台灣旅遊資訊

【夏日離島遊】 台灣五大海島攻略

每次都聽到好多人渡假話要去外國海島,其實要玩海島,洗咩飛咁遠,近近地飛去台灣都有!台灣嘅海島,唔單止超靚,而且每個島都有自己獨特嘅地方,仲可以用經濟嘅價錢玩各種水上活動。小編今次就整理咗台灣其中5個海島有咩重點必去、必玩、必食喇!襯住仲係夏天,嚟一場台灣外島旅行啦!

KKdap App

一、澎湖(Penghu)

台灣最大嘅離島澎湖,一到夏天時分一定迫滿人潮,飛澎湖嘅機位係一位難求,唔早啲買一定搶唔到,可以睇得出澎湖係一個幾吸引人嘅地方!近呢幾年,就連當地人都慢慢意識到澎湖嘅美,可以盡情玩水、享受乾淨嘅沙灘、藍天。如果你仲未去過澎湖,呢個夏天,就唔好錯過喇!而澎湖最出名嘅就係喺2002年為咗發展旅遊業而開展嘅澎湖花火節,大約喺每年嘅4月至6月舉行,每年呢段時間都吸引超多遊客聚集喺澎湖。

#點去澎湖?

如果你係打算到咗台灣再去澎湖,小編建議可以搭內陸機去~慳時間又方便,目前喺台灣飛澎湖嘅航空公司有立榮、華信同遠東,差唔多一個鐘就會到。

#澎湖有咩玩?

澎湖有好多值得去嘅景點,小編就簡單推薦幾個必去點,包括七美島嘅雙心石滬、桶盤嶼嘅玄武岩石柱、山水沙灘水上活動等等;當然仲有馬公天后宮、老街同西瀛虹橋!

#澎湖有咩食?

仙人掌冰、黑糖糕,唔少得仲有超級壓軸 ─ 海鮮!蚵仔、小管都係必食,可以去澎湖海洋牧場有鮮蚵任食,或者去體驗夜釣小管!

#小編小貼士

每年只要到澎湖煙花節時間,機票都超難搶。如果想趁機去睇澎湖煙花節嘅人,記得一定要提早訂好飛啊!

▶︎【超強攻略】澎湖終極懶人包!

 

二、綠島(Green Island)

綠島係近年一個熱門景點,台灣目前最受歡迎嘅浮潛聖地「藍色珊瑚礁」就喺到!但最重要係,又叫「火燒島」嘅綠島,因為地熱活動發達而擁有世界唯三嘅天然海底溫泉「朝日溫泉」。嚟到綠島,千祈唔好錯過邊歎綠島自然美景邊浸溫泉嘅機會啊!

#點去綠島?

雖然有小飛機選擇,但小編建議可以搭船去。其實唔係好耐,而且仲有機會可以超近距離見到海豚喺你身邊跳!

#綠島有咩玩?

朝日溫泉係必去;仲有喺白色恐怖時期,曾經係政治犯監獄嘅「綠島人權紀念園區」。當然仲要去睇下島上出名嘅影相景點睡美人岩同哈巴狗岩!小編仲要特別推薦一個地方畀鍾意潛水嘅人,就係位於南寮漁港附近「石朗潛水區」外海,有一個全世界發現最古老,已經有千年歷史嘅活珊瑚—巨型老微孔珊瑚,鍾意潛水嘅人一定要去睇下!

#綠島有咩食?

必食海草系列嘅海草冰同海草蛋餅,如果你夠膽嘅話,仲可以試試鹿肉!

#小編小貼士

喺綠島主要嘅交通工具就係電單車,島上都有好多商舖提供租借電單車服務,但小編提醒,商舖通常唔提供汽油~所以租完電單車記得一定要即刻去加油!綠島嘅加油站只得一間,位於南寮村,營業時間為08:00-17:00。

▶︎【台灣綠島】交通遊玩指南

 

三、蘭嶼(Orchid Island)

大家對蘭嶼最大嘅印象應該就係達悟族故鄉。喺呢到,你可以睇到承載住達悟族祖先智慧嘅拼板舟、一排排嘅飛魚乾同著住達悟族傳統服飾嘅族人。撞啱時間去,仲可以參加飛魚季一系列嘅慶典。想要嚟一次文化之旅,體驗達悟族人生活智慧同傳統嘅旅客,蘭嶼就係你嘅最好選擇!

#點去蘭嶼?

去蘭嶼嚟台灣內陸比較遠,可以選擇搭飛機或者船~但因為機票比較搶手,建議提早兩個月訂位。搶唔到都冇所謂,搭船都係一個唔錯嘅選擇!

#蘭嶼有咩玩?

達悟族其實有分好多部落,每個部落都有自己嘅一塊區域。想要睇保存得最完整嘅地下屋,可以到野銀部落睇睇!而小編建議想要欣賞夕陽嘅朋友,喺青青草原你會搵到絕佳視野!

#蘭嶼有咩食?

當然係各種飛魚料理啦!由飛魚炒飯到飛魚乾麵當地都有賣!

#小編小貼士

飛魚季時,女仔係唔可以碰拼板舟由於拼板舟對於達悟族人嚟講十分神聖,所以唔好隨意登上拼板舟!仲有,因為成個島上得兩部提款機,所以小編建議身上一定要帶夠現金~

▶︎【台灣離島遊】蘭嶼初遊必讀指南!

 

四、小琉球(Liuqiu)

小琉球係台灣唯一一座珊瑚礁島,純自然嘅環境真係好靚。而且因為位於低緯,唔會受到冬天東北季風嘅侵襲,所以一年四季都係溫暖嘅天氣,係個連冬天都可以落水嘅玩水勝地!

#點去小琉球?

小琉球目前淨係可以搭船去~由屏東出發只要半小時就到啦!

#小琉球有咩玩?

小琉球地標「花瓶石」係必睇,而且附近都係浮潛聖地,仲有機會遇到綠蠵龜,同佢一齊游水!但小編叮嚀,因為綠蠵龜對聲音、動作好敏感,千祈唔可以為咗引起佢注意而拍打佢附近嘅水域,會嚇到佢㗎!

#小琉球有咩食?

海菜、魚卵絕對係必食!仲有當地出名嘅老李蔥油餅同小蝌蚪芝士餅都一定要試下!

#小編小貼士

大家到海島旅行一定都習慣搽太陽油!但因為小琉球係獨特嘅珊瑚礁島,而防曬用品內含嘅氧苯酮會導致珊瑚礁變形、死亡。所以落海玩嗰時,都唔好破壞咁靚嘅珊瑚礁,記得搽唔含氧苯酮嘅防曬,或者唔搽啊!

 

五、馬祖(Matsu Islands)

馬祖,因為獨特嘅地理位置,曾經係重要嘅戰略地點,亦因為咁留低咗好多充滿人文特色嘅遺跡。嚟到呢度,就好似返到過去,濃厚嘅文化氣息,令你細味歷史對於呢片土地嘅重要性。

#點去馬祖?

可以搭船或者搭飛機,小編建議搭飛機會比較快,但係想慢慢欣賞海上風景嘅話搭船都唔錯㗎!

#馬祖有咩玩?

馬祖充斥住歷史古蹟,嚟到馬祖,一定要睇下當地信仰中心天后宮同八八坑道。但小編最推薦嘅當然係最近超紅,堪稱世界十五大自然奇景嘅「藍眼淚」啦~點綴住無數藍光嘅海水,因為夜光藻遭到海浪嘅拍打先得以顯現,同埋只有四月中到七月先睇得到!

#馬祖小貼士

高粱!高粱!高粱!太重要喇所以要講三次!高粱係馬祖嘅特產,嚟呢邊唔飲高粱嘅話就太可惜喇~但小編都係提醒大家,滿18歲先好飲酒!唔可以飲酒嘅可以食下當地出名嘅魚麵、紅糟同老酒蛋麵!

台灣嘅外島其實都超級靚!以後唔洗搭長途機都可以好好享受夏天~今年夏天就快啲飛去台灣離島玩啦!

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: