新加坡美食手冊

【新加坡美食】你不能錯過的新加坡美食!肉骨茶、海南雞飯、辣椒螃蟹、炒粿條

新加坡係一個多元民族群聚之地,呢樣特性就充分反映喺當地食物上。無論中國菜、馬來菜、印度菜或者係去到新加坡發展出嘅 新加坡 美食 「混血料理」,都令新加坡成為大家嘅美食天堂!KKday而家帶大家睇下新加坡除左肉骨茶、海南雞飯、辣椒螃蟹以外,仲有咩必食好西!

KKdap App

一、肉骨茶 Bak Kut Teh

早期殖民時代生活比較困苦,民間經常會用肉骨茶補身,而家變咗最受旅客歡迎嘅特色美食。以排骨、藥材同香料熬煮而成嘅濃郁熱湯,配埋油炸鬼、豆皮一齊食,配飯或者麵都天衣無縫!

▶︎推薦店家:松發肉骨茶、黃亞細肉骨茶餐室

二、海南雞飯 Hainanese Chicken Rice

海南雞飯源自於海南島,隨住華人移民傳入東南亞各地。鮮嫩多汁嘅白切雞,配搭以雞湯同雞油煮嘅飯,勁香!食個陣用雞肉點啲用辣椒、蒜頭、薑等特製嘅醬汁,加埋荽茜、蔥絲、青瓜,正!

▶︎推薦店家:天天海南雞飯

三、羅惹 Rojak

羅惹係一種蔬果沙律,以炸南瓜糊、麵團糊,加埋青瓜、蘿蔔、芽菜、豆腐、薯仔同雞蛋等等唔同食材組成,變化豐富。而羅惹往往會配搭特色醬料 —— 辣花生醬或甜辣椒醬,香港絕對食唔到。

四、沙嗲 Satay

沙嗲簡單嚟講就係串燒,馬來西亞、印尼、新加坡都有唔同味道。醃肉嘅時候,多數都會加入薑黃,所以肉色偏黃,最後點甜辣花生醬,唔食辣嘅朋友都停唔到口!而洋蔥絲、青瓜可以為沙嗲串燒帶到啲清爽嘅感覺。

五、辣椒螃蟹 Chilli Crab

去到環海嘅新加坡點可以唔食海鮮?辣椒蟹可以話係新加坡嘅「國家代表」,一定要試!用蒜蓉爆香,勾芡後加入蛋汁,濃稠又多汁,辣到好過癮!另外,辣椒螃蟹必配嘅黃金炸饅頭都要嗌,饅頭外脆內軟,索哂個煲嘅醬汁,簡直係精華中嘅精華。

▶︎推薦店家:珍寶海鮮樓(麻辣味)、無招牌(偏蕃茄味)
▶︎必點:麥片蝦
▶︎提醒:餐館濕紙巾要加錢,可以多留意。

六、炒粿條 Char Kway Teow

炒粿條係新加坡最常見嘅小食,將粿條配搭甜豉油、蝦醬、綠豆芽、韭黃等食材,再照個人口味選擇蛤、蝦肉、臘腸一齊爆香,就可以熱辣辣咁上枱喇!

七、咖央多士 Kaya Toast

咖央多士係新加坡最常見嘅傳統早餐!多士上搽滿咖央醬,烘到金黃色,再搽上鹽味牛油,又甜又鹹嘅味道會令人上癮。呢種咖央多士通常仲會搭埋加咗豉油同胡椒嘅半熟養生蛋一起食,飲品就以咖啡最地道!無甜不歡嘅話,拉茶、熱美祿仲好match。

▶︎推薦店家:亞坤咖央多士(Ya Kun Kaya Toast)

八、珍多冰/煎祿 Cendol

珍多冰係東南亞常見嘅甜品,基本係由刨冰加上綠色粉條組成,再依個人喜好加上黑糖、椰奶、紅豆等,而新加坡最出名就係加咗香草雪糕同榴槤嘅珍多冰。喺四季皆夏嘅新加坡,食番碗珍多冰,夠哂透心涼!

九、咖喱魚頭 Curry Fish Head

咖喱魚頭嘅做法係將體型較大嘅魚頭同辣味咖喱一齊燉,加入茄子、秋葵蔬菜,同埋帶酸味嘅羅望子調味後,配白飯或者印度香飯、拋餅一齊食,。

▶︎推薦店家:Muthu’s Curry、Samy’s Curry Restaurant

十、叻沙 Laksa

叻沙係娘惹料理,以蝦米、蝦膏、香茅、蒜頭、南薑、椰汁作為湯底,放入粗米粉,味道好鮮甜。鍾意食辣嘅朋友仔,唔好唔記得加埋店入面嘅特製辣油!

▶︎推薦店家:328加東叻沙

〖你可能會感興趣〗
▶︎新加坡河畔晚宴
▶︎新加坡五天高速上網SIM卡
▶︎新加坡七天高速上網SIM卡

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: