韓國美食手冊購物指南

【韓國首爾】必買人氣手信清單

首爾好玩好食又好買,除咗美妝、服飾外,絕對唔少得採購各式公仔麵、零食、飲料呢項行程!不過入到超市內,睇住琳瑯滿目嘅產品,唔知應該買咩好?而家就等KKday幫你列出手信嘅人氣清單啦!

KKdap App

# 香蕉牛奶


香蕉牛奶可以話係韓國嘅國民飲料,帶有濃濃香蕉香氣嘅牛奶配上小巧可愛嘅包裝,備受觀光客喜愛!除咗一般嘅香蕉口味,仲有草莓、哈密瓜、咖啡呢幾個口味,嚟到首爾每日一支都唔會過份!另外,如果想將牛奶打包返屋企,要記得托運,以免俾海關沒收!

# 泡菜

圖片來源|fotolia

泡菜同香蕉牛奶嘅人氣一樣居高不下,都係去韓國絕對唔可以錯過嘅手信!韓國嘅泡菜經過長久嘅時間醃製,酸中帶辣,發酵而萌發出嘅獨特美味,配上白飯完全食慾大開!

# 紫菜

圖片來源|fotolia

泡菜、紫菜、黃豆芽等幾乎都係韓國每一餐上都可以見到嘅小菜,將紫菜包住米飯同其他配菜,一啖塞入口,感覺超級滿足!嚟到首爾,紫菜仲有原味、泡菜、麻油等多種口味,每一種都令人忍唔住想一片接一片咁食!

# 韓式辣醬

圖片來源|fotolia

喺韓國食唔夠,返到屋企都想自己DIY做韓式料理但總覺得少梗啲味道?嚟到韓國超市記得帶上一盒韓式辣醬!唔同於麻辣,韓式辣醬通常帶點甜味,就連唔太敢食辣嘅朋友都好啱食。不論係拌飯、辣炒年糕定係海鮮煎餅,通通百搭!

#蜂蜜牛油薯片

圖片來源|yayu

入到首爾超市內,眼前擺滿一堆堆嘅零食,最唔可以錯過嘅就係呢款蜂蜜牛油薯片!打開包裝,入面就散發出濃濃嘅奶油香氣,鹹鹹嘅牛油薯片裡夾雜住一絲蜜糖嘅甜味,令人食極都唔夠!除咗一般嘅薯片,小編都大力推薦三角形薯格格版嘅「하니도도」!

# 牛油窩夫餅乾

呢款牛油窩夫餅乾,亦深受韓國人所喜愛,香甜嘅脆餅口感,就好似食濃縮版嘅鬆餅一樣,可以搭配住茶或咖啡,當作小小嘅下午茶點心~~

# 限定口味品客

圖片來源|Pei Hua


前排韓國推出咗三款限定包裝口味嘅品客薯片,分別係藍色—芝士乳酪、粉紅色—焦糖牛油同黃色—蜂蜜芥末。呢三款薯片唔單止好食,包裝亦好吸引,仲曾經喺韓國嘅IG版面上引起咗一陣炫風!粉紅色係最熱賣嘅,而小編自己試過黃色包裝,不過個人覺得芥末味偏酸,要睇下大家適唔適應喔!

# 抹茶醬

抹茶控必買!嚟自濟州島品牌o’sulloc嘅抹茶牛奶醬,之前仲曾一度缺貨買唔到!濃稠嘅抹茶醬帶有濃郁嘅奶香味,不論係用嚟塗多士定係配搭餅乾沾醬都好合適,不過呢款醬稍微偏甜,喺用量上建議斟酌使用喔!

오설록 O’SULLOC 喺首爾都有專門店,唔單止可以買到好多茶類製品,仲可以喺店內享用各式各樣嘅抹茶下午茶。
►推薦店家:Osulloc Tea House 明洞店
►地址:12 Myeongdong 7-gil, Myeong-dong, Jung-gu, Seoul, 韓國
            (座標:37.564264, 126.984530)
►營業時間:禮拜日–四:09:00—22:30,禮拜五、六 09:00—23:00
►電話:+82-2-774-5460
►怎麼去:搭乘地鐵4號線至明洞站,6號出口

# 各式各樣嘅公仔麵

圖片來源|fotolia

韓國拉麵依據口味、口感嘅唔同,有超多種類,小編自己嘅朋友中只要有人去韓國,就一定會買超多返香港。小編自己私心比較鍾意食乾身嘅麵,尤其係辣到爆炸嘅辣火雞麵,仲有分芝士款同兩倍核彈辣,愛食辣嘅人可以買嚟挑戰下!

KKday仲有特別做咗韓國拉麵評比特輯,畀大家參考睇下自己鍾意食邊款韓國拉麵多啲!

# 柚子茶

清香嘅柚子茶本身就具有止咳化痰、潤肺清腸等功效,加入蜂蜜更係具美白效果,不論係熱飲定係凍飲,都非常推薦!

特別嘅係,喺香港頂多係見到用玻璃罐裝成嘅柚子茶,非常重又佔空間,而韓國就有各種方便攜帶嘅包裝!除咗有類似奶球嘅包裝,都有隨行包裝,超級方便,呢啲都非常適合朋友們買一盒嚟分!

# 魚仔夾心蛋糕

濕潤鬆軟嘅蛋糕,內餡融合咗朱古力、紅豆泥同麻糬等口味,甜而不膩!家中若有小朋友嘅話,小編認為非常適合帶返去畀小朋友當點心喔!

►推薦超市:樂天超市首爾站店 롯데마트 서울역점 Lotte market
►地址:首爾中區蓬萊洞2街 122(座標:37.555808, 126.970495)
►營業時間:10:00~24:00
►電話:+82-2-390-2500
►怎麼去:搭乘地鐵1、4號線至首爾車站,1號出口

小編最後提醒大家,同一樣食品喺超市內有好多唔同品牌,每個人嘅口味都唔同,所以喺度冇明確指出邊個牌子最好食。小編都希望大家可以發掘更多好食嘅零食同小編分享!

首爾大採購之旅,你可能還需要:
韓國無限數據上網SIM卡
KR PASS在手,首爾到釜山只要2.5小時!

更多KKday韓國經典好文
▶︎【購物】首爾終極逛街地圖
▶︎【交通攻略】首爾交通懶人包
▶︎【推薦】首爾5大養生汗蒸幕

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: