經美濃太田、飛驒金山等等嘅站,嗰度擁有豐富嘅自然美景、峽谷、水壩同田園等。如果係喺冬天去,蓋上咗層層白雪嘅下呂會更靚!

泉質:單純泉。

交通:
巴士:由JR名古站出發直達下呂,車程大約兩個半鐘,但一日只得一班;
JR:可以搭JR高山本線特急去下呂車站,票價會比較高;
名鐵+JR:搭名古屋鐵路去到總站新鵜沼,再轉乘JR高山本線去下呂。

附近有啲咩好玩:距離名古屋大約兩個鐘車程;呢度近合掌村,由最近嘅JR站乘搭巴士只需五分鐘。

適合對象:想去名古屋、合掌村嘅人,或者想體驗足湯都好適合!!

【名古屋賞楓二日遊】香嵐溪・小原四季櫻・白川郷・飛驒高山・岩村・下呂溫泉

三、神戶兵庫:有馬溫泉

2019-11-22 下午6.34.00(Source: 有馬溫泉Facebook Page)

有馬溫泉自古就深受皇族、貴族喜愛,被譽為日本最古老嘅溫泉,地位歷久不衰。佢出色嘅地方在於擁有優質嘅泉水,分為兩大類「金泉」同「銀泉」。「金泉」含有鐵質同高度嘅鹽分,呈現啡色,殺菌力強。「銀泉」係無色嘅碳酸溫泉,可以令肌膚柔嫩,深受女性喜愛。

2019-11-22 下午6.35.05

(Source: 有馬溫泉Facebook Page)

 

泉質:金泉、銀泉
 
交通(以大阪為主):
(1) JR 高速巴士:喺JR大阪站,搭由JR西日本巴士營運嘅高速巴士前往有馬溫泉;
(2) 阪急高速巴士:喺阪急高速巴士總站搭高速巴士前往有馬溫泉。
 
附近仲有咩好玩:位於兵庫縣,距離大阪市、神戶市中心約一個鐘,交通便利,可以選擇一日遊。如果浸完溫泉仲可以選擇去大阪或者神戶。
 
適合對象:想令皮膚變好、會去大阪、神戶玩嘅人,安排溫泉一日遊超適合!
 

日本三大溫泉街

四、東京近郊:箱根溫泉

2019-11-22 下午6.34.25

箱根溫泉起源於1300年前,喺江戶時代係將軍專用嘅溫泉地。箱根係知名觀光地,所以週邊設備都好完善,坐落好多溫泉旅館,除咗古色古香嘅湯本溫泉街,亦有好多人會順便拜訪箱根嘅大湧谷,冬天染上一層雪嘅山坡地更加係令人流連忘返。

佢嘅溫泉資源極為豐富,全座山區都稱為溫泉區,代表性溫泉區多達17個咁多,所以有「箱根十七湯」嘅美號。好紅嘅平台溫泉其實都位於箱根!

【東京巴士一日遊】蘆之湖海盜船、箱根纜車、大涌谷、溫泉體驗

泉質:單純泉

交通:
JR: 由JR新宿站搭小田急線去箱根登山線,亦都可以搭特急ROMANCECAR去箱根湯本站;
高速巴士:喺新宿站西口35號巴士停靠站,搭前往由小田急高速大巴營運嘅快速巴士前往箱根。

附近仲有啲咩好玩:御殿場outlet、箱根神社、大湧谷、箱根登山纜車,如果想要將呢啲行程一次過玩哂,可以買箱根周遊券,好多交通工具都會喺哂裡面。

適合對象:唔想單純浸溫泉,想順便去埋箱根附近景點嘅人,御殿場outlet都喺附近。

【富士山一日遊】富士山、河口湖、忍野八海、御殿場 Outlet

五、靜岡(近東京):熱海溫泉

Screen Shot 2019-11-25 at 3.47.47 PM.png(Source: Fotolia)

呢度係日本小說裡面成日出現嘅場景之一,係少數沿住海岸線發展出嚟嘅溫泉街,喺行街之餘仲可以欣賞海景。同時環山、環海嘅地勢令佢擁有最天然嘅景色,而且喺好多日本人心目中呢座擁有住美景嘅寧靜小鎮,係浸溫泉嘅最佳選擇!呢度最出名嘅係熱海七湯,分別由七座唔同嘅泉源所構成,據講每座溫泉池都有唔同嘅功效。

泉質:食鹽泉

交通:可以由東京站搭東海新幹線/ 特急列車/ 普通列車前往熱海站,東海新幹線只需要大約39分鐘,但價錢會最貴;另外亦有好多人會選擇機場到埗後就直接去熱海。

附近仲有啲咩好玩:熱海城、熱海空中纜車、熱海梅園、來宮神社

適合對象:想遠離市區塵囂去寧靜小鎮放鬆下嘅對象,由東京前往係比較方便嘅方式。

六、別府溫泉(地獄八湯,位於九州)

Screen Shot 2019-11-25 at 3.46.08 PM.png(source: supplier)

別府眾多溫泉裡面以八大地獄溫泉最為著名,佢哋分別係:海地獄、鬼石坊主地獄、山地獄、灶地獄、鬼山地獄、白池地獄、血之池地獄(血池地獄)同龍捲地獄。因為溫泉水成分嘅不同,呈現嘅顏色亦都唔一樣,藍、紅、白等各種顏色嘅泉水,魔幻嘅景色就令人好似處於地獄一樣。留意返地獄八湯以觀光景點為主,並唔係真係為咗「浸溫泉」。如果真係想浸溫泉,別府其實都有好多特色溫泉嘅選擇,可以參觀完地獄八湯再前往。

Screen Shot 2019-11-25 at 3.44.39 PM.png(source: shutterstock)

交通:搭JR九州橫斷特急到達「別府站」再轉乘市巴士去,或者可以揀去北濱巴士中心、別府車站,乘周遊列車一次過遊盡八景。

附近仲有啲咩好玩:龜山溫泉(全身被細砂覆蓋嘅一種溫泉方式)、地獄蒸氣工房(利用溫泉蒸氣所煮成嘅食物)、高崎山自然動物園

適合對象:想要觀賞特色溫泉、去九州旅遊嘅朋友。

【九州別府溫泉】別府地獄溫泉門票(福岡機場領取)
【九州巴士一日遊】太宰府天滿宮、湯布院、別府灶地獄(福岡出發)

歷史性溫泉

七、山形縣:銀山溫泉

2019-11-25 上午5.33.09(Source: 銀山溫泉官方網頁)

山形縣係日本唯一各市町都有溫泉嘅地區,有「溫泉王國」嘅美譽。沿住銀山川下游方向建成嘅溫泉街,排列住由大約喺1910年至1930年期間建成嘅旅館,溫泉街懷舊風景亦成為咗象徵日本溫泉嘅風景之一。另外,因為係千與千尋裡面湯婆婆嘅油屋參考原型之一,更加令呢度聲名大噪。小編最推薦嘅旅遊季節係冬天,因為當大雪紛飛嘅時候,成個小鎮都會籠罩喺雪裡面,有種浪漫唯美嘅感覺。

泉質:硫磺泉

交通:搭JR山形新幹線去JR大石田站,轉搭尾花澤市營巴士上山,直達銀山溫泉。

附近仲有啲咩好玩:山神神社、銀山川、白銀公園

【東北山形一日遊】銀山溫泉・藏王樹冰一日遊(保證成團)

適合對象:宮崎駿Fans,想感受落雪、浸溫泉嘅浪漫氛圍。

 

八、城崎溫泉

2019-11-25 上午5.40.07(Source: 城崎温泉観光協会Facebook Page)

城崎溫泉出名在古色古香嘅街道景色同埋「七大外湯」,據講每個溫泉池代表住唔同運勢,街上面可以見到好多唔同嘅飲湯、足湯。而呢度有住純天然嘅風景同充滿文化歷史嘅懷舊氛圍,著住浴衣漫步都係呢度嘅一大特色!

泉質:食鹽泉

交通:京都-城崎:搭特急きのさき 嘅1、5、7號,直達城崎溫泉;大阪-城崎:搭特急こうのとり 嘅1、3、5、9、13、15號,直達城崎溫泉。

附近仲有啲咩好玩:城崎溫泉位於關西兵庫縣北部,由京都或者大阪出發大約需要兩到三個鐘車程。附近景點有溫泉寺、城崎溫泉空中纜車、極樂寺。

適合對象:想一次過體驗七大外湯、著住浴衣係老街上行街,前往大阪同京都嘅人。

九、道後溫泉

2019-11-25 上午5.35.28(Source: 松山市公式観光網頁圖片)

道後溫泉擁有3000年嘅歷史,係日本三大古湯之一。「道後溫泉本館」係最具代表性嘅公共浴場,佢採用近代和風嘅建築風格,3層木結構城堡式建築,因為罕見嘅建築形式而被列為日本重要文化遺產。同時好多人認為千與千尋嘅湯屋原形,其實係參照道後、銀山等溫泉建築而打造出嚟嘅動畫場景。

泉質:單純泉等。

交通:照唔同區域,坐各線JR至JR松山站,再轉乘伊予鐵道由松山車站去道後溫泉車站(約 20 分鐘);如果由松山機場(四國)前往,可以搭巴士去道後溫泉車站。

附近仲有啲咩好玩:溫泉街、石手寺、寶巖寺、松山城、道後商店街

適合對象:宮崎駿Fans,想感受古意盎然氛圍,前往四國、九州嘅遊客。

富士山泡湯

十、河口湖溫泉

Screen Shot 2019-11-25 at 3.40.16 PM.png(source: shutterstock)

坐落喺日本象徵嘅溫泉地區,富士山山腳下河口湖,能夠近距離咁觀賞富士山同體驗溫泉風情,天氣好嘅時候,仲可以試下喺度影逆富士山嘅美妙身影。

Screen Shot 2019-11-25 at 3.41.43 PM.png(source: shutterstock)

泉質:鈉、鈣、硫酸鹽、氯化物泉

交通:JR新宿站→JR大月站→轉搭富士急行特急→至河口湖;利用巴士輕鬆遊富士山

附近仲有啲咩好玩:音樂盒之森美術館、溫泉街、遊覽船

適合對象:想邊睇富士山邊浸溫泉嘅旅客,前往東京玩嘅人。

日本女性最愛溫泉

十一、由布院溫泉(九州)

2019-11-25 上午5.49.57(Source: 九州觀光推進機構官網)

由布院另一個名叫湯布院,係日本榜上有名嘅溫泉之一,深受日本女性喜愛,曾經被票選為「一生一定要去一次嘅溫泉鄉」。呢度特別深受女性喜愛嘅原因在於泉質係無色透明,係對皮膚溫和嘅單純泉,可以令膚質光滑細膩。小編建議大家如果想去由布院,可以坐九州當地所推出嘅觀光特快列車「由布院之森」,特殊嘅木材裝飾,深受觀光客嘅青睞。

泉質:單純泉

交通:搭JR久大本線至由布院站落車,行10分鐘左右;搭JR 由布院之森去由布院站。

附近仲有啲咩好玩:金鱗湖、童話小鎮、湯之坪步道

適合對象:去九州,想體驗搭特色列車嘅對象。

北海道知名溫泉

十二、洞爺湖溫泉

洞爺湖溫泉係日本第三大溫泉,溫泉水量豐富,溫泉旅館數目更加榮居北海道第一位,交通勝在方便同有外國旅客專用服務,都係遊客鍾意去嘅原因。洞爺湖温泉區亦設有多個公共足湯,等遊客可以喺浸溫泉嘅同時,欣賞廣闊嘅湖景。如果撞正北海道落雪,浸住好暖嘅泉水,真係一大享受!

泉質:弱食鹽泉(鹽化物溫泉)

交通:搭JR往返札幌-函館嘅特急列車,都會喺洞爺湖站停靠,再轉搭巴士到洞爺湖温泉巴士總站,大約要兩個鐘;搭由道南巴士公司營運嘅巴士,往返札幌-洞爺湖,每日七班車,車程大約兩個半鐘。

附近仲有啲咩好玩:手/ 足湯、溫泉街、湖畔步道(冬天天氣太凍,所以唔會開放)

適合對象:想感受落雪、靚景、浸溫泉嘅人。

【北海道一日遊】環遊支笏湖、洞爺湖、登別地獄谷

十三、登別溫泉

登別溫泉係第一大溫泉區,以地獄谷為最出名嘅特色,一行入去就會即刻聞到濃烈嘅硫磺味;大量霧氣、蒸氣由地面竄出嚟,加上無生命力嘅地貌就好似地獄一樣。當地嘅特色產品都會以地獄作為靈感來源,所以有好多關於「鬼」嘅土產同紀念品。除咗地獄一般嘅地貌,登別溫泉仲有一個知名特色,就係含有9種以上嘅泉質溫泉,喺世界上相當少見,所以被稱為「溫泉百貨公司」。

泉質:硫磺、食鹽、明礬、芒硝、綠礬、鐵泉、酸性鐵泉、重曹泉、鐳泉

交通:JR:喺JR新千歲機場站搭特急(札幌、新千歲)去JR登別站,再轉巴士去登別溫泉;巴士(新千歲出發):可以搭由道南巴士所營運嘅快速機場號,直達登別溫泉;巴士(札幌出發):可以搭高速Hayabusa號,再轉登別接駁巴士。

附近仲有啲咩好玩:地獄谷、大湯沼、日和山、新登別大橋、登別伊達時代村

適合對象:想一路睇靚影一路浸溫泉,體驗唔同泉質嘅朋友。

番外

十四、兵庫(近大阪):湯村溫泉

湯村溫泉已經有1150年嘅歷史,中心地設有「荒湯」,開泉以嚟一直噴出溫泉,溫度高達攝氏98度。過往當地居民成日用高溫泉水嚟煮日常所需食品,依家遊客都可以感受呢種樂趣,除咗溫泉蛋,仲可以煮粟米同番薯。河邊嘅足湯全長有21米,受到各地遊客嘅歡迎!重點係湯村溫泉嘅觀光措施好完善,交通都好方便,即使當日來回都好適合!

泉質:炭酸水素鹽、鹽化物、硫黄鹽泉

交通:搭JR山陰本線去JR濱坂站,再轉搭全但巴士,大約25分鐘之後就可以抵達湯村溫泉巴士站,另外亦都設有大阪-湯村溫泉嘅路線,交通方便!

附近仲有啲咩好玩:夢千代館、藥師湯、荒湯

適合對象:鍾意完善旅遊設施,有計劃去兵庫附近玩嘅人。

十五、東京御台場:大江戶溫泉物語

2019-11-25 上午5.50.17
(Source: KKday)

大江戶溫泉物語係台場嘅天然溫泉主題樂園,採用由地下1,400公尺汲取上嚟嘅泉水室內浴池,有多達13座浴池,大人細路都可以著住浴衣喺重現江戶時代下町風情嘅「廣小路」、「八百八町」玩返日。如果同屋企人一齊去旅行,大江戶溫泉物語絕對係成家人都適合嘅地方!

泉質:鹽化物強鹽溫泉

交通:搭JR:由海鷗線「電信中心站」行去大約兩分鐘;由臨海線「東京Teleport站」坐免費接駁巴士大約7分鐘;搭巴士:喺JR濱松町站前面嘅濱松町巴士總站,搭往「東京國際展覽中心」方向嘅巴士,喺「電信中心站前」落車,由「電信中心站前」行多兩分鐘就到!

附近仲有啲咩好玩:海濱公園、AQUA CITY、DiverCity Tokyo Plaza、Venus Fort

適合對象:想體驗浸溫泉,又唔想去太遠,仲兼具購物、景點多重享受;全家出遊嘅遊客就最啱玩!

 
不同區域的溫泉資料(KKday)

(Source: KKday)

 

睇完係咪即刻想浸入溫泉度洗滌下心靈?唔好諗啦,快啲Plan呢個冬天就出發去日本浸到飽啦!

遊日本必備:
【日本 JR PASS】北九州/南九州/九州鐵路周遊券(電子票)
【日本 Wi-Fi 機租借】4G高速上網+無流量限制 / 不降速(香港機場領取)
【關西交通票券】關西機場關空特快列車「 HARUKA 」車票

其他日本攻略:
【日本】京都四条河原町必去商店、必買手信,錦市場必試美食大公開!
【日本】九州福岡10大美食推介
【日本】京都嵐山小火車行程懶人包
【日本】2019親子滑雪!東京出發!2大必去日本滑雪場推介:新潟苗場滑雪場+富士山二合目滑雪場!