旅遊資訊美國

【美國Q&A】旅遊簽證懶人包

如果你同小編一樣,諗到去美國要申請簽證就覺得超級麻煩,咁呢篇文就啱你睇啦!美國簽證要點樣申請、要準備啲咩資料、會遇到啲咩問題,一次通通話你知~只要照住做,申請美國簽證都可以易如反掌!

KKdap App

#我需要申請觀光簽證嗎?

喺一般情況外國公民想進入美國,都需要取得短暫停留嘅非移民簽證或永久居留嘅移民簽證。簽證類別有分好多種,因為每種簽證所需要嘅文件都唔同,第一個步驟就係先根據目的決定簽證嘅類別!其中商務/觀光簽證應該係最常見嘅,只要去美國嘅目的係旅遊、商務,或甚至係就醫,就係申請呢種簽證啦~呢篇文就會集中咁講申請商務/觀光簽證(B-1/B-2)嘅相關資訊。

圖片來源|Fotolia

停留美國超過90天 ─ 商務/觀光簽證(B-1/B-2)

圖片來源|Fotolia

#我可唔可以申請豁免簽證計劃?

香港現時仍未加入美國豁免簽證計劃裡面,所以一般持BNO及特區護照嘅香港市民都需要申請簽證㗎~

#我要申請邊種簽證?

如果你係以旅遊為目的,喺美國作有限時間嘅逗留,咁申請一般非移民簽證,商務/旅客簽證(B-1/B-2)就可以。

#申請商務/觀光簽證需要咩資料?

  1. DS-160表格
  2. 有效護照
  3. 內附美國簽證嘅舊護照(如有)
  4. 一張六個月內拍攝嘅彩色大頭照(5cm x 5cm)詳細可以睇呢度
  5. 一張以港幣繳付簽證申請費美金$160元嘅繳費收據
  6. 一張面談預約信(面談在此預約
  7. 特殊情況:
  • 如果有研究科學領域,或具有技術、科學背景嘅人,可能會被要求提供額外嘅文件
  • 如果曾經放棄美國永久居民身份或綠卡 ,要攜帶放棄證明

>> 小編提醒:記得要帶齊全部文件~同埋喺去面談前一定要準備好,否則可能會被拒絕面談㗎!

#如果我本護照就快過期,可唔可以申請到簽證?

留意返去美國一定要持有有效護照,而護照有效期必須係你準備停留美國期間往後最少六個月㗎~

#需要填寫嘅DS-160表格喺邊度搵?

申請商務/觀光簽證需首先填寫DS-160表格>>表格連結~較啱語言就可以開始填啦!

#填DS-160有咩規定?

首先,DS-160限用全英文填寫,而且必須全程使用大階,而填寫時如果閒置超過20分鐘,會直接失效,就必須重嚟過㗎啦。而且DS-160必須喺前往美國領事館前於線上繳交完畢,填妥後一定記得要列印確認頁(有Barcode嗰頁),面談時要提供證明呀!DS-160係每個要入境美國嘅人都需要個別填寫一份㗎!

>> 小編小建議:可以在喺確認頁時將頁面寄比自己keep個copy,以免印嗰張唔見咗都仲有備份~

#我睇唔明英文,點填DS-160?

好簡單!睇唔明嘅話,只要喺網頁右上角嘅Select Tooltip Language,將語言改成中文,之後滑鼠所移到嘅地方就會顯示中文翻譯㗎啦!

#申請嘅流程係點?

  1. 填妥DS-160
  2. 安排預約:填好資料後就會進入繳費頁面,你會拎到個繳費Barcard,需進行繳費先可以繼續成個流程~
  3. 交簽證費
  4. 完成預約:將繳費條碼輸入就可版(輸入時記得刪除前三碼
  5. 前往美國領事館面談:記得帶齊所有必備資料
  6. 領取簽證:批咗之後護照會寄返去預約時揀嘅地點

#點預約面談?

面談喺呢度預約,填寫前記得準備好護照號碼、DS-160條碼以便填寫,面試預約成功後都記得要印出嚟

#預約後可唔可改面談日期?

可以重新安排,但有次數限制~最好就確實時間先預約啦!

#要去邊度比錢?

你可以申請時即時喺網上用扣賬卡或信用卡比錢,比完一定要記低收據號碼,會喺你預約面談時需要使用;亦可以選擇去7-11用現金比錢,但要預先打印簽證申請費用支付通知單係比錢時出示~記得!比完錢一定要保留收據,因為你要用上面嘅收據號嚟預約㗎,唔見咗冇得補發㗎~

#面試仲要帶咩文件?

除了上述嘅必備資料外,仲要準備埋補充文件~不過呢啲都只係佢哋見面時考慮嘅其中一項因素,面試官仲會睇埋其他因素先決定批唔批你嘅簽證㗎!仲有記得係帶正本,唔係副本~

  1. 現時嘅收入證明、稅單、物業或商業擁有權或資產證明文件
  2. 你嘅旅遊日程及/或有關你預定旅程嘅其他說明
  3. 僱主發出嘅信件,列出你嘅職位、薪金、受僱時間、任何已授權假期同埋你去美國嘅商務目的(如有)
  4. 喺任何地方曾因任何原因被拘捕或定罪嘅犯罪/法庭紀錄,即使你已完成服刑或被赦免

除此之外,基於你嘅身份同去旅行嘅目的,你仲要帶埋:

  1. 學生:帶備你最近嘅學校成績表、成績報告單及學位/文憑證明。另外要帶埋財政證明文件,例如銀行月結單、定期存款單或其他證明文件。
  2. 在職成年人:帶備由你僱主發出嘅受僱信及最近三個月嘅糧單。
  3. 商業人士及公司董事:帶備你於公司嘅職位及薪酬證明。
  4. 探訪親屬:你親屬嘅身份狀況副本(例如綠卡、入籍證書、有效簽證等)
  5. 以往去過美國嘅訪客:如果你到訪過美國,要帶埋證明你移民或簽證狀況嘅任何文件。

#面試會問啲咩問題?會唔會好難㗎?

唔好比「面試」呢兩個字嚇到,其實面試過程十分簡單,一般都係得幾分鐘~唔洗擔心英文唔好,面試官都只係會用一啲簡單嘅英文,最主要都係想知道你去美國嘅目的。一般都係會問你職業、旅費來源;去美國邊度、會去幾耐、同邊個去等基本問題,只要有準備旅遊嘅基本規劃同提供到相關嘅證明比面試官睇就可以輕鬆成功~

#點可以降低被拒簽嘅風險?

除咗準備好所有資料之外,有一個大重點就係誠實~無論係面試時定準備嘅資料,一旦有被懷疑不實,基本上就有機會被拒簽~總之,誠實為上!當然,面試當日要準時、得體,注意言行舉止、禮貌!面試官嘅觀感決定咗你簽證嘅成敗㗎~

#簽證通過就代表一定可以入境美國?

唔係㗎!能否入境嘅決定權喺海關手上,所以記得入境時準備好書面行程同信用卡等證明自己真係去美國觀光同埋可以有足夠嘅旅費呀~

#入境美國之後可以逗留幾耐?我可以點延長我嘅簽證?

當你抵達目的地入境口岸嘅時候,美國嗰邊會決定你逗留在該國嘅時間長短~記得簽證持續時間唔等於你可以喺美國合法逗留幾耐㗎!無論係任何簽證類別,都唔可以延長有效期!所以一定要重新申請新簽證。

#要去邊度搞簽證?

美國總領事館香港及澳門
地址:香港中環花園道26號
電話: (852) 2523-9011
傳真: (852) 2845-1598
營業時間:周一至周五早上8:30-下午5:30

#我想了解更多關於簽證嘅詳細資料,要去邊睇?

撳入呢度就有香港及澳門申請商務/觀光簽證詳細說明

【嚟到美國,你需要必備嘅】
▶︎走到美國了,當然要瘋狂打卡!有呢張卡就可以比你瘋狂洗版~
▶︎想去加州環球影城睇片廠?有呢張票就可以免排隊!
▶︎紐約景點有咁多,一次比你用優惠價睇曬你想去嘅景點!

>>想更了解美國嗎?
▶︎【紐約】6個紐約經典電影場景!
▶︎【洛杉磯】初遊LA 5大必去景點
▶︎【美國西部】教你影出羚羊峽谷最靚一面

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: