日本交通指南

【日本行程安排攻略!】全國JR PASS使用須知

全國JR Pass雖然一張價錢唔低,但對於想要一次轉玩日本嘅旅行者嚟講,真係超划算!想要去日本跨區旅遊,但又唔識全國JR Pass點用?KKday呢篇攻略就教你有關全國JR Pass使用須知,同點樣安排北海道、東京、京都、大阪、九州行程最抵玩!(Source:Shutterstock)

KKdap App

一、全國JR Pass 使用須知

▶︎使用時間:可選7天、14天、21天
▶︎兌換期限:以憑證上「DATE OF ISSUE発行月日」為準,憑證喺開票日起三個月內兌換有效
▶︎兌換方式:使用者本人持「MCO憑證、護照」於開票日起「三個月內」前往指定窗口兌換。
▶︎領取地點:

  • 東京:成田機場1、2、3航廈皆可兌換、JR東日本旅行服務中心(丸之內北口)、JR東日本旅行服務中心(新宿新南口)、羽田機場國際線航廈
  • 大阪:關西機場售票處、JR西日本旅遊諮詢台(新大阪)、大阪售票處(中央口 NO12 NO13)
  • 京都:售票處(JR西日本中央口)、售票處(JR東海新幹線八條口)、JR東海TOURS京都分店、JR東海TOURS京都站新幹線中央入口分店
  • 詳細兌換地點可以參考JR官網

▶︎可以乘搭:

  • JR集團全線(JR北海道、JR東日本、JR東海、JR西日本、JR四國、JR九州)新幹線、特急列車、急行列車、快速列車、普通列車及BRT(一部份列車唔可以使用。)
  • 東京單軌列車(羽田國際機場往返市區)
  • 青森鐵道(青森−八戶間;要留意乘坐普通、快速列車時,僅限於經過八戶~青森之間、青森~野邊地之間以及八戶~野邊地之間嘅車站。 除咗青森、野邊地、八戶之外,喺青森鐵道路線區間嘅其他車站落車嘅話,係唔屬於使用嘅對象范圍內。)
  • IR石川(Ishikawa)鐵道(金澤-津幡間;要留意僅限於使用普通、特急列車,經過呢兩個車站時乘坐。除咗金澤、津幡之外,喺該區間內外嘅IR石川鐵道嘅其他車站落車嘅話,都唔屬於使用嘅對象范圍內。)
  • 愛之風富山鐵道(Ainokaze Toyama Railway)(富山−高岡之間;要留意僅限於使用普通列車經過呢兩個車站時乘坐。除咗富山、高岡之外,喺該區間內外嘅愛之風富山鐵道(Ainokaze Toyama Railway)嘅其他車站落車嘅話,都唔屬於使用嘅對象范圍內。)
  • JR巴士(唔包括JR巴士各公司嘅高速巴士路線區間。)
  • JR西日本宮島渡輪(宮島-宮島口)
  • 特別注意事項:雖可乘搭JR新幹線,但並不適用於希望(Nozomi)號及瑞穗(Mizuho)號(均包括非預定座位)。

▶︎全國JR Pass點樣訂購最划算?

二、如何利用全國JR Pass玩日本?

每次小編都同大家講如果要去日本流浪就一定要買一張全國JR Pass,因為真係超慳錢,而且仲可以一直乘搭新幹線~~但大家總係唔知點安排行程,小編就提供以下幾個方案畀大家參考下。另外如果想要值回票價,大城市與大城市間嘅交通有新幹線就搭新幹線啦!

*備註:以下港幣與日圓嘅轉換皆用1: 13.96匯率。

#JR Pass 7天行程:東京-大阪/京都

圖片來源|Fotolia

假設你只有七日嘅時間,咁小編會建議你可以東京、大阪、京都一齊玩。「東京-大阪」、「大阪-金澤」等跨區移動嘅新幹線列車,只要搭兩次以上都會回本,如果你仲會用東京市內嘅JR或者會去近郊區域就非常適合。

咁買全國JR Pass真咪真係划算?小編就實際計數畀大家睇下!(以下假設從東京進大阪出)

  • 成田機場搭JR N’EX至東京市區 (單程):6040日圓 (約港幣433)
  • 東京至大阪/京都新幹線:13620日圓 (約港幣956,自由席價位)
  • 新大阪/京都市區至關西機場(單程):1300-1600日圓(約港幣93-115,可使用指定席不需另外收費)

上述嘅費用加一加都差唔多要港幣千五蚊,加上如果你會前往東京、大阪、京都等地嘅近郊地區,咁就會更划算(近郊地區嘅車費都唔平啊!)

圖片來源|pakutaso

咁行程應該點安排呢?其實行程上可以好彈性,因為你手中持有全國JR Pass,JR嘅特急、在來線、新幹線「ikari」號、「Sakura」號、「Kodama」號或「Tsubame」號,你都可以搭到爽,所以小編下列就列出幾個大家可以參考嘅地點,如果你安排到以下呢啲地區,不妨就考慮用全國JR Pass啦!

  • 東京市區逛街:東京車站、新宿、原宿、上野、秋葉原(山手線)、吉祥寺、三鷹。
  • 東京近郊:川越、日光、輕井澤(皆可使用JR Pass到達)
  • 關西區域:大阪、京都市區JR路線、奈良、宇治、嵐山、福知山。

如果唔想要去東京、大阪、京都,當然亦可以去北海道或者北陸地區!不過購買7日嘅全國版JR Pass要掌握嘅原則就係跨區移動盡量唔好超過三個城市(唔係你就會成日坐車度過㗎喇!)

#JR Pass 14天行程:北海道、東京、北陸地區、大阪/京都、中國地區、九州

圖片來源|Shutterstock

【方案一】北海道、東京、北陸地區

14天票嘅選擇就會比起7天嚟得多,跨城市嘅移動區域亦可以增加為三個(當然如果你將行程排到好緊湊,都可以試下去四個嘅~)第一種方案,小編會建議可以從北海道一路玩落去,可以從札幌機場或者仙台入境,再由小松機場或者成田/羽田機場出境。

札幌→函館→新北斗函館→新青森(東北地區)→東京→金澤

  • 北海道:小樽、札幌、函館,從札幌到函館搭乘特急スーパー北斗,8310日圓(約港幣595)
  • 東北地區:青森、山形、藏王,從新北斗函館做到新青森(新幹線),約7660日圓(約港幣549)
  • 東京:從山形地區至東京(新幹線),10450日圓(約港幣749),加上山手線、中央、京濱東北、京葉(迪士尼),只要JR特急、在來線皆可使用,利用新幹線前往輕井澤也很適合!
  • 北陸地區:合掌村、金澤、高山、立山黑部,從東京至金澤,14320日圓(約港幣1026)

上述嘅價錢加一加就快要三千蚊,加上除咗呢啲跨區移動嘅大筆交通費,你喺北海道、東京市內只要經常使搭JR,絕對物超所值!另外,小編都提醒大家,北陸地區嘅交通有時會需要搭巴士,所以都可以配合購買昇龍道高速巴士票券。

【方案二】東京、北陸地區、大阪/京都

圖片來源|Shutterstock

基本上方案二嘅行程係7日全國JR Pass嘅擴充版,但就加多咗北陸地區可以一齊玩!所以小編下列就淨係列出跨區移動搭新幹線同機場至市區搭特急嘅價錢。

成田機場→東京 →金澤(北陸地區)→京阪→關西機場

  • 成田機場搭乘JR N’EX至東京市區 (單程):6040日圓 (約港幣433)
  • 東京至金澤新幹線(北陸地區):14320日圓(約港幣1026)
  • 金澤至大阪特急:7123日圓(約港幣510)
  • 新大阪/京都市區至關西機場(單程):1300-1600日圓(約港幣93-115,可使用指定席不需另外收費)

東京嘅市內交通用到JR嘅機率都好高,再加上小編上述預估嘅價錢都係以新幹線自由席嚟計算,如果係坐指定席就會賺得更多(笑)。

【方案三】大阪/京都、中國地區、九州

圖片來源|Shutterstock

最後如果唔想去北部,小編就會建議可以玩京阪、中國地區同九州地區。尤其九州地區有超多具有特色嘅特急列車,好似係布院之森、阿蘇男孩等,而且用全國版嘅JR Pass係可以先喺車站預訂座位㗎!小編覺得喺九州地區多啲用JR Passs都好划算!

中國、九州地區哪些好玩?

  • 中國地區:鳥取、廣島、宮島(鳥取砂丘、嚴島神社都喺度喔~)
  • 九州地區:福岡、別府、阿蘇、鹿兒島、宮崎、長崎

京阪→鳥取→姬路→広島→博多

  • 京都到鳥取(特急):7550日圓(約港幣541)
  • 鳥取到姬路(特急):4040日圓(約港幣289)
  • 姬路到廣島(新幹線):7770日圓(約港幣557)
  • 廣島到九州(博多):8940日圓(指定席,約港幣640)

九州城市對城市嘅交通搭特急大約係3000多日圓,港幣差唔多二百幾蚊,只要多坐幾次就會回本!

#21天方案:日本大縱走,北海道至九州玩一遍!

圖片來源|Shutterstock

最後就是終極版嘅21日方案喇!如果你想去日本三個禮拜,小編絕對推薦你買呢張,從北海道(札幌)流浪到九州都唔係問題!以下從北到南,小編都列出城市路線提供畀大家參考價錢(其實就係上面所有嘅綜合版本~~)

札幌→函館→新北斗函館→新青森→東京→金澤(北陸地區)→京阪→鳥取→姬路→広島→博多

  • 札幌到函館搭乘特急スーパー北斗,8310日圓(約港幣595)
  • 新北斗函館做到新青森(新幹線),約7660日圓(約港幣549)
  • 從山形地區至東京(新幹線),10450日圓(約港幣749)
  • 金澤至大阪特急:7123日圓(約港幣510)
  • 京都到鳥取(特急):7550日圓(約港幣541)
  • 鳥取到姬路(特急):4040日圓(約港幣289)
  • 姬路到廣島(新幹線):7770日圓(約港幣557)
  • 廣島到九州(博多):8940日圓(指定席,約港幣640)

上述港幣加埋後差唔多四千五蚊,再加上市區交通用JR,唔划算都好難!

三、全國JR Pass常見問題

圖片來源|Fotolia

Q1:購買普通艙同特等艙有咩差別?
無論係7、14、21日票都有分普通艙同特等艙嘅選擇,最主要分別係特等艙可以坐喺綠色車廂(較高級舒適),但兩種票券都不適用於乘搭頭等艙~

Q2:在來線係咩?
在來線係一個總稱,指新幹線以外嘅其他線路,例如新快車(新快速)、快車(快速)、當地列車(普通列車)等等。

Q3:用全國JR Pass可唔可以坐特急、新幹線嘅指定席?
可以,事先到售票櫃檯出示JR Pass就可以劃位乘坐指定席。不過要切記新幹線嘅「Nozomi號」同「Mizuho號」,無論係預定座位(包括綠色車廂)定非預定座位都唔可以乘坐。

Q4:要點樣查詢時間表?
要查詢時間表以及乘車嘅班次,都可以睇えきから時間表新幹線時間表えきから時間表只要打上地點就搵到可以搭邊啲班次;新幹線時間表就係用嚟搜尋新幹線嘅班次,而且呢個網站仲有一個好處,就係可以幫你排除唔可以乘搭嘅「Nozomi號」同「Mizuho號」,十分方便!

Q5:喺香港預先買JR Pass嘅好處?
喺海外購買可以用較優惠嘅價錢買到,並直接喺指定地點換取票券即可,日本境內嘅售價會較高。

Q6:適合使用全國JR Pass嘅對象?
只要你有「跨區移動」嘅需求加上你喺市區內嘅交通都會經常用到JR,就可以考慮購買全國JR Pass。好似係東京市區內會成日搭到山手線;或者喺九州地區嘅城市交通都會經常用到JR,咁就可以慳返好多費用。不過如果係喺好似京阪市區內大多會用巴士、地鐵同私鐵等交通工具嘅地區,就可以衡量一下係咪划算。

Q7:如果錯過班次會有影響嗎?
基本上唔會,因為持全國JR Pass就係可以不限次數咁搭JR,時間上好彈性,班次錯過搭返下班車就得,唔洗重新再買車票。如果你係搭特急或者新幹線嘅指定席,原則上係可以重新劃位,但都會建議算準時間,唔係指定席空出嚟嘅座位都會對其他人造成不便。

Q8:行程安排上有咩建議?
會建議安排行程時以JR作為交通工具為優先考量,因為你買咗全國JR Pass就梗係要盡量用到夠本。另外因應你旅行啲嘅日數,以及會使用新幹線嘅次數衡量應該購買7、14定21日Pass。

希望以上嘅資訊可以幫到要去日本跨城市或區域旅遊嘅人安排行程同慳交通費啦!祝大家都有個愉快嘅日本之旅~~

▶︎日本大縱走,超划算全國JR Pass哪裡買?
▶︎如果只想玩京阪(關西區域),這張周遊券就夠了!
▶︎如果只想玩東京、東京近郊,這張周遊券更划算~

更多有關JR Pass攻略:
▶︎九州自助旅行最強攻略,用JR玩遍九州六大縣!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: