冇得去旅行✈️，同囡囡去吓staycation都已經好開心，仲會令人上癮添❣️
之前去親staycation多數都係郊區🛤或遠離商場，我哋今次就去咗港威酒店staycation，喺 尖沙咀 鬧市🛣住酒店，估唔到又會有另一番體會。
酒店職員超讚👍🏻，服務態度一流。Check in當日因為Jasmine瞓咗覺😴我抱住佢，職員超級細心，主動提出上房間幫我check in，令我唔洗抱住佢仲要攞證件出嚟咁辛苦。
一入房間已經見到枱上放咗鮮果盤🍎🥭🍓🍊，朱古力🍫及紅酒🍷，另外房間亦有咖啡機、即沖咖啡☕️、茶包、汽水🥤及啤酒🍻可供享用。
由於我哋升級咗高級套房，所以房間連廳空間感足夠，Jasmine可以不停喺房間走動；浴室🛀🏻空間相當大，有齊企缸🚿及浴缸🛁。
放低哂行李🧳我就趁Jasmine瞓晏覺去換禮物喇！套票內每房間都會有一份尋寶地圖俾大家去換禮物🎁，禮物包括Bears & Friends 水果軟糖，TAG Heuer港幣500元購物禮券及運動套裝，CANVAS玫瑰亮肌防曬套裝☀️及HK$100元優惠券，Häagen-Dazs雪糕🍦，美國冒險樂園代幣50枚各一份，估唔到一家大細，爸爸媽媽都有禮物呀❣️
換完禮物Jasmine又瞓醒，我哋就急不及待落去4樓PICCOLO反斗活動室玩喇❣️15間活動室都有唔同活動可玩，包括V-Owl Station VR 虛擬實境遊戲、任天堂Switch電玩、OSIM按摩椅、跳舞墊、遙控車🏎、氣墊球、籃球🏀、桌上遊戲、幼兒活動、飛鏢🎯、桌球🎱、乒乓球🏓️及麻將🀄️，老少咸宜🧓🏻👶🏼👩🏻👨🏻。
Jasmine主攻幼兒活動室及桌上遊戲，滑梯係佢嘅至愛，玩極都唔厭。而桌上遊戲都有好多唔同類型可玩，可以鬥志鬥力。
大啲嘅小朋友及大人就更加多嘢玩，我就最鍾意V-Owl Station VR 虛擬實境遊戲喇，分別有運動🏸、音樂🎼、射擊遊戲🔫等，我自己都玩到唔捨得走呀！
另有OSIM按摩椅俾大家玩完再鬆吓筋骨💆🏼♀️。
我哋玩到差唔多8pm，玩到反斗活動室都要關門，就落商場食晚飯🍽喇！酒店坐落於尖沙咀海港城，行街🛍、食飯、玩樂、補給都十分方便。提提大家，如果有海港城coupon記得帶埋呀，指定商戶消費滿$100減$50㗎❣️
食完晚飯就去埋美國冒險樂園放電喇，Jasmine最鍾意玩推糖機🍭同擲彩虹🌈，50個代幣真係唔夠玩，最後入埋會用埋啲會員優惠，玩到十點幾先捨得走。
第二朝瞓醒就落Three on Carton食早餐🥣，包點🥖、冷盤🥗、熱食🍲、點心🥠等都有，咁多款式，小朋友就最開心啦！
食完早餐休息一陣就過咗Marco Polo Hong Kong個泳池游水🏊🏻♀️，我哋經商場行過去大慨7分鐘左右。佢哋嘅人數限制係17人，所以去到都要等一等。玩完水上房沖涼🚿換衫就正式為呢個旅程畫上完美句號喇。
總結呢個staycation假期相當好玩，淨係玩酒店內嘅活動室都可以玩幾個鐘，套票又包咗咁多嘢真係絕對超值👍🏻
順帶一提，嚟緊海港城仲會聯同迪士尼以及彼思攜手舉辦香港首個Pixar Fest，慶祝彼思成立3️⃣5️⃣周年！巨型Pixar Ball and Lamp以及來自12套彼思電影嘅角色朋友場景將於今個夏天☀️同大家見面，大家可以留意海港城公布詳情呀！
↫↫↫↫ jαsmínє & mαmα ↬↬↬↬
立即用KKday優惠預訂房間：
<住宿連自助早餐、免費享用PICCOLO反斗活動室及一系列迎賓禮物｜香港尖沙咀港威酒店 Gateway Hotel>
***優惠期至2021年7月2日
延伸閱讀：
>>>>【親子好去處】尖沙咀K11 Musea 香港樂高®️探索中心
>>>>【親子好去處】一次過滿足不同願望 小白兔音樂農莊
>>>>【親子好去處】親手採珍珠 邊玩邊學的海上之旅
