今日小編要將越南由北到南,分成 越南三大城市 嚟做景點介紹,其實越南河內、峴港、胡志明三加城市,除咗 越南 美食之外,有好多人文古蹟同大自然嘅鬼斧神工等你去親身體驗!除左下龍灣、水上木偶秀、美山聖地同西貢大劇院等景點之外,越南仲有咩景點一遊?等小編為大家詳細介紹啦!

KKdap App

去胡志明自由行,你可以先準備這些:

▸ 【越南上網 SIM 卡】Vietnamobile 30 日上網電話卡(新山一機場取件)
▸ 【胡志明機場接送】新山一國際機場(SGN)- 胡志明市區
▸ 【胡志明市重點導覽】胡志明市區景點半日遊
▸ 【胡志明機場接送】新山一國際機場(SGN)- 胡志明市區

一、 越南 河內下龍灣

河內下龍灣
圖片來源

屬於新世界七大奇景之一嘅下龍灣,係由幾個陡峭嘅懸崖小島所組成,望落就好似一幅水墨畫咁靚。深入探究仲可以睇到由鐘乳石同各種石筍裝飾而成嘅巨大密室。

河內下龍灣
圖片來源

二、越南 河內水上木偶秀

越南 河內水上木偶秀
圖片來源

越南 河內除咗擁有好似下龍灣、長安名勝群等著名嘅自然景觀外,喺民間文化中,都有一項好出名嘅活動—經典昇龍水上木偶劇。呢個號稱有國寶級水準嘅水上木偶戲喺位於三十六古街附近嘅昇龍戲院上映。工作人員會半身浸喺黃濁嘅水池入面操作玩偶,一邊配搭住樂隊演奏,一邊上演一幕幕屬於越南嘅民間故事。

>>地址:57b Dinh Tien Hoang Street, Hoan Kiem District, Hanoi – Vietnam.
>>表演時間:每日都會有表演!表演時間則按季節而分
夏天 16:10 | 17:20 | 18:30 | 20:00
冬天 15:00 | 16:10 | 17:20 | 18:30 | 20:00 | 21:15

>>售票資訊:100,000VND;身高低於120cm嘅兒童:60,000VND
>>小提醒:昇龍戲院會賣接落嚟一個星期嘅飛,建議大家可以先提早買,位置會比較好!

三、越南 峴港 法國村

越南三大城市

喺法國殖民時期,越南 嘅巴拿山係法國人當時最鍾意嘅避暑勝地!直到依家,巴拿山都仲留有濃濃嘅歐洲風情,連教堂嘅內部都設計得好精緻,猶如一個小歐洲。喺巴拿山仲可以去觀賞蘭花園同舊時嘅紅酒通道等,絕對係打卡影相嘅第一選擇!

>>地址:An Son Hamlet, Hoa Ninh Ward, Hoa Vang District, Danang City, Vietnam
>>入場費:成人650.000VND ;孩童(100-130cm): 550.000VND
>>營業時間:7:30—21:30
>>纜車乘搭時間會依據出發地有所唔同,詳情請見官網

四、 峴港 美山聖地

越南三大城市
圖片來源

有迷你版吳哥窟之稱嘅美山聖地,其實係比吳哥窟更早建立嘅印度教寺廟群!已經被列為世界文化遺產嘅美山聖地,雖然因為經歷過戰爭嘅洗禮,規模細咗好多,不過嚟到呢到依舊可以欣賞到聖都之美,以及傳統舞蹈、音樂等表演。

>>地址:Duy Phu Commune, Da Nang ,Vietnam
>>開放時間:每日都會開放!新年、公眾假期都會開放!
夏天:5:30—17:00 ;冬天:6:00—17:00
音樂表演時間表:星期二到星期日,9:30、10:30、14:30

>>售票資訊:外國旅客: 150.000 VND;越南當地人: 100.000 VND

五、 胡志明市古芝地道

越南三大城市
圖片來源

古芝地道係越南人嘅驕傲,亦都係越戰難以忘懷嘅一種象徵。當年為咗逃離美軍嘅攻擊,越共喺地下建造咗三層嘅地道,地面上無乜分別,實際上地底下藏有一座應有盡有嘅避難村。裡面具備居住空間、儲藏室、指揮中心同廚房等,甚至連醫院都有。

嚟到古芝地道,唔單止可以睇到當時戰爭所留下嘅痕跡,例如砲擊嘅窟窿同為美軍設下嘅陷阱等,仲有射擊、實地走訪古道嘅體驗活動。
>>地址:Phu Hiep Hamlet, Phu My Hung Commune, Cu Chi, Ho Chi Minh
>>開放時間:7:30-17:00
>>售票資訊:110.000 VND (唔包含射擊等體驗費用)

六、 胡志明市西貢大劇院

越南三大城市
圖片來源

西貢大劇院以前係法國殖民時期嘅娛樂場所,亦都曾經係越南下議院嘅位置所在。哥德式嘅建築,到咗夜晚經過燈光嘅投射會顯得更加耀眼。嚟到西貢大劇院除咗參觀影相之外,仲有絕對唔可以錯過,有越南版太陽馬戲團之稱嘅Ao Show!

Ao Show結合咗視覺創新同燈光效果,融合越南特色文化,用竹竿、竹籃同力與美嚟表現出越南特有嘅風土民情。喺歷史悠久嘅西貢大劇院裡面,欣賞胡志明傳統藝術同現代融合嘅精彩表演,絕對可以洗滌你嘅心靈。

西貢大劇院
►地址:07 Lam Son Square Street | District 1, Ho Chi Minh City 700000, Vietnam
►小提醒:如果唔睇表演,係入唔到歌劇院內!

Ao Show
►表演時間請參見官網
►售票資訊:票價由低到高可分為 aah! 630.000 VND、ooh! 1,050.000 VND同wow! 1,470.000 VND呢三種

>> Ao Show,融合傳統與現代的視覺饗宴

最後小編要提醒大家, 越南三大城市 嘅公共運輸系統未係好發達,去各個景點嘅交通方式會建議包車或者搭的士,會比較方便!

更多越南旅行攻略:
▸  【越南】胡志明市交通攻略
▸  【越南】徒步玩遍胡志明市區景點:粉紅教堂、咖啡公寓、統一宮,第一郡+第三郡必去整理! 
▸  【越南】胡志明推薦文青景點,除了咖啡公寓、創意市集THE BOX MARKET之外還有這些! 
▸  【越南】峴港周邊三大必去景點 – 會安、美山聖地及順化

去胡志明自由行,你可以先準備這些:

▸ 【越南上網 SIM 卡】Vietnamobile 30 日上網電話卡(新山一機場取件)
▸ 【胡志明機場接送】新山一國際機場(SGN)- 胡志明市區
▸ 【胡志明市重點導覽】胡志明市區景點半日遊
▸ 【胡志明機場接送】新山一國際機場(SGN)- 胡志明市區