交通指南旅遊資訊東南亞

【沙巴交通篇】超完整沙巴交通攻略

夏天已經過咗大半,講到暑假旅行,小編首推嘅就一定係沙巴!但相信你對沙巴嘅交通點都會有啲陌生,所以今次我哋幫你準備好晒沙巴嘅超完整交通攻略,喺亞庇機場點入亞庇市區?有邊啲市區交通?亞庇市區巴士點搭?呢啲問題通通等我哋幫你解答啦!

KKdap App

1. 機場-亞庇市區交通

圖片來源|Fotolia

#機場巴士 (Airport bus)

機場巴士位於出關後嘅左前方,可以話比櫃檯人員知你住邊間酒店,並詢問邊個站落車會比較近,通常櫃台小姐會比張地圖你同直接幫你Mark低喺邊個站落車~

►成人票價5馬幣、小孩票價3馬幣
►營運時間:07:30 – 20:30
►車程:25-40分鐘(依站點遠近)

#巴士

可以搭16A巴士去Wawasan Bus Terminal(旺旺山巴士總站),之後再轉其他班次去其他區域,但注意巴士總站係冇巴士站牌、同時間表㗎。

#的士

由機場搭的士去市區大約15分鐘車程(白色的士),喺的士櫃檯說明目的地之後買飛(靠近出口),車費大約係20-30馬幣。

►位置:入境大廳一樓
►小編提醒:如果係喺23:50 – 06:00呢段時間搭需要另外比50%嘅額外費用。

另外小編亦都為大家整理咗每個區域價錢係點計(喺櫃台買全部都係統一以下價格):

#專車接送

如果你係第一次嚟沙巴,又或者係三五知己嚟Grad Trip,唔想等嚟等去嘅話,小編會建議用包車嘅方式,由專人喺機場載你入市區,一嚟唔洗係咁拎住行李走上走落,慳時間慳力,而且幾個人一齊攤分車錢,計返非常抵玩,港紙一百蚊都唔洗!

2. 市內交通

#的士收費

圖片來源|Fotolia

沙巴市區嘅的士唔算多,而且亦唔似香港咁跳錶計錢,或者好似機場咁有固定價格。通常都係上咗的士之後直接同司機講價,咁唔熟沙巴嘅大家一定會問:「幾錢先算合理?」沙巴旅遊局亦為大家考慮到呢個問題,所以喺沙巴旅遊局嘅英文官方網站入面,有詳細咁列出市區至常去郊區嘅巴士、的士價錢比大家睇,甚至仲好貼心咁寫咗可以喺邊度搭,大家可以做下功課~

►官網:沙巴旅遊局交通資訊

#租車

圖片來源|Fotolia

如果你唔想旅程入面充滿不確定性,咁你都可以揀租車,如果係一班人去玩,又有人可以做司機嘅話,呢種方式可能計落會比較抵㗎!KKday都有貼心咁為大家準備咗四人、五人、七人車三種選擇!

►小編提醒:去沙巴前記得搞掂咗張國際車牌先呀~
香港出發前事先預訂,去到亞庇輕鬆自駕遊!
亞庇市區點租機車?

#包車

圖片來源|KKday

如果你同小編一樣係懶人型,一啲都唔想自己開車、又唔想喺大大個太陽底下等半粒鐘巴士、但又唔想跟團,想輕鬆又想有彈性嘅旅程?咁小編就強烈推薦大家可以選擇包車喇!

沙巴景點一次玩,彈性輕鬆包車遊!
6小時高品質包車遊沙巴!

#大眾交通工具

基本上如果你只會留喺亞庇市區內,咁你亦都可以考慮搭巴士去你想去嘅地方,例如亞庇市區就有KK City Bus (綠黃紅車身),主要繞行於亞庇市區內,只要有巴士站牌嘅地方基本上都可以上落車,而路線主要分為A、B、C三條路線,不過其實有好多市區景點係可以用徒步行嘅方式就去到!而巴士嘅起點同終點都喺Wawasan(旺旺巴士總站)。

►小編提醒:如果係有號碼嘅巴士會喺市區周邊繞行,同KK City Bus唔太一樣。
►官網:KK City Bus 路線圖

3. 島嶼之間交通(碼頭

圖片來源|Fotolia

嚟到沙巴千祈唔好剩係留喺市區裡面,至少要排返2、3個跳島行程,咁你先可以真正感受到沙巴嘅美!跟住落嚟就等小編介紹下島與島之間嘅交通啦~包括係點去呢啲地區、要去沙巴嘅邊個碼頭等。

#哲斯頓城碼頭 (Jesselton Point Jetty)

如果想去沙比島、馬穆迪島、馬努干島等等東姑阿都拉曼海洋公園 (Tunku Abdul Rahman Marine Park)嘅島,就要去哲斯頓城碼頭 (Jesselton Point Jetty),呢個碼頭位於沙巴市區,如果住得近可以行過去,亦可以搭KK City Bus到達。

一日雙島,超值沙比島、馬努干島跳島!

#絲綢港(Sutera Harbour)

絲綢港(Sutera Harbour) 最主要係由麥哲倫同太平洋兩大度假酒店所組成,而呢度亦都係前往馬努干島、環灘島嘅主要碼頭。雖然唔喺市區內,但離市區唔遠,而且酒店有Shuttle bus來往Sutera Harbour同亞庇市區(會停Centerpoint、Wisma merdeka 、KK plaza )。

當然如果你係參加Local tour,基本上都會有接駁車直接接你由酒店去Sutera Harbour。

►船程:馬努干島(15分鐘)
►船程:環灘島(約40分鐘)
情侶必備,環灘島浪漫一日遊!

#古打毛律鎮(Kota Belud)碼頭

如果想去美人魚島,小編強烈建議大家一定要參加一日遊行程!因為古打毛律鎮(Kota Belud)碼頭係位於亞庇市區北部,剩係由亞庇市區去碼頭嘅車程就已經要2個鐘,再加上船程約1個鐘,而且仲要計啱船出發嘅時間,係非常花體力時間嘅行程。小編就覺得參加一日遊行程,幫你由頭到尾包晒計落仲比較慳時間同抵玩!

美人魚島點玩最過癮?

#USUKAN(烏蘇坎)

MoonBay因為屬於私人沙灘,所以出發嘅碼頭USUKAN(烏蘇坎)都比較遠,由市區去碼頭同樣需要約兩個鐘嘅時間~雖然由USUKAN去MoonBay只需要搭大約15分鐘船,但前面比較長嘅車程可能會減少你一半嘅興致,所以小編同樣建議大家參加一日遊行程,可以輕鬆玩兼玩得有品質!

#Kulau Penyu(瓜拉班尤)

如果想去迪加島體驗火山泥浴,出發嘅碼頭係Kulau Penyu,呢個碼頭同樣唔喺市區,可以揀去City Park站搭RM14巴士,喺Kulau Penyu嘅交叉口落車之後行去附近嘅巴士站牌搭RM2去Kulau Penyu碼頭,如果覺得麻煩或者唔想增添不確定性嘅話,亦可以揀參加一日遊行程。

4. 沙巴周邊交通

#小巴(Bas Mini)

小巴喺朝早同下晝嘅車次非常頻繁,而夜晚六、七點後班次就會大幅減少。車費係一人一馬幣,並冇固定嘅停站點,算係隨嗌隨停、隨撳鐘隨停~小巴來往市區同沙巴近郊地區,路線固定,通常小巴車身都印有所經地區路線。但車身較細、大多數都冇裝冷氣、繁忙時段人多嘅話車入面會好逼,冇的士、包車,或者跟一日團咁舒服。

►小編提醒:亞庇嘅小巴站基本上都會設喺巴士總站,如果要去神山(Kinabalu Park) 亦可以揀喺Jalan Padang Bus Station搭小巴前往。

#長途巴士

沙巴主要嘅城市同埠鎮都有完整嘅公路系統連接,長途巴士係往返主要城鎮之間嘅主要交通。如果要喺沙巴去山打根、拿篤、仙本那之間,搭長途巴士都係一種選擇。佢嘅好處係班次多、安全同平,但車程就比較耐。長途巴士由幾間巴士公司共同經營。喺巴士站有唔同公司嘅售票櫃檯,票價大致上相同,留意有啲較小型嘅巴士會等乘客人數夠咗先出發。

►小編提醒:喺車站買飛時,可以事先詢問、安排定回程時間同上車地點,咁就可以一次過買雙程車票。同一路線可能有幾間公司共同經營,上車前要先確認車飛上面嘅公司名同巴士係咪相符~

►長途巴士、小巴總站:

  • Wawasan(旺旺巴士總站)
  • Marina Court(濱海庭院站)
  • Bandana Berjaya
  • Wisma Bandaraya
  • Padang Merdeka(獨立廣場旁)

►最常用嘅係Wawasan、Padang Merdeka、Bandana Berjaya呢三個站。

#北婆羅洲鐵路

圖片來源|Fotolia

►小編提醒:呢條鐵路只會喺星期三同六行駛,而總行程時間大約係6個鐘,喺KKday買車票仲有免費接送服務。另外沙巴都有婆羅洲唯一嘅鐵路系統,但平日往返嘅班次好少。除咗開設一般列車之外,配合沙巴英國殖民時期嘅歷史,亦都設有觀光列車(蒸氣火車)。蒸氣火車嘅費用雖然比較貴,但配套措施亦做得相對完整,例如有小鎮觀光、餐點服務等。

北婆羅洲觀光鐵道之旅車票點訂?

番外:仙本那

圖片來源|Fotolia

好多人去馬來西亞,都會去仙本那,雖然有人會揀搭亞庇-仙本那嘅長途巴士,但小編非常唔建議大家咁做,因為要花成九個鐘,諗下都覺得攰!小編比較建議大家搭內陸機前往,可以由亞庇機場搭亞航/馬航,只係需要花大約一個鐘就到

經典仙本那跳島行程

嚟沙巴你絕對需要:
點玩沙巴最輕鬆,行程點排至啱?
超方便沙巴租車方式大公開!
唔止跳島!北婆羅洲觀光鐵道之旅!
沙巴Kawa Kawa 長鼻猴、螢火蟲生態之旅!

呢啲沙巴資訊你又睇咗未?
▶︎【行程規劃】沙巴五日四夜行程規劃
▶︎【景點】沙巴必訪景點大全
▶︎【美食】沙巴亞庇經典10大美食

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: