交通指南旅遊資訊東南亞

【馬來西亞沙巴】五日四夜行程規劃

位於婆羅洲北端嘅 沙巴 ,近年成為咗非常受歡迎嘅海島天堂,未開發紅樹林蘊藏住嘅豐富生態同特殊多島地形形成嘅跳島獨特玩法都吸引咗大批遊客,想潛入清澈海水同啲魚玩遊戲?想探索原始紅樹林、揭開珍禽長鼻猴嘅神秘面紗?想一睹東南亞第一高峰神山嘅風采?咁就要趁住夏天嚟一轉五日四夜嘅 沙巴 之旅啦!

KKdap App

#沙巴五天四夜行程總覽

DAY1 手工藝市集、中央市場、菲律賓市場/加雅街→沙巴博物館→丹絨亞路海灘
DAY2 美人魚島/東姑阿都拉曼國家公園
DAY3 九魯河泛舟→Mari-Mari文化村/婆羅洲文化村
DAY4 水上清真寺→Kawa-Kawa紅樹林
DAY5 信號山觀景台→艾京生大鐘樓→京那巴魯國家公園

Day 1 亞庇藝品美食一條街→沙巴博物館→丹絨海灘絕美日落

【今日重點:手工藝市場、中央市場、沙巴博物館、丹絨亞路海灘】

第一站:(方案一)手工藝市集、中央市場、菲律賓市集

手工藝市集(Handicraft Market)

嚟到手工藝市場,你可以見到成千上萬種紀念品堆到成座山咁任君選擇,珍珠、布料、樂器,想尋寶嚟呢度就啱啦!小編推介大家一定要買嘅就係有當地特色花紋嘅紗籠啦~去海灘嘅時候,必備紗籠呀!

>>小編提醒:手工藝市場裡面嘅商品價格好多都比周日市集高,紀念品之類嘅可以考慮直接喺周日市集先買,但如果想買珍珠,呢度嘅品質就會比較有保證~(但當然都要睇個別店家啦)!

▶地址:Jalan Sinsuran, Pusat Bandar Kota Kinabalu, 88000 Kota Kinabalu, Sabah, Malaysia (座標:5.981220, 116.071794)
▶開放時間:09:00 – 16:30

中央市場(Kota Kinabalu Central Market)

圖片來源|fotolia

中央市場,簡單嚟講就係當地好出名嘅街市喇!無論係乾貨定蔬菜水果、肉類等呢度都有得賣。而東南亞特產例如紅毛丹、山竹、榴槤等等都可以喺呢度搵到,而且因為係街市,價格都算平㗎,經濟實惠!

>>小編提醒:大部分酒店都禁止遊客帶榴槤返房㗎~記得喺外面食完先返去!

▶地址:Jalan Tun Fuad Stephens, Kota Kinabalu, 88000 Kota Kinabalu, Sabah, Malaysia (座標:5.983097, 116.072902)
▶開放時間:06:00 – 18:00

菲律賓市集(Filipino Market)

圖片來源|fotolia

菲律賓市集朝早賣乾貨、水果;而下晝4點到11點嘅時段就會變成夜市,有抵食嘅海鮮、燒烤等。有啲店家仲會提供新鮮海鮮即買即烤,想食到又平又好食嘅馬來西亞街邊小檔,或者係夜晚肚餓想食宵夜,嚟呢度就啱啦!

>>小編提醒:因為是街邊小檔,所以有啲店家衛生條件可能唔太好,建議腸胃麻麻嘅人要揀新鮮、乾淨啲嘅攤檔或者直接避開喺呢度買嘢食~

▶地址:Jalan Tun Fuad Stephen, Pusat Bandar Kota Kinabalu, 88000 Kota Kinabalu, Sabah, Malaysia (座標:5.981763, 116.072108)
▶開放時間:夜市時段為16:00 – 23:00
▶中央、手工藝、菲律賓市場都位於Jalan Tun Fuad Stephens,只係相隔幾步路嘅距離,可以直接一條龍行到完~
▶交通:可搭乘KK City Bus 到 Kota Kinabalu Central Market站 (票價:1RM)
▶建議停留時間:4小時

第一站(方案二):加雅街 (Gaya Street)、加雅週日市集(Gaya Sunday Market)

加雅街係沙巴首府亞庇嘅主要街道,成條街由傳統建築組成。每到星期日朝早,就會有各種物品販售,由蔬果生鮮、鍋碗盆栽,到各種古玩、衣服、書籍等等,應有盡有。喺呢條街你仲可以搵到好多沙巴必食嘅餐廳:富源茶餐廳、怡豐茶室、 金沙園生肉麵等等,係非常熱鬧又平民嘅市集!

▶週日市集時間:07:00-13:00
▶交通:搭乘KK City Bus 至Suria Sabah站(票價:1RM)
▶地址:Jalan Gaya, Pusat Bandar Kota Kinabalu, 88000 Kota Kinabalu, Sabah, Malaysia(座標:5.983032, 116.076646)
▶建議停留時間:3小時

第二站:沙巴博物館(Sabah Museum)

圖片來源|fotolia

沙巴博物館嘅前身係英國殖民時代嘅政府官邸,裡面展示咗沙巴豐富嘅文化歷史。館內設置嘅多元文化村,以重現舊時器具、擺設嘅方式,帶你走入老時光。

►開放時間:09:00 – 17:00,星期六不營業
►入場費:15馬幣,如果有馬來西亞朋友嘅話建議可以請佢代買,因為馬來西亞籍購買門票只需2馬幣!
►地址:Sabah Museum administration Jalan Muzium, 88300 Kota Kinabalu, Sabah, Malaysia(座標:5.960613, 116.071490)
►交通:(1) 可以喺旺旺山百貨商廈(Wawasan Plaza)前面嘅巴士站坐13號巴士(前往Penampang方向),約1馬幣。 (2) 搭的士嘅話,大約需要12-15馬幣。
▶建議停留時間:3小時

第三站:丹絨亞路海灘(Pantai Tanjung Aru)絕美日落

圖片來源|shutterstock

距離機場非常近嘅丹絨海灘被列為世界最靚嘅十大日落海灘之一,以形狀各異嘅火燒雲、流動海水構成嘅層次景致得名。玩到攰肚餓嘅話,附近仲有Tanjung Aru夜市可以買到各式炸物同小點心填肚!

►地址: Tanjung Aru, 88100 Kota Kinabalu, Sabah, Malaysia(座標:5.948249, 116.045154)
►開放時間:公共開放 免費進入
►交通:
(1) 由市區搭的士出發,大約15馬幣
(2) 由亞庇市中心行去丹絨海灘約需25-30分鐘
(3) 喺瑪麗娜公寓(Marina Court)前面嘅巴士站搭16號巴士。但16號巴士唔係直達海灘,只係去到丹容亞路(Tanjung Aru)呢個地區,上車時事先同司機講,佢會畀你喺大馬路落車,落車後一直行到盡頭就會到海灘,價錢為馬幣1.5元。
(4) 由旺旺山巴士總站搭迷你巴士前往,冇路線圖同時間表,你要認住白色+紫色嘅車身,價錢為1.5馬幣,記得上車前同司機確認下(過咗5、6點之後就冇迷你巴士㗎啦)
▶最佳觀賞夕陽時間大約係六點到六點半~同另一半一齊去浪漫指數爆燈!

Day 2夏日水上活動 浮潛、水上摩托車、海底漫步

【今日重點:水上活動、跳島行程】

第一站(方案一):美人魚島(Mantanai Island)

如果你係浮潛愛好者,咁你一定唔可以錯過美人魚島!喺美人魚島附近有多個浮潛點,對於新手或者係內行玩家都好適合,如果天氣好嘅話,仲可以出海去到兩個唔同嘅浮潛點!呢度水質異常清澈、能見度高,加上擁有豐富嘅海洋資源,對於喜愛浮潛嘅你絕對係最佳選擇!島上每日都有50人嘅上島名額限制,所以入島前記得一定要先行預約~

如果有時間嘅話,仲可以安排喺美人魚島留一晚,浮潛完可以睇埋夕陽,夜晚仲可以望到超靚星空同岸邊夜光藻嘅亮光,即係大家俗稱嘅「藍眼淚」!

▶座標:6.712200, 116.350234
▶交通:由古打毛律鎮(Kota Belud)坐船大約40分鐘
▶建議停留時間:全日
美人魚島浮潛放鬆一日遊

第一站(方案二):東姑阿都拉曼公園跳島(Tunku Abdul Rahman)

圖片來源|fotolia

「東姑阿都拉曼國家公園」一共有五個島,由加雅島、沙比島、馬穆迪島、馬努干島、蘇洛島所組成,只要比一次入島費就可以同日內進出呢五個島㗎喇!而喺「東姑阿都拉曼國家公園」最熱門嘅跳島選項就係「沙比島+馬努干島」或者「沙比島+馬穆迪島」嘅雙島遊!

如果你係水上活動愛好者,咁錯過呢個跳島行程嘅話你一定會後悔!三五知己一齊出遊,一齊體驗刺激嘅水上活動都非常適合!如果你擔心嘅係預算問題,咁可以揀東姑阿都拉曼國家公園嘅跳島行,浮潛加上多種水上活動,大約五百蚊左右就可以一次滿足,仲可以一次過去兩個島玩㗎~

沙比島 Sapi island

KKday

沙比島係「東姑阿都拉曼國家公園」最熱門嘅島嶼,可以自費加購各種水上活動。喺呢度可以體驗水上摩托車、水上跳傘、香蕉船等活動;如果想換種方式欣賞下海底世界,都可以揀海底漫步或者海底電單車。

▶座標:6.009311, 116.007011

馬努干島 Pulau Manukan

圖片來源|fotolia

馬努干島嘅島上設施較為齊全,有度假村、餐廳、紀念品專賣店等。亦係「東姑阿都拉曼國家公園」五大島入面嘅熱門選項,遊客相對地都會比較多,鐘意熱鬧嘅你就最適合馬努干島啦!

▶座標:5.975969, 116.000579

馬穆迪島 Pulau Mamutik

圖片來源|fotolia

馬穆迪島同馬努干島最大嘅差別在於馬穆迪島係五大島中最細、島上亦都冇餐廳,所以相對嚟講團體遊客會比較少。如果你想喺清幽啲嘅環境下散下步,揀馬穆迪島就啱啦!

▶座標:5.966503, 116.013689
▶交通:由Jesselton point搭船到東姑阿都拉曼公園各島,船費依唔同公司、方案有所不同。
▶建議停留時間:全日
沙比島+馬努干島 沙巴離島巡禮 水上活動一日遊

Day 3 九魯河泛舟→沙巴文化巡禮

【今日重點:泛舟、沙巴原始文化】

第一站:九魯河泛舟(Kiulu)

KKday

曾被票選為馬來西亞第二靚村莊嘅九魯,擁有幽靜唯美嘅自然環境,而跨越村莊嘅九魯河水勢溫和,非常適合泛舟,而且特別適合一家大細同初學者玩。

▶地址:065010 279851, 116, Jalan 6, Taman Amaniah, 68100 Batu Caves, Selangor, Malaysia (座標:6.066067, 116.279958)
▶電話:+60 11-3152 9677
▶開放時間:08:30-17:30
▶交通:由亞庇市區開車到Kiulu river約需一個鐘左右,小編建議參加當地嘅Local tour或者參加九魯河泛舟半日遊
▶建議停留時間:3小時

第二站(方案一):Mari-Mari文化村(Mari-Mari Cultural Village)

離亞庇僅半個鐘車程嘅Mari-Mari文化村,集結咗五個民族嘅文化。嚟到呢度,你可以一探各個民族嘅生活,唔止可以入佢哋嘅屋企參觀,佢哋仲會教你平日係點鑽木取火、打獵。仲可以近距離欣賞傳統舞蹈,可以話係了解沙巴原住民文化嘅最佳捷徑!

▶交通:亞庇出發車程約半小時,小編建議可以直接預定官網嘅團,或者參加中文導覽半日遊
▶開放時間:一日共3場 ─ 早上10點、下午2點、晚上6點
▶價格:早上10點與下午2點場 ─ 含接送 成人180RM/小孩160RM(五人以上有優惠);
晚上6點場 ─ 含接送 成人200RM/小孩180RM
▶官網:http://marimariculturalvillage.com/
原住民體驗、嚐嚐原住民美食!Mari-Mari文化村半日遊
▶建議停留時間:5小時

第二站(方案二):婆羅洲文化村(Borneo Cultural Village)

KKday

婆羅洲文化村係沙巴另一個著名嘅文化村,位於亞庇附近城市吧巴,可以睇到有別於Mari-Mari唔同族群嘅原民文化。文化村內一樣有唔同民族嘅房屋,可以一次過理解唔同民族嘅文化,當地原住民亦會表演吹箭、傳統舞蹈,仲可以學習烹煮當地私房料理,係沉浸喺沙巴原住民文化嘅好選擇!

▶交通:亞庇出發車程約需1小時,但交通較為唔方便
▶入場費:成人30RM/12歲以下小孩15RM
▶建議停留時間:5小時

Day 4 著名水上清真寺→紅樹林賞螢火蟲、長鼻猴

【今日重點:清真寺、紅樹林生態】

第一站:水上清真寺(City Mosque/ Masjid Bandaraya Kota Kinabalu)

圖片來源|shutterstock

亞庇市立清真寺建於里卡斯灣(Likas Bay)嘅人造湖上,彷彿漂喺水上面,有「水上清真寺」嘅美名。嚟到呢度不妨參觀呢個當地嘅重要信仰中心,裡面可以容納一萬多名教徒祈禱㗎!到咗黃昏時刻,清真寺喺水中倒映出嚟嘅景色更加係美不勝收!

►開放時間:平日08:00 – 17:00(週五除外)週六 09:00 – 11:00
►入場費:免費,租服3馬幣
►交通:5A線巴士,票價1.5馬幣
►地址:Jalan Teluk Likas, Kampung Likas, 88400 Kota Kinabalu, Sabah, Malaysia(座標:5.995717, 116.107727)
►提醒:男女要著長衫長褲!
▶建議停留時間:2小時

第二站:Kawa Kawa紅樹林

Kawa Kawa紅樹林係沙巴四大紅樹林中最遲開發嘅,環境保育最好,螢火蟲數量亦最多,更有相當高嘅機率可以睇到可愛嘅特有珍禽長鼻猴。而喺前往Kawa Kawa紅樹林嘅過程中,亦都會經過赫赫有名嘅水上清真寺!

圖片來源|fotolia

►開放時間:08:00-18:00
►交通:一般自助旅客想進入紅樹林地區較難,小編建議參加當地的local tour
►地址:89150 Kota Belud, Sabah, Malaysia(座標:6.415407, 116.406251)
▶建議停留時間:全日
►電話:+60 19-833 6130

Day 5 亞庇市區漫步 信號山觀景台→艾京生大鐘樓→京那巴魯國家公園

【今日重點:艾京生大鐘樓、信號山觀景台、京那巴魯國家公園】

第一站:信號山觀景台 (Signal Hill)

想一覽亞庇市區嘅風貌,就可以揀嚟信號山觀景台啦!但信號山算係小山,如果從正常路口入去要行一段樓梯㗎!如果你好憎行樓梯,咁小編就會建議你先去艾京生大鐘樓,因為喺鐘樓去信號山觀景台只需要行平路~

►開放時間:08:00-00:00
►電話:+60 13-858 6018
►入場費:免費入場
►交通:搭KK City Bus 到Suria Sabah站(票價:1RM) 離加雅街非常近㗎~
►地址:Jalan Bukit Bendera, 88400 Kota Kinabalu, Sabah, Malaysia(座標:5.985551, 116.079241)
▶建議停留時間:1小時

第二站:艾京生大鐘樓 (Atkinson Clock Tower)

鐘樓位於巴萊士山上(Brace Hill),但位置唔算高,由Dewan Street行一小段樓梯就可以睇到,原本鐘樓係為咗紀念第一任總督個仔,後來因為佢挑高嘅設計,轉變為船隻入港時嘅指引燈塔,而依家因為高樓林立,鐘樓已經卸下咗原本作為燈塔嘅職務,只得返時鐘嘅功用~

►開放時間:24小時
►電話:+60 88-212 121
►入場費:公共區域,免費入場
►地址:Kota Kinabalu, 88400 Kota Kinabalu, Sabah, Malaysia(座標:5.982167, 116.077351)
▶建議停留時間:1小時
▶艾京生大鐘樓同信號山觀景台距離約20分鐘(徒步)

第三站:京那巴魯國家公園 (Kinabalu National Park)

圖片來源|fotolia

如果冇體力攻上神山,但又想眺望神山嘅觀景,咁就要去京那巴魯國家公園喇!京那巴魯國家公園又稱為神山國家公園,距離亞庇市區約2小時,係爬山愛好者嘅最喜愛地點。佢同神山同為世界自然遺產,亦都被列為研究東南亞嘅多元植物中心,好彩嘅話仲可以睇到大王花㗎!

▶地址:89300 Ranau, 沙巴馬來西亞(座標:6.207332, 116.640970)
►交通:喺Padang Merdeka (艾京生鐘樓附近)搭乘往Ranau嘅Mini Bus,一個人約15馬幣;落山嘅話喺入山口地方會有Mini Van等住載客(大約3、4點左右),如果唔想花費咁多時喺交通上亦都建議大家參加一日遊,或者兩天一夜攀登神山
▶建議停留時間:4小時

以上就係沙巴五日四夜嘅景點精華,睇完有冇心郁郁呢,快啲趁住夏天去沙巴享受上山下海嘅樂趣吧!

沙巴旅遊,你會需要:
沙巴自助行必備!中英文客服私人租車
馬來西亞無限上網 亞洲13國通用4GB高速上網卡

前往沙巴你需要知道:
▶【美食】沙巴亞庇經典10大美食
▶【景點】沙巴必去景點大全

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: