旅遊資訊歐洲

由北玩到南 遊歷意大利

意大利喺歐洲黎講發展比較慢,雖然比唔上德國、法國、英國、瑞士個啲國家嘅環境咁好,但反而有好多出名嘅旅遊地點!米蘭、佛羅倫斯、威尼斯、羅馬、梵蒂岡、西西里島。今次就等我為大家介紹一條由北到南嘅路線啦!

首先睇下個地圖:

KKdap App

米蘭 Milan (推薦逗留時間1日)

唔係首都,但係有錢過首都羅馬嘅城市,更被稱之為時尚之都,亦都係一個購物天堂,好似香港咁!

米蘭大教堂 Duomo

而講到必去嘅地方就一定係呢個地方!教堂前面嘅廣場無時無刻都有勁多鴿,而且係唔驚人!只要有你有野食,就可以吸引啲白鴿瘋狂衝埋黎。喺廣場你會見到好多黑人自動比白鴿飼料啲遊客,而且當你開心玩完鴿佢地就會問你地收錢。咁咪中伏!?小編之前都係咁,但其實大家唔洗理佢地,佢地雖然會好似sales咁追一追你,但佢地見你都唔比錢就會放棄。始終廣場有警察駐守,佢地唔敢亂黎架。

埃馬努埃萊二世拱廊街 Galleria Vittorio Emanuele II

米蘭大教堂張圖左面個座建築物就係好出名嘅拱廊啦,設計非常之豪華,入面專賣名牌同高級野!唔怪得比人話係時尚之都啦。

除左Prada、LV呢啲國際連鎖名牌之外,都會有獨立品牌賣高檔野。成座拱廊非常之大,大家如果有錢嘅當然可以試下係入面食野,扮下有錢人,記得po相呃like,如果唔係你呢餐就蝕左了。

>> 米蘭漫步與達文西名畫遊覽

威尼斯 Venice (推薦逗留時間2日- 3日)

小編表示,雖然呢張相係都好靚,但係親身喺拱橋上面睇嘅夜景係比起呢張圖靚無數倍。靚嘅夜景就去邊都有得睇,但係而家講緊咁近嘅夜景,就唔係度度都有喇。威尼斯呢個水都絕對係人生必去地方嘅其中之一。

呢度係Burano,又叫彩色島。所有屋都係彩色,而且外型設計都一樣,分分鐘盪失路都唔知呀。

圖片來源

而另外一個叫Murano嘅玻璃島,玻璃製品非常之出名,而且真係100%當地製,所以大家可以放心買。而且仲可以去到玻璃工場參觀睇下人地點樣整呀。

>>威尼斯城市漫步、貢多拉遊河之旅

佛羅倫斯 Florence (推薦逗留時間1-2日)

如果大家想睇特色建築,例如米蘭大教堂嗰類嘅話,呢度未必滿足到你,點都唔夠其他地方咁有震撼力。佛羅倫斯出名嘅在於佢嘅歷史環境,係文藝復興嘅藝術代表之都。所以如果你鐘意睇博物館,美術館,呢度就啱哂你。當然如果要玩嘅話附近有好多,例如>>五漁村,>>聖吉米納諾等。

羅馬 Rome (推薦逗留時間 3日)

羅馬同佛羅倫斯都係意大利文藝復興中心,而且好似希臘雅典咁,城中心保留住古羅馬帝國遺留落嚟嘅建築物。梵蒂岡亦都喺羅馬入面架。

羅馬競技場 Colosseo

羅馬競技場係要比錢先入到去,建議大家買張羅馬Pass或者只買古蹟套票,包埋入羅馬廣場同帕拉提諾之丘,會比較抵,而且有學生價。

古羅馬市集 Roman Forum

 

古羅馬市集至少有成個屋苑咁大,如果喺山上面望落去,會好有振撼力,你會思考究竟當時完整嘅古羅馬市集究竟有幾咁大?同埋有幾多人?小編相信當時人流應該仲多過入面嘅遊客至少2—3倍。分分鐘個情況好似銅鑼灣咁密密麻麻。

帕拉提諾之丘 Palatino

古羅馬市集其實就喺帕拉提諾之丘下面,所以小編建議大家可以先上左帕拉提諾之丘先行落去市集,至少知道成個古羅馬市集嘅面貌再行落去睇個體驗會比較好。山上面有花園、鳥類飼養場,仲有屋,原本係比有錢人住同埋作為皇室宮殿。>>龐貝古城一日遊

 

梵蒂岡 Vatican City

全世界面積最細嘅國家,係天主教會最高權力機構聖座嘅所在地。去到記得睇下有無機會拎到當地嘅貨幣!梵蒂岡硬幣呀!

梵蒂岡軍人衣著非常有特色。而且大家記得去廣場附近嘅紀念品店買Postcard寄呀,會有梵蒂岡嘅郵chop,出左呢個範圍,喺羅馬入面寄就只會係羅馬嘅郵chop。

西西里島 Sicily (推薦逗留時間 2-3日)

小編推薦大家去西西里島嘅原因第一就係呢度比較郊區,環境寧靜,大家chur完行程可以去呢度抖下,然後就係去上火山—埃特納火山!

埃特納火山 Mount Etna 

火山爆發次數係全世界最多,對上一年係2013年。每當火山噴發之後無幾耐,都會有唔少人特登走去影噴出黎嘅岩漿。比起冰島嘅火山,埃特納火山更值得去睇,不過因為比較遠,唔太順路,所以唔係個個都會去。好就好在呢座火山係可以坐纜車上去,當然都可以行啦,所以比起喺冰島上火山更加舒服。

總結:

意大利除咗以上地方仲有好多地點值得去,意大利同其他地方唔同嘅係,其他歐洲國家出名建築物設計特別,而意大利出名係在於周圍都係古蹟,雖然已經爛哂,都仲可以好明顯睇到宏偉、大範圍嘅古蹟,而唔係一棟棟嘅建築物咁簡單。唔知你又會唔會跟住小編推介嘅路線遊意大利呢?

認識KKday
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

前往 KKday 網站,訂購心水行程!
訂閱 KKday電子報,獲取更多旅遊優惠!

關注KKday社交平台動向:
Facebook Instagram YouTube 旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: