韓國交通指南

【韓國交通篇】教你用KR PASS 玩轉韓國

隨住愈嚟愈多人去釜山、大邱玩,好多人去韓國會一次玩晒幾個地方。但係交通方面要點樣玩首爾、釜山、大邱先最方便?邊種飛/Pass最慳錢?就等KKday用呢篇文為你解答點用韓國鐵道周遊券KR Pass同KTX慳時間又慳錢啦!

KKdap App

一、韓國KTX、韓國鐵道周遊券KR PASS簡介

圖片來源|Shutterstock

KTX 係韓國嘅高速列車,時速最快可達305km,總共有8條路線,最常使用京釜線往返首爾同釜山,搭KTX由首爾到釜山只需要2.5小時,係短時間玩晒兩個地方嘅好選擇~
KR Pass(Korea Rail Pass)係外國旅客專用嘅韓國火車通行證,旅客喺抵達韓國兌換KR Pass之後,依訂購嘅票種,可以喺一定期間內自由搭由Korail所營運嘅一般列車。

二、KR PASS 適用車種

圖片來源|Shutterstock

適用嘅車種主要分為通勤列車同觀光列車兩種,只要係以下車種都可以喺使用期限內自由搭乘。

(1)  通勤列車

  • KTX
  • KTX-山清
  • ITX-新村號
  • 新村號
  • 無窮花號
  • Nuriro號
  • ITX-青春列車

(2) 觀光列車

  • 中部內陸循環列車(O-train)
  • 峽谷列車(V-train)
  • 旌善阿里郎列車(A-train)
  • 南道海洋列車(S-train)
  • 西海黃金列車(G-train)
  • 和平列車(DMZ-train)

◆ 注意:KR Pass係唔適用於地鐵度㗎!

三、事先購買嘅好處

圖片來源|Shutterstock

如果想一次過玩晒首爾釜山大邱等多個韓國旅遊景點,但次次都臨搭車先買飛嘅話就蝕晒喇!KR Pass 有彈性票嘅選擇(可以唔連續使用),所以無論係要釜山-首爾來回;定首爾-大邱來回,基本上都好抵用!如果覺得去韓國鐵道公社(Korail) 買飛太麻煩、研究票價要花好多時間嘅,都可以上KKday 官網買!

四、常見問題

圖片來源|Shutterstock

Q: 票券種類?
A: KR Pass 主要分為連續使用票彈性通票,連續使用票券又分為1日、3日、5日同7日券四種選擇;而彈性通票則分為2日同4日兩種選擇。

Q: 連續使用票同彈性通票有咩分別?
A: 連續使用票券意思係買咗之後要連續使用,例如你買三日券,就要喺三日內連續使用。如果係彈性通票券就可以唔連續使用,只要係喺10日有效期內使用就得。

舉個例,假如小編會喺 13/8-20/8 去韓國玩,其中 15/8-18/8 會去釜山玩,之後再返首爾,呢個時候買彈性通票二日券,就可以揀去程喺 15/8 同回程 18/8 呢兩日用。如果冇買KR Pass,而直接買KTX飛,咁來回就要用超過10萬won,完全蝕晒呀!

買彈性通票可以揀一次性換兩張飛,但如果未確定回程日期,亦可以唔換回程飛住,到咗回程時間先再去櫃檯換票~(但注意要喺10日有效期內兌換!)

Q:「普通(Normal)」、「節約(Saver)」和「青年(Youth)」有咩分別?
A:  連續使用票券同彈性通票嘅價錢會根據「普通(Normal)」、「節約(Saver)」同「青年(Youth)」三種類型而有所不同。

  • 「普通(Normal)」:成人單獨前往韓國旅行可以買嘅票券。
  • 「節約(Saver)」:2-5人可以買嘅團體票券,價錢亦會平啲,但6人以上就需要分拆開買喇。
  • 「青年(Youth)」:只限13至25歲人士或者持有國際學生證(ISIC)嘅學生(不限年齡)可以購買,價格最平。

Q:邊度可以兌換?
A:可以喺首爾站、釜山站、大邱站、慶州站、全州站等,以及所有可以買到KTX飛嘅櫃檯兌換(營業時間:9:00-18:00)內,亦都可以揀喺仁川機場站兌換!

  • 首爾/釜山Information櫃檯(9:00 – 18:00,平日開放,週末、國定假日公休)
  • 仁川國際機場諮詢服務中心 (9:00 – 21:30,全年無休)

Q:點兌換?
A:如果上KKday購買,記得要帶埋「列印本」嘅KKday KR Pass憑證同護照(唔需要信用卡),去到現場先可以換飛同劃位;如果係上韓國鐵道公社個網買,都要列印e-ticket作兌換,而且要出示埋預約者本人嘅護照、兌換券、同埋你買時比錢嘅信用卡~詳情可以上韓國觀光公社或者Korail網站查詢。

Q:適合咩人買?
A:基本上只要你會乘搭兩程或以上嘅長程KTX就已經可以回到本喇!所以計畫去釜山同首爾兩地玩嘅人,就可以考慮買張KR Pass。但如果你嘅行程安排係去完首爾、回程時喺釜山嘅金海機場返香港,就唔太適合購買。

Q:如果我想15/8由首爾搭去慶州玩下,預計夜晚再搭去釜山嘅話,可唔可以用KR Pass一日搭兩次?會唔會只限於來回程先可以用?另外如果我想臨時改做16/8先去又得唔得?
A:只要收到KKday嘅電子憑證之後,就可以即刻去櫃檯兌換,同當初訂購嘅使用時間冇關係。使用時間依旅客前往櫃檯兌換嘅時間為準;另外,換飛當日可以無限次乘搭KR Pass適用車種。

五、跟KKday買KR PASS嘅注意事項

圖片來源|Shutterstock
  1. 訂購後需要提供「所有旅客正確嘅護照姓名」,兌換票券時若發現電子憑證上嘅姓名同護照姓名不一樣將會無法成功換票,屆時將不予退款。
  2. 建議至少喺出發前5日訂購,並且可以喺備註欄填寫出國日期,以確保能夠準時拎到KR Pass憑證。
  3. 4歲以下嘅小朋友不佔位係唔需要購買票券,但需要提供出生年月日。
  4. 票卷由開票日起計180日之內有效,逾期失效。
  5. 兌換憑證唔見咗可以補發,但KR Pass乘車票唔見咗係冇得補發㗎~
  6. KKday所售賣嘅KR Pass並無提供青少年購買優惠。
  7. 訂購前請務必核對使用者姓名同護照號碼,如果需要改名,請主動聯繫KKday,並需要收返5美金更改費。

以上就係KKday為大家整理嘅KTX、KR Pass相關資訊,希望可以幫到大家暢遊韓國!

◆ 延伸閱讀:
▶︎ 【韓國上網裝置大比拼】比較SIM卡、WIFI蛋
▶︎ 首爾終極逛街地圖

◆ 出發韓國,你會需要:
▶︎ 自由行必備,釜山觀光巴士
▶︎ 一券在手玩遍韓國,韓國鐵道周遊券Korail (KR PASS)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: