日本交通指南旅遊資訊

【日本東京台場】大江戶溫泉物語懶人包介紹

想去浸天然溫泉,唔一定要去到箱根伊豆嘅,喺東京就有啦!東京台場大江戶溫泉物語唔單止交通方便,仲位於情侶約會聖地-台場附近,館內除咗浸溫泉,仲可以著住浴衣體驗日本祭典!今次KKday就為大家整理咗去大江戶溫泉物語嘅交通方式、喺入面嘅注意事項同埋超抵玩嘅優惠門票,有打算去東京嘅大家就千祈咪走雞啦~

KKdap App

1.大江戶溫泉物語簡介

圖片來源|KKday

位於東京台場嘅大江戶溫泉物語係東京市區入面最大嘅天然溫泉主題樂園。溫泉種類有大江戶溫泉、黃金之湯、百人風呂、絲綢之湯、露天風呂同足湯等等。館內以大江戶時代為背景嚟設計,大家可以著住館內提供嘅浴衣逛下日本祭典裡會有嘅各種攤販,又可以去用餐區醫肚,另外仲有提供住宿服務!

詳細資訊:
► 地址:東京都江東区青海2丁目6番3号(座標:35.615432, 139.777507)
► 電話:03-5500-1126
► 營業時間:11:00am – 隔日 9:00am
► 官網:東京大江戶溫泉物語官網 
► 東京大江戶溫泉物語購票詳細資訊

2.點買大江戶溫泉物語票劵?

► 東京大江戶溫泉物語實體門票 KKday優惠價平過官網買
喺KKday訂嘅會係實體票券,而呢張票券只係包含咗入場同泡湯嘅費用~拎票券嘅方式分為郵寄同自取兩種,而自己取都可以揀訂完上嚟香港取票點拎或者去到日本先拎,大家可以依照返自己嘅安排同需求嚟揀。

3.大江戶溫泉物語交通方法

【電車】

圖片來源|Fotolia

1. 搭百合海鷗號(東京臨海新交通臨海線)去到遠程通信中心站(テレコムセンター駅)落車,再行大約2分鐘。
2. 搭臨海線去到東京電訊站(東京テレポート駅)落車再行大約2分鐘。

【免費接駁巴士】
東京電訊站巡迴巴士
東京電訊站→大江戶溫泉物語
品川站巡迴巴士
大江戶溫泉物語→品川站
東京車站巡迴巴士
大江戶溫泉物語→勝鬨→八丁崛站→東京車站八重洲口→勝鬨→大江戶溫泉物語
錦糸町・江東巡迴巴士
大江戶溫泉物語→森下→錦系町→住吉→東陽町→門前仲町→豐洲→大江戶溫泉物語

上車地點同時間表詳情要睇返官網

4.大江戶溫泉物語入浴程序

1. 一入到去,首先去左手邊嘅鞋櫃放鞋。

圖片來源|KKday

2. 之後就去櫃台登記拎手環,拎手環嘅時間唔洗比錢住,館內所有消費都係先以手環紀錄帳目。

圖片來源|KKday

3. 跟住就可以去浴衣櫃台揀你鐘意嘅浴衣款式,再入去換衫,記得要著埋底衫褲呀!

圖片來源|KKday

4. 搞掂就可以去享受溫泉同其他設施啦~

圖片來源|KKday

5. 離開之前就可以拎手環去櫃台埋單。

圖片來源|KKday

小編提醒:大家可以喺櫃台拎免費接駁乘車券搭返市區,詳情可以再參考返上面嘅接駁巴士路線圖~

5.大江戶溫泉物語有邊啲必試體驗?
#揀浴衣

圖片來源|KKday

大江戶溫泉物語最吸引人嘅其中一點就係可以免費揀自己鐘意嘅浴衣!男仔有4款、女仔有5款,如果都係揀唔啱,你亦都可以自費購買佢哋賣嘅浴衣~

#浸溫泉

圖片來源|KKday

嚟到溫泉會館就梗係要浸溫泉啦!溫泉大致分成足湯同裸湯,足湯位於戶外嘅日式庭院,大家浸嘅同時仲可以一邊欣賞庭園造景、一邊影靚相。而室內大浴池嘅話就係裸湯,有分男女,同埋記得係禁止影相㗎!

圖片來源|Ashley Hsu

浸完溫泉再飲返樽凍牛奶真係人生最高享受!記得呢度嘅自動販賣機用手環比錢就得啦~

#祭典

圖片來源|KKday

如果你係暑假7、8月去日本嘅話,可能會有機會參與到日本嘅傳統夏日祭典,但如果係其他時間嚟日本,又同時想體驗祭典文化?咁大江戶溫泉物語就可以帶你去江戶時代嘅祭典睇睇啦!呢度有撈球(類似撈金魚)、擲手裏劍嘅遊戲攤檔同賣面具嘅攤檔等等,仲有提供占卜服務嘅攤位,想體驗祭典嘅你嚟到就千祈唔好錯過啦~

#享用美食

圖片來源|KKday

浸完溫泉又玩咗遊戲,咁最後就當然唔少得食好嘢啦~大江戶溫泉物語唔只有居酒屋、壽司、丼飯等等經典嘅日式料理,仲有原宿竹下通超人氣嘅班戟店進駐,食物種類多到大家即刻變晒有選擇困難症!

6.大江戶溫泉物語注意事項

圖片來源|KKday

1. 更衣室同泡湯區唔可以影相/錄影
2. 有紋身嘅人唔入得
3. 浸溫泉嘅時候,長頭髮嘅朋友記得要盤起啲頭髮會比較衛生
4. 唔可以自己帶其他食物入館

睇完呢篇介紹有冇即刻想快閃轉東京去浸個溫泉Relax下?快啲起行啦!

嚟到東京,仲有唔少得呢啲好夥伴:
► 東京地鐵無限坐  24 / 48 / 72 小時自由選擇
► 香港機場24小時取機 4G高速上網+無流量限制日本WiFi蛋
► 新玩法!坐遊船去台場睇最靚夜景

去東京唔知點玩?你要睇埋:
▶︎【台場攻略】台場交通景點總攻略
▶︎【餓底日誌】東京尋找拉麵之旅
▶︎【日本私藏大公開】東京五大文青地
▶︎【東京近郊】話你知市區外5大玩法

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: