韓國旅遊資訊

【韓國櫻花】2018韓國賞櫻攻略

韓國位於中緯度,冬天白雪皚皚,隨住氣溫回升,到三月底四月初,就係櫻花、迎春花、山茱萸、杜鵑花嘅開花期,成個韓國都變到好浪漫!講起櫻花,大家第一個諗到可能係日本,但其實隔離嘅韓國,都係賞櫻嘅好去處。

下文為大家介紹幾個韓國首爾賞櫻嘅熱門景點,一開始睇咗入門級先,去首爾想賞櫻,但係又唔知要去邊嘅話,去呢啲地方就啱喇。

KKdap App

汝矣島 여의도

圖片來源|Shutterstock

汝矣島係首爾賞櫻景點嘅入門級地方。以輪中路為中心嘅汝矣島櫻花季,可以話係首爾櫻花季嘅代表。環繞住國會議事堂,輪中路全長5.7公里,每年一到春天,櫻花開始綻放,就會形成一條長長嘅櫻花隧道。另外慶典期間,每日夜晚都會有五顏六色嘅燈光,如果日頭嘅汝矣島係大家閨秀,小編覺得佢夜晚多咗份冶豔。

▶︎ 地址:首爾特別市永登浦區汝矣島公園路120
▶︎ 交通方式:
(1) 2號線唐山站,4號出口(較遠)
(2) 5號線汝矣島站,5號出口(較遠)
(3) 9號線國會議事堂站,1、6號出口(最近)
(4) 另可搭乘公車至「汝矣島純福音教會」、「國會議事堂」站。

南山公園 남산공원

圖片來源|Shutterstock

首爾地標南山塔嘅所在地 – 南山公園,每年春天百花齊放之下,都係熱門賞櫻景點,唔使特別搵路,隨便一條登山步道都係賞櫻嘅絕佳地點,想感受下春天氣息,小編推薦大家搵一日去南山行下山。

▶︎ 地址:首爾市龍山區南山公園路3號
▶︎ 交通方式:
(1) 地鐵4號線會賢站或明洞站下車後徒步前往

石村湖 석촌호수

石村湖呢個名可能無乜人聽過,但係你一定聽過樂天世界。石村湖喺樂天世界隔離,湖周圍一共有千幾棵櫻花樹,蠶室地區全部都係高樓大廈,盛開嘅櫻花有如神秘隧道,引領大家前往美麗烏托邦。

▶︎ 地址:首爾特別市松坡區蠶室路148
▶︎ 交通方式:
(1) 2號線蠶室站2,3號出口

慶熙大學 경희대학교

圖片來源|Shutterstock

基本上只要去到春天,韓國各大校園都會變成賞櫻景點,當中最出名就係慶熙大學。以歐式建築著稱嘅慶熙大學,平時已經吸引咗好多遊客去參觀,不過一開櫻花,場面就更加墟嵌,除咗遊客,附近中學都會集體做校外教學,唔怪得小編喺慶熙讀書嘅朋友成日都同小編講,每到春天學校會化身為慶熙樂園啦。

▶︎ 地址:首爾市東大門區回基洞 1號
▶︎ 交通方式:
(1) 地鐵1號線,123回基站,轉搭01綠色公車

釜山

睇完上面幾個首爾入門級地點後,跟住我們將腳步移去南部,想賞櫻點可以遺忘南霸天釜山呢?

南川洞 남천동

圖片來源|Shutterstock

如果汝矣島係首爾最出名嘅賞櫻地點,南川洞可以話係釜山人春季必訪嘅景點。位於廣安里同慶星大學附近,三益海灘公寓後面嘅櫻花道,每到春天都會吸引好多人嚟賞櫻,如果有釜山人話佢無聽過南川洞,呢個人相當有嫌棄!

▶︎ 交通方式:
(1) 從地鐵站金蓮站5號出口,步行約12分鐘即可抵達(位於廣安里海水浴場右側尾端)。
(2) 從地鐵站南川站1號出口,步行約15分鐘即可抵達。

東大新洞 동대신동

圖片來源|Unsplash

既然提到南川洞,就唔可以唔提東大新洞。同南川洞並列釜山最佳賞櫻地點嘅東大新洞,雖然規模無南川洞咁大,但係好易去,又少車,所以都吸引到好多民眾,想喺釜山賞櫻,東大新洞都係一個好好嘅選擇。

▶︎ 交通方式:
(1) 地鐵東大新站,再搭乘公車至或東大新2洞 (位在望洋路)

麥島生態公園 맥도생태공원

圖片來源|Shutterstock

麥島生態公園位於洛東江出海口附近,佔地廣大,周圍無高樓大廈,一直以來都係釜山市民想逃離石屎森林嘅最佳選擇。沿著洛東江一字排開嘅櫻花道,禁止車輛進入,大家可以悠閒漫步喺櫻花樹下。

▶︎ 交通方式:
(1) 輕軌登龜站
(2) 地鐵江西廳站3號出口
(3) 從沙上站步行約15分鐘

海雲台迎月路

圖片來源|Shutterstock

講到釜山賞櫻,又點可以錯過海雲台嘅迎月路呢?!呢到係釜山人心目中,第一名最適合賞花同賞月嘅景點!日夜都適合嚟賞花,而且迎月路又靠近海雲台,所以賞花之餘仲可以去海邊吹下海風。

▶︎ 交通方式:
(1) 沿著海雲台海灘向尾浦方向前進,分叉路口左轉,經過平交道後會見到小社區,再往前直行就會到迎月路起點!
(2) 釜山地鐵2號線海雲臺站1號出口搭乘社區公車海雲臺2號或10號於外國人學校站下車
(3) 在2號線中洞站的5號或7號出口延著海邊步行
搭乘39、100、139、141、200號公車於尾浦moontan路入口下車,順著上坡路走約20分鐘可到海月亭。

鎮海軍港節

圖片來源|Shutterstock

如果要小編推薦一個韓國賞櫻景點,小編絕對會舉雙手雙腳狂推鎮海。慶尚南道昌遠市嘅鎮海可以話係南韓賞櫻嘅代名詞。
CNNGO評選鎮海係韓國必去景點,係韓國櫻花最密集同茂密嘅地區,除咗余佐川、慶和火車站、鎮海樓、長福山等著名賞櫻地點外,隨便喺一條路上都可以有櫻雪紛飛嘅浪漫。每年春天,無論係韓國本地人定國外遊客,都會專程去到鎮海,一探櫻花之城嘅魅力。

▶︎ 地址:慶尚南道昌原市鎮海區通信洞
▶︎ 交通方式:
(1) 從釜山搭乘地鐵2號線,至「沙上站」,從5號出口出來後,到「釜山西部外巴士」站搭乘巴士前往鎮海。

出發韓國賞櫻,你一定要知道:
▶︎ 首爾出發欣賞最美櫻花
▶︎ 釜山出發行櫻花大道

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!

1 則評論

Comments are closed.

%d 位部落客按了讚: