台灣旅遊資訊

【台灣台南】私房景點大搜密

台南擔任咗台灣首府接近兩百年,見證咗荷蘭、明鄭、清領同日治時期,擁有相當之豐富嘅歷史文化背景。而喺近年台南開始將唔少舊屋翻修、文藝創作亦都同時興起,令呢個地方有咗相當唔同嘅風貌!依家就跟KKday睇下台南有邊啲私房角落值得一去啦!

KKdap App

一、 台南天主鹽水教堂

咪住,呢間係教堂!?相信唔少人見到「台南天主鹽水教堂」都會以為自己睇錯!
其實喺1955年嘅時條,來自德國嘅神父為咗宣傳主耶穌基督嘅福音,所以喺度搭建咗簡單嘅臨時聖堂。到咗1969年時第五位本堂神父李少峰積極重建聖堂,將三聖圖、最後的晚餐等等嘅元素巧妙咁以傳統中華民族形象呈現,可以話係宗教本土化嘅最佳代表!就算唔係教徒都不妨帶住一探歷史同欣賞藝術嘅眼光嚟一窺呢座獨特嘅天主教堂風采!

▶︎開放時間:星期三至日 10:00 -11:30、13:00 -15:30 (團體預約不在此限)
▶︎電話: 06 652 1174
▶︎地址:737台南市鹽水區西門路19號

二、草山月世界

圖片來源

「草山月世界」位於台南市左鎮區,係土質鬆軟、又有啲荒涼嘅泥岩惡地景觀。每年冬天,覆蓋喺嶙峋岩石上面嘅翠綠刺竹會變成枯黃色,之後又會喺三四月由橙色轉為紅色,係相當特殊嘅景觀。

▶︎開放時間:夏季(3-10月)09:00-18:00;冬季(11-2月)08:30-17:30
▶︎地址:台南市左鎮區
▶︎推薦:可以去附近食桶仔雞!

三、七股鹽山

圖片來源

「鹽業」喺台灣曾經佔有重要嘅經濟地位,不但促進咗西南沿海發展,一望無盡嘅鹽田景觀更加係好多南部居民心目中嘅共同風景。後來隨住曬鹽產業慢慢式微,位於台南嘅七股鹽田就結合旅遊業發展出「台灣鹽博物館文化園區」,喺呢度唔單止可以了解「鹽業」過去三百年喺台灣嘅發展,一片雪白嘅景色同天空相連,更加係大家去打卡影相嘅好去處!

▶︎開放時間:夏季(3 – 10月)09:00 – 18:00;冬季(11 – 2月)08:30 -17:30
▶︎地址:台南市七股區鹽埕里66號

四、千畦種籽館

千畦種子博物館位於離台南火車站約15分鐘嘅騎車距離,外觀睇落好低調,推開門卻係令人驚豔嘅風景!呢度由從事綠美化工程嘅夫妻共同經營,裡面收集咗嚟自世界各地嘅種子,令你睇見綠樹與繁花嘅同時,認識植物之源嘅種子。

想一窺呢個隱密所在嘅人,記得要事先預約,各種型態嘅種子保證令你大開眼界!如果好彩遇到學識淵博嘅男主人親自解說,仲可以增長唔少關於植物嘅知識呢!

▶︎官方臉書:千畦種籽館
▶︎營業時間:每天 9:30 – 12:00|13:30 – 17:30
▶︎地址:台南市北區東豐路451巷29-1號
▶︎電話:06 – 2360035(須事先預約導覽,每人100元。)

五、餐桌上的鹿早 生活食器

圖片來源

如果你平日最鐘意入廚房,亦認為好餸係應該配埋好餐具先上枱,咁鹿早絕對會係一個令你好難全身而退(?)嘅地方!隱身喺衛民街嘅小巷裡面,首先你會注意到由同一個老闆所經營嘅鹿早茶屋,之後就會見到一間睇上去好似民宅咁嘅舊屋,嗰度就係「餐桌上的鹿早」啦!餐桌上的鹿早分成兩層,裡面堆疊咗滿滿嘅瓷器,一樓嘅設計以日系為主、帶少少外國嘅味道;二樓就有淡淡嘅復古典雅美,設計相當獨到。重點係三件瓷器都只需要約100/200TWD,實在係超平!如果想喺台南帶啲紀念品返香港,就記得嚟呢度買啲餐具返屋企啦!

▶︎官方網頁:餐桌上的鹿早。。。生活食器
▶︎營業時間:平日13:00-16:00;例假日11:00-18:00
▶︎地址:台南市中西區衛民街70巷30號

六、漁光島

漁光島舊名三鯤鯓,因為台江內海逐漸堆積而成,擁有台南嘅私房海灘之稱,適合踏浪睇夕陽。沿住健康路三段行到底,落車經樹林、草叢行大約15分鐘就到,海灘上面搭起嘅鞦韆、樓塔,往往成為影相嘅絕佳靚景, 相當有風格。

七、十鼓文化村

十鼓文化村前身係一間糖廠,喺十鼓擊樂團接手之後,就變身成為亞洲第一條以「鼓」為主題嘅藝術村!除咗會不定期咁舉辦表演,十鼓文化村裡面更加有攀岩、射擊等等嘅活動可以等大家嚟體驗,而有五層樓高嘅刺激滑梯更加係好多人嚟嘅重點,條滑梯夜晚仲曉發光㗎!

▶︎官方Facebook:十鼓仁糖文創園區
▶︎官方網站:十鼓文創
▶︎營業時間:星期一 09:30 – 17:00 |星期二三四 09:30 – 21:00|星期五六日 09:30 – 21:30
▶︎地址:臺南市仁德區文華路二段326號

八、夕遊出張所

夕遊出張所」嘅前身係台南鹽業嘅重要據點—「臺灣總督府專賣局安平支局」,喺過去扮演住熬鹽工廠、儲藏室、倉庫、鹽務總局嘅家屬宿舍等等多個角色。而隨著鹽業沒落,依家轉向在地經營,以鹽日文發音「しお」(Sio)同適合喺夕陽時候嚟玩嘅噱頭而命名為「夕遊」,發展出以「鹽」為特色嘅365日生日彩鹽、鹽花雪糕、雪鹽燒等等嘅創意商品。而保存完善嘅日式老宅外型更加令呢度別有一番風味。

▶︎營業時間:平日11:00 -19:00 | 假日10:00 – 20:00
▶︎地址:台南市安平區安平路古堡街196號

要再細數台南景點嘅話真係數唔完,因為台南好玩嘅地方實在太多啦!好似台版亞馬遜嘅四草、奇美博物館、七股潟湖、321藝術聚落、窄門、歐式建築嘅台南移民署、仲有台南孔廟、安平古堡、億載金城、林百貨、神農街、花園夜市等等都相當值得一去!下次嘅台灣小旅行就計劃去台南啦!

【台南路線懶人規劃】
▶︎Plan 1:【尋找366色繽紛生日鹽】台南安平夕遊出張所一日遊
奇美博物館/十鼓文化村 > 午餐(台南特色小吃) > 四草綠色隧道(搭船) > 夕遊出張所 > 安平老街
▶︎Plan 2:【台南必去文青景點】台南司法宿舍藍曬圖一日遊
小南海風景區 > 後壁土溝農村美術館 > 烏樹林休閒園區 > 卡多利亞良食故事館(觀光工廠午餐) > 北門水晶教堂 > 井仔腳瓦盤鹽田 > 藍晒圖
▶︎Plan 3:【七股鹽山滑雪!】台南七股鹽山生態之美
七股瀉湖 > 七股鹽田 > 府城小吃 > 康那香不織布創意王國 > 水晶教堂

【你仲可能會需要】
▶︎【香港機場取機】台灣4G無限數據WiFi蛋 (T1&T2 24小時機場交收)
▶︎【台南高鐵出發】台灣高鐵票優惠20% off(外國人限定電子票)
▶︎【台灣租車自駕】AVIS國際租車服務

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: