泰國旅遊資訊東南亞旅遊專欄

【潛友必去】精選 布吉 3大潛水勝地

泰國 布吉 島賣點向來都係陽光與海灘。除咗享受日光浴、大玩水上活動之外,當地亦出名水底資源豐富,唔少潛水發燒友都會專程過嚟潛水 。布吉島全境(計埋本島)總共有33個大大小小嘅島,想知邊個小島隱藏高質潛點,小編就為大家精選咗3個潛水勝地,各有唔同嘅特色、難度,總有一個啱您心水!

KKdap App

皮皮島(Pi Pi Islands)

位於布吉東南面約20公里嘅皮皮島,由於小島外形似個P字,好多遊客都鍾意叫佢做PP島。PP島由6個島組成,其中以大PP島(Phi Phi Don)同細PP島(Phi Phi Le)為主島,同樣喺1983年獲列入為國家公園。由於大PP島餐廳、酒店、潛水中心、酒吧齊備,位置又近布吉島,近年已經成為遊客必去嘅小島。

但係由於過度發展,呢度嘅污染情況相對比較嚴重,PP島由6月起會被封島4個月。PP島四周總共有約9個潛點,主要睇珊瑚、魚群,最受歡迎潛點包括Bida Nai、Bida Nok等另外位於布吉島同PP島中間嘅King Cruiser Wreck亦係熱門潛點之一,可以一睹昔日宋神號嘅殘骸。

地理位置 ★★★★☆ (由布吉出發,需要大約1個半鐘船程)
潛點數量 ★☆☆☆☆ (只有約9個潛點)
潛點質素 ★★☆☆☆ (人為污染嚴重)
難易程度 ★☆☆☆☆ (水深5至30米,適合新手潛友)

皇帝島(Racha Islands)

位於布吉南面20公里嘅皇帝島,由大皇帝島(Racha Yai)同埋小皇帝島(Racha Noi)兩個小島組成。相比PP島,呢度商業發展程度唔高,係個旺中帶靜嘅小島,特別受歐美遊客歡迎。大皇帝島嘅設施比較發達,有餐廳、酒店、潛水中心,而小皇帝島因為航程比較遠,所以周邊海域嘅珊瑚群落都無咩人為破壞。

兩座小島總共有約15個潛點,而且各具特色。大皇帝島嘅潛點主要位於東海岸,除咗睇到好多軟、硬珊瑚之外,仲有機會見到海狼、花園沙鰻、古氏新魟等。小皇帝島水流相對更強,而且比較深,所以會睇到比較大型嘅海洋生物,例如魔鬼魚、長尾鯊,甚至鯨鯊!

地理位置 ★★★★★ (由布吉出發,需要大約30至40分鐘船程)
潛點數量 ★★★☆☆ (只有約15個潛點)
潛點質素 ★★★☆☆ (人為污染較少)
難易程度 ★★★☆☆ (水深5至35米,個別潛點會有水流,適合有經驗的潛友)

斯米蘭群島(Similan Islands)

距離布吉島西北90公里嘅斯米蘭群島,論名氣雖然唔及PP島、皇帝島,遊客唔算多,但資深潛友就一定識得佢!斯米蘭群島由9個島組成,不過只有4號同8號島可以登島。泰國政府喺1982年將呢度規劃為國家公園,每年5月中至10月底都會封島進行保育,一律禁止漁民、潛水人士進入,所以呢度海洋生物特別多、人為污染少,更曾經入選為全球十大潛水勝地,絕對係布吉境內嘅潛水天堂!

潛點主要位於群島東西兩面,特色係花崗岩融合珊瑚礁嘅奇景,例如Eden Garden、Elephant Head Rock等潛點都可以睇到巨型花崗岩。另外,唔少潛友都會特登去埋斯米蘭群島附近的Richelieu Rock,經常可以搵到鯨鯊同魔鬼魚。由於成個群島潛點數目超過廿個,島上又無住宿、餐廳,所以遊客主要都係參加一日遊或4日3夜船宿。注意每位潛友需要另外比฿400嘅國家公園門票,以及每日฿200嘅潛水收費。

地理位置 ★☆☆☆☆ (由布吉出發,需要大約3至4個鐘船程)
潛點數量 ★★★★★ (超過廿個潛點)
潛點質素 ★★★★★ (人為污染及破壞少)
難易程度 ★★★★☆ (水深5至40米,個別潛點會有水流,適合有經驗的潛友)

▶︎如果驚潛水有難度,都可以試下限時開放嘅浮潛體驗!

隨住珊瑚白化愈嚟愈嚴重,泰國政府提出更多相應設施保育,建議大家出發之前先查詢清楚,去到當地亦要搵間有信譽嘅潛水中心,玩樂之餘同時保護環境!此外,潛水有一定危險性,即使受過嚴格訓練亦有機會發生意外(Touch Wood),所以準備去旅遊潛水前記住買份保障呢項運動嘅旅遊保險!

去泰國旅行你會需要:
皇帝島浮潛一日遊
龜島+南園島一日浮潛體驗
洪島浮潛體驗賞自然美景
珊瑚島飛行傘・海底漫步・香蕉船一日體驗套票
泰國曼谷機場來回市區酒店接送機服務

更多泰國攻略:
【泰國曼谷】五日四夜行程規劃
【跳島旅行首選】 泰國七大玩水勝地
【安全遊泰國】教你避開所有詐騙手法
【購物指南】泰國10大必買手信
【泰國曼谷】機場市區交通攻略
【泰國清邁】五日四夜行程規劃

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: