中國

「藝」文青 上海北京另類文青遊

近年喺國內吹起一陣文青熱!有無諗過近近地飛去北京又或者上海沾下文青氣息?!小編分別為大家準備咗兩個城市嘅旅行攻略,避開大家最怕嘅人潮,改變普遍人對國內人太多嘅印象,實行北上做個「藝」文青!

KKdap App

#上海文藝遊

1. 田子坊

相信大家一定對田子坊唔陌生,可以話係黎到上海必到嘅地方!一條小街裡面除咗集中唔少創意商舖,自家品牌同畫廊之外,最多就係各式各樣嘅特色咖啡店。最適合「藝」文青嘅你地,睇完血拼完之後,可以選擇去畫廊做下小手作,又或者三五知己揀間咖啡店傾下計,影下相,咁先叫做享受人生!


當中喜空Csky,門口嘅彩色郵箱唔單止係影相位,裡面仲係兼賣同寄明信片嘅咖啡室!最吸引嘅係寄信畀未來嘅自己或者朋友,你可以自訂收信嘅日期,如果身邊另一半喺紀念日收到,絕對係一件好浪漫嘅事啊!

▶︎地址:中國上海市泰康路210弄
▶︎營業時間: 24小時開放,不過各間商店開放時間不同
▶︎交通方面:搭地鐵9號線到打浦橋站(1號出口),步行就可以到達

2.1933老場坊

知道大家對行大型商場都有啲反感,而呢個1933老場坊絕對唔可以相提並論!前身係屠宰場,所以無論外型設計同內部結構都好有特色。外型完全係水泥簡約風格,超濃時代感,最適合同旅伴影返輯以簡約為主題嘅相。名牌連鎖店果啲就唔多講,如果你係熱愛懷舊嘅文青,老場坊一樓絕對係一個大驚喜!裡面唔單止有好多唔同主題嘅創意小店,甚至有古董傢俬店。當中有一間紅場俄式西餐廳,一定可以滿足追求另類旅行體驗嘅朋友。

▶︎地址:上海市虹口區沙徑路 10、29 號
▶︎營業時間::11:00 – 21:00
▶︎交通方面:搭地鐵4號線,10號線到海倫路站(2號出口),再步行大約十分鐘就到達

想慳返啲時間,可以考慮:
>>>上海文青包車一日遊

3.上海同里古鎮

同里古鎮位於江蘇吳江市東北,距離上海只需一個半鐘車程。但就有同大城市上海完全兩種唔一樣嘅感覺,係一個具有悠久歷史同典型水鄉風格嘅地方,有東方小威尼斯嘅美譽!絕對值得一去!加上古鎮風景宜人,四面環水,可以泛舟遊湖,順道欣賞週邊嘅古建築,包括退思園、三橋景區、珍珠塔等等。遠離煩囂,加上古色古香嘅感覺,真係咩煩惱都暫時拋開!

 ▶︎地址:江蘇省蘇州市吳江區 215217
▶︎營業時間:07:00 – 17:00
▶︎交通方面:地點較偏僻,宜包車前往

>>>同里古鎮自由行

#北京文青景點

1.北京爨底下古民居村

大家對北京嘅印象一定係空氣差,人多車多,不過喺北京嘅郊區就有一條環境清幽嘅村落——爨底下谷村!因為特別嘅地形,所以造就咗依到嘅建築特色,係好多電影嘅拍攝地,包括《投名狀》、《墨攻》,成個村莊被大自然環境所包圍,一路上所見嘅峽谷同美景足夠令繁忙嘅都市人減壓。整條村莊最大特色就係由明清時代保存到依家嘅四合院民居,黎到呢到好似穿越時空咁,可以感受返簡樸原始嘅生活!

 ▶︎地址:北京市門頭溝區齋堂鎮西3公里
▶︎營業時間:沒有顧定的時間,宜先安排導遊或當地人帶路
▶︎交通方面:地點較偏僻,宜包車或的士前往

>>>走訪明清古村

2.潘家園古玩市場

如果中意收藏古董,古物嘅「藝」文青,一定唔可以錯過潘家園古玩市場!呢到係全國最大嘅舊貨市場,有接近三千個攤檔,仲有好多唔同嘅少數民族賣各民族嘅產品,種類可以話係五花八門。同時,呢到仲係全國最大民間工藝品集中地。最吸引嘅係呢到可以近距離見到唔少古董,仲有好多店主都樂意分享關於古董嘅故事,真真正正貼地做個「藝」文青!

▶︎地址:北京市朝陽區華威里18號
▶︎營業時間:逢星期一至五:08:30-17:30 ,逢星期六至日:04:30-17:30
▶︎交通方面:搭地鐵10號線到潘家園站(B出口),步行就可以到達

>>>北京古董市場全攻略

3.798藝術區

798藝術區近十年間成為當地著名嘅藝術家集中地,唔單止聚集左好多藝術家工作室同當代藝術機構,仲有好多特色創意小店,咖啡店。啱哂中意買特別手信同著重生活品味嘅朋友,呢到啲小店專賣獨特嘅生活文具小物,唔怕買太多攞唔到返香港。另外,因為798藝術區前身係由東德設計嘅電器材廠,所以建築多為東德包浩斯風格,加上有大量裝置藝術同雕塑遍佈成個藝術區,熱愛影相嘅文青又點可以放過?

▶︎地址: 中國北京市朝陽區酒仙橋路4號
▶︎營業時間:14:00-18:00
▶︎交通方面:地點較偏僻,宜包車或的士前往

>>>單車遊北京

▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com/zh-hk

KKday Facebook: KKday

 

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: