環球旅遊旅遊資訊澳洲

【Bucket list 系列】 紐西蘭南北島必去景點

紐西蘭由北島、南島兩大島嶼組成,以庫克海峽為分界,因為佢位於特殊嘅地理位置,令紐西蘭擁有好靚嘅景色、特別嘅物種,峽灣、冰河、石灰岩洞穴、氣勢洶洶嘅瀑布通通都可以喺紐西蘭見到,身為旅行家嘅你,絕對唔可以錯過紐西蘭五大必去景點!

KKdap App

一、電影裡的魔幻世界,哈比村 (Matamata Hobbiton)

如果睇過電影《魔戒》,對於好似畫一樣嘅哈比人世界應該好熟悉啦?自從電影上映之後,呢座位於紐西蘭北島嘅小農場,即刻躋身成為紐西蘭必去景點之一。

而哈比村嘅由來更加得意,魔戒開拍之前,導演Peter Jackson 曾經用衛星照片喺全世界找尋最符合劇本裡面描述嘅哈比村樣貌,最後搵到呢座位於Matamata小鎮嘅農場。一開始導演同農場主人嘅合約裡面,註明拍攝結束之後需要拆除架設場景嘅道具,但某啲道具因為天氣因素就無完全拆除。

電影上映之後,全世界都將目光聚焦落呢個夢幻嘅小鎮,十年後 《魔戒》導演又搵左同一個地點拍攝《哈比人》,呢次合約變成係需要將所有場景都原封不動保留。劇組喺山坡上建造44個哈比洞,另外喺湖畔搭建磨坊同拱橋,外綠龍酒館都係喺《哈比人》電影拍攝期間建造而成。

無論係顏色、擺設、植物都可以睇得出劇組超用心打造場景,物品嘅精緻度、門前嘅植物都反映唔同哈比人嘅個性同職業。

▶︎ 交通:哈比村位於紐西蘭北島,距離市區有段距離,車程大約兩小時,建議可以自駕,如果對於路況不熟,都可以參加一日遊行程

▶︎ 注意事項:每日有人數限制,建議提早預訂。

二、最夢幻嘅藍綠色星空,懷托摩藍光螢火蟲洞 (Waitomo Caves)

懷托摩洞穴 (Waitomo Cave) 一樣位在北島地區,有天然嘅地下洞穴、河流,仲有同洞穴相伴而生嘅藍光螢火蟲。懷托摩螢火蟲洞三千萬年前位於深海底下,經由火山、地殼變動造成地質變化,石灰岩亦因為擠壓、扭曲、變形而漸漸浮出海面,同時經過長期侵蝕,由岩縫轉變成鐘乳石、石筍。”Wai” 意思係水, “tomo”就指洞,Waitomo意思就係「流水入洞口」,去到大家可以沿住洞穴裡面嘅石階而下,搭乘停泊喺地下河流上嘅小船遊覽。

而棲息喺懷托摩洞穴裡面嘅特殊藍光螢火蟲(Glow Worms)幼蟲,喺洞頂會吐出絲線形成長條狀嘅巢穴,仲會喺上方散發出藍光吸引獵物。幼蟲分泌出半透明細絲,就好似水珠附喺淡藍水晶上面,好多細微光芒匯聚成為夢幻場景咁嘅藍綠色星空。

▶︎ 參觀注意事項:

  • 鐘乳石、石筍會因為觸摸而失去光澤,仲會破壞組織結構,所以唔好以手觸摸,甚至破壞螢火蟲嘅棲息環境。。
  • 即使好靚都盡量唔好發出太大嘅聲音讚嘆,因為過大動作、聲響都有可能嚇親螢火蟲。
  • 洞穴裡面係全面禁止吸煙,怕會干擾到螢火蟲,進入洞穴之後一定要遵守工作人員嘅相關指示,做個有禮貌嘅旅客!

▶︎ 參考行程:必訪夢幻奇景,懷托摩藍光螢火蟲洞

三、最靚嘅淡水湖,陶波湖 (Lake Taupo)

陶波湖(Lake Taupo)係火山爆發之後形成嘅巨大火山口,注入大量水後,形成嘅一座湖泊,佢面積同新加坡嘅大細差唔多,係紐西蘭嘅第一大湖、大洋洲第二大淡水湖,外形好似個心臟咁,壯闊程度簡直用言語都無辦法形容,即使到依家都仲可以見到好滾、冒熱氣嘅噴口,仲可以喺湖邊嘅沙灘上執到「浮石」。

陶波湖係由懷卡托河(Waikato)分支出嚟,佢係紐西蘭最長嘅河流,懷卡托喺毛利語有「流動的水」嘅意思,喺佈滿草地嘅岸邊,享受悠閒又寧靜嘅時光,呢到最適合玩各種水上活動,例如划獨木舟、釣魚、坐船遊覽等等。而陶波湖往北唔遠就係紐西蘭嘅新興旅遊勝地——胡卡瀑布(Huka Fall),呢到水聲如雷,氣勢磅礴。

圖片來源

離陶波湖唔遠嘅地熱仙境——羅托魯瓦 (Rotorua),都係由火山形成,可以聞到濃烈嘅硫磺味,除左地熱嘅自然景色同毛利文化,刺激嘅冒險運動亦都可以喺呢到體驗。

▶︎ 參考行程:奇幻北島四日遊,哈比村、毛利文化村、陶波湖

四、絕美冰河地形,米佛峽灣/ 米爾福德峽灣 (Milford Sound)

米佛峽灣喺大約一千年前由毛利族發現嘅一處冰河地形,所以會以毛利語命名,意思係「第一隻野生畫眉」(Piopiotai)。前往米佛峽灣嘅途中,會經過鏡湖、瀑布、白雪山峰、茂盛嘅雨林、陡峭嘅峽谷,生動嘅地貌吸引唔少遊客到訪,所以都有住「世界上最正嘅高山道路之一」呢個稱號。

天氣好果時,可以喺鏡湖見到山巒、陡峭岩壁喺平靜嘅水面上呈現最完美倒影,經過鏡湖之後嚟到赫默隧道(Homer Tunnel),可以見到冰河時期,冰河侵蝕河谷所遺留落嚟嘅U字型壯麗痕跡。

經過赫默隧道後,即刻抵達米佛峽灣嘅入口,峽灣裡面有住高處懸崖傾瀉而落嘅鮑文瀑布(Bowen Falls),仲有由峽灣底部竄升至169公尺,世界上臨海最高山峰之一嘅麥特爾峰(Mitre Peak),沿途都係由冰河地形所造就而成嘅天然美景,以遊船方式遊米佛峽灣,絕對係嚟紐西蘭不可錯過嘅行程之一!

五、人生Bucket List:皇后鎮極限運動 (Queenstown)

被譽為「世界冒險之都」嘅皇后鎮(Queenstown)係紐西蘭雙人高空跳傘的發源地,同時亦都係完成跳傘夢想嘅完美之地!無盡嘅山巒、藍綠色嘅湖水盡收眼底,如果係冬天去仲可以睇到群山被白雪覆蓋嘅絕佳景色。

除左有將美景一覽無遺嘅高空跳傘,嚟到皇后鎮仲有一項必定要體驗嘅極限運動——高空彈跳!由高達 134 公尺嘅Nevis 河上方一躍而下,體驗 8.5 秒急速向地心俯衝嘅快感!正式高空彈跳以前,仲可以搭鋼索吊車駛向高空彈跳點,欣賞周圍山谷嘅美景,享受呢個令人滿足嘅過程。

▶︎ 小補充:AJ Hackett 安全保證,經營高空彈跳嘅 20 年期間,已經累積超過一百萬人參與高空彈跳與高空鞦韆,締造零意外紀錄。

旅人終極Bucket list

▶︎  皇后鎮卓越山脈Skydive,NZONE高空跳傘

▶︎  紐西蘭最高,Nevis Bungy 皇后鎮高空彈跳

如果唔想體驗過於刺激嘅活動,可以選擇搭乘纜車一覽皇后鎮絕美嘅景色,或者喺皇后鎮街區悠閒散步、品嚐美食,仲順便去埋瓦卡蒂波湖(Lake Wakatipu) 欣賞湖面嘅優美景色,瓦卡蒂波湖都係好多水上玩家最嚮往嘅旅行地之一!

最後小編都喺地圖上標示了北島嘅奧克蘭、懷托摩、陶波、羅托魯瓦嘅位置,同埋南島嘅米佛峽灣、皇后鎮,提供畀大家參考。

【北島】【南島】

【出發紐西蘭,絕對不能錯過】

▶︎ 紐西蘭北島二日遊,哈比村、毛利文化村、螢火蟲洞

▶︎ 必訪夢幻奇景,懷托摩藍光螢火蟲洞

▶︎ 魔戒拍攝地,奇幻哈比村之旅

▶︎暢遊南島各大景點

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
FacebookInstagramYouTube旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: