旅遊資訊澳洲

【紐澳特輯】自我挑戰!極限運動總攻略

嚟到澳洲、紐西蘭又點可以唔趁機挑戰下極限運動?只要做好事前準備同睇清楚注意事項,呢啲極限運動絕對比你想像中嘅安全!人生就係要俾自己癲返次~就等KKday小編帶你一次過了解紐西蘭Bungy Jump、澳洲悉尼大橋攀登同開恩茲跳傘等嘅極限運動魅力所在啦!

KKdap App

#推薦極限運動地點

澳洲攀登悉尼大橋

圖片來源|Shutterstock

由遠處影悉尼大橋同打卡個個都做到,但爬上悉尼大橋先值得攞嚟威!悉尼大橋係世界上少數可以攀爬嘅鐵橋,「攀爬悉尼港灣大橋」更加被CNN列為一生人之中必做嘅十件事之一,而喺攀登大橋嘅過程中亦都可以一覽悉尼灣嘅美景同了解大橋建築嘅奧秘,大橋嘅最高高度仲有成40層樓咁高,企喺制高點俯瞰成個城市真係咪話唔爽~

爬悉尼大橋一日有日出、下晝、日落同夜晚四個時段揀,小編最推薦嘅就係日出或者日落時分,因為攀登嘅途中可以見到太陽慢慢升起或者逐漸落山,會有種莫名嘅感動,睇到咁嘅景色應該乜煩惱都即刻一掃而空!另外你亦都可以根據自己嘅體能狀況揀初體驗登峰、一般登峰同快速登峰,並且全程都會有識中文或者英文嘅導覽員講解。

▶︎注意事項:

  • 年齡:參加者需要年滿 8 歲同身高 120 公分,15 歲以下小朋友要由成人陪同,而一位成人最多只可以陪 3 位參加者。
  • 參加者要填健康聲明書(俗稱生死狀),聲明自己健康狀況允許參加爬橋活動。
  • 攀登前酒精檢測值唔可以超過0.05%,如果超過嘅話票券會當場作廢,並且唔會作出任何形式嘅退款。
  • 出於安全因素,參加者必須著平底、鞋底有深橫紋嘅鞋。
  • 攀爬時唔可以帶/戴任何可能會跌落嚟嘅野,包括眼鏡、珠寶、相機、手機等呢啲私人物品都要Keep喺攀橋基地嘅儲物櫃入面,直到行程結束後自行拎返。
  • 所有參加者必須提早至少 15 分鐘去到悉尼大橋嘅遊客中心前台辦理參團手續。

▶︎初體驗登峰、一般登峰、快速登峰差別:

一般登峰
快速登峰
初體驗攀登
路線
外拱橋攀登至外拱橋頂點
內拱橋底部至外拱橋頂點
內拱橋底部至半腰處
價錢
約HKD $1800
約HKD $1800
約HKD $990
時長
3.5小時
2小時15分鐘
1.5小時

▶︎嚟到悉尼唔爬呢座世界最高鐵橋,你絕對會後悔!

澳洲開恩茲跳傘(Skydive)

圖片來源|Shutterstock

澳洲昆士蘭嘅四季落雨嘅日子唔多,所以環境好適合跳傘,好多人嚟到昆士蘭就係為咗呢個非玩不可嘅跳傘體驗,跳完之後絕對會上癮呀!由14000英呎嘅高空飛越昆士蘭北部,體驗喺雲層上空飛嘅感覺,經過雲層仲可以睇到開恩茲由珊瑚礁構成嘅天然靚景,加埋海陸交匯,世界最幸福真係不過如此!

安全方面就唔洗擔心,因為佢係由澳洲最知名跳傘公司嘅專業教練指導、陪你一齊由高空俯瞰世界,有絕對嘅品質保證。強烈建議夠大膽嘅你一定要體驗一次,因為小編都係喺澳洲跳完傘先明點解呢項活動會喺咁多嘅Bucket list入面出現~真係只有自己親身體驗過先會明嗰種不能言傳嘅激動感!

小編提醒:喺玩跳傘前會先有教練說明,並且教導降落嘅正確姿勢,降落時切記對腳唔可以彎一定要伸直,因為由高空降落嘅時候衝擊力會好大,腳彎好有可能會受傷㗎!

▶︎注意事項:

  • 要著寬鬆、休閒嘅衫同方便活動嘅鞋。
  • 跳傘前 8 小時唔可以攝取藥物或酒精。
  • 跳傘前 24 小時唔可以潛水。
  • 12 歲以上先可以參加。
  • 有110 公斤嘅體重限制,而95公斤以上嘅亦需要酌收小費。

▶︎出發地點:你入住嘅開恩茲市區酒店
▶︎接駁時間:07:00 / 08:30 / 10:00 / 12:30 / 14:30 (視天氣狀況做調整),旅客需要提前確認接駁時間同地點,如果要由北邊海岸出發,只可以喺 06:30am 出發,如果要喺另外嘅時間重新返去北邊海岸就需要酌收額外費用。
▶︎ 整片珊瑚礁喺你腳下!點買開恩茲跳傘體驗?

紐西蘭皇后鎮Bungy Jump

圖片來源|Shutterstock

南半球除咗澳洲之外,紐西蘭都可以體驗到各式各樣嘅刺激體驗。紐西蘭嘅皇后鎮以玩極限運動聞名,依家亦都成為咗好多人去紐西蘭嘅必做事項之一。雖然世界上玩Bungy Jump嘅地方有好多,但小編都係最鐘意紐西蘭嘅Bungy Jump。原因係皇后鎮嘅Bungy Jump地點有自然雕刻而成嘅峽谷,喺正式Bungy Jump之前,你可以搭鋼索吊車前往Bungy Jump嘅地方,而喺跳前更會欣賞到周圍嘅山谷美景,可以充分享受呢個令人屏息嘅過程。

喺皇后鎮玩Bungy Jump哋地方有三個:卡瓦勞大橋(Kawarau Bridge)、尼維斯斯(Nevis)、同皇后鎮天空纜車山頂。其中又以尼維斯(Nevis)嘅高度最高,所以亦都係喺挑戰者中最受歡迎嘅地方;而卡瓦勞大橋(Kawarau Bridge)就有靚湖,如果想睇靚景就可以考慮呢度。

▶︎注意事項:

  • 年齡:參加者需要年滿 13 歲,14 歲以下小朋友要由成人陪同或者攜帶監護人同意書證明。
  • 體重:參加者體重範圍要喺 45 至 127 公斤之間。
  • 衣著:要著完全包覆嘅鞋同保暖衣物。
  • 孕婦、光敏性癲癇患者 (PSE, photosensitive epilepsy) 請勿參加。
  • 患有骨質疏鬆、脊柱側彎,或者近幾年內曾經發生過腦震盪嘅旅客,去到當地請提供醫生開立准許你參加Bungy Jump嘅醫療證明。

▶︎尼維斯(Nevis)Bungy Jump集合地點:The Station Information Centre (Cnr Shotover and Camp St, Queenstown 9300 New Zealand),務必於開始時間前 30 分鐘抵達集合地點報到,接駁巴士會接送你去Nevis Bungy Jump地點,接駁巴士每40分鐘一班。
▶︎用另一種角度欣賞山谷美景,史上最刺激Bungy Jump就喺紐西蘭!

紐西蘭皇后鎮跳傘(Skydive)

圖片來源|Shutterstock

雖然喺澳洲嘅開恩茲都可以跳傘,但小編就覺得紐西蘭皇后鎮嘅跳傘地貌同開恩茲嘅係非常唔同!開恩茲可以睇到珊瑚礁同清澈海水,而皇后鎮就有兩山壁立、一水中流嘅峽谷地形;開恩茲有碧海藍天之感,紐西蘭就可以體會到好似電影入面荒漠、壯闊嘅感覺。不過無論係開恩茲定皇后鎮小編都推薦,畢竟喺高空跳落嚟之後會見到好似中學地理書上面張地形圖真實咁攤開喺你面前一樣,絕對會令你印象深刻!

不過紐西蘭天氣相對澳洲嚟講會比較唔穩定,所以如果想降低被取消嘅機率,小編就會比較推薦開恩茲嘅跳傘喇~

▶︎注意事項:

  • 著寬鬆、休閒嘅衫同方便活動嘅鞋。
  • 跳傘前 8 小時唔可以攝取藥物或酒精。
  • 體重限制為100公斤。
  • 18歲以下跳傘者要取得父母或監護人嘅同意。

▶︎報到地點:35 Shotover Street, Queenstown,有提供由集合地點前往傘降地區(Dropzone)嘅免費接送。
▶︎開始時間:每日都有,每 30 分鐘一場。夏季:06:00 – 16:00 (1/12 – 30/4);冬季:07:00 – 15:00 (1/5 – 30/11)
▶︎去皇后鎮跳傘感受峽谷壯闊之美!

皇后鎮峽谷Nevis Swing

圖片來源|Kate Travel

Nevis河上嘅峽谷盪鞦韆堪稱係全世界上最瘋狂嘅盪鞦韆!長 300 公尺、高 160 公尺、距離地面 160 公尺,最大時速仲能夠達到每小時144公里,甚至仲俾Running Man拎嚟做史上最強嘅懲罰之一~

皇后鎮嘅Nevis Swing真係考驗人嘅心臟強度~因為喺玩Nevis Swing之前,你必須先吊掛喺山谷上方嘅固定點,之後會突然被放開,經歷70公尺嘅自由落體體驗,嗰種完全冇心理準備就俾人放開盪出去嘅感覺真係超刺激!經歷完瞬間嘅自由落體之後,你就會擺盪喺峽谷之間,一邊欣賞峽谷景色一邊大聲尖叫,享受迎風飛越三個足球場嘅快感!

▶︎注意事項:

  • 年齡:參加者需要年滿 10 歲,14 歲以下小朋友要由成人陪同或者攜帶監護人同意書證明。
  • 體重:參加者體重範圍要喺 35 至 220 公斤之間。
  • 衣著:要著完全包覆嘅鞋同保暖衣物。
  • 孕婦、光敏性癲癇患者 (PSE, photosensitive epilepsy) 請勿參加。
  • 患有骨質疏鬆、脊柱側彎,或者近幾年內曾經發生過腦震盪嘅旅客,去到當地請提供醫生開立准許你參加Nevis Swing嘅醫療證明。

▶︎集合地點:The Station Information Centre (Cnr Shotover and Camp St, Queenstown 9300 New Zealand),務必喺Nevis Swing開始時間前 30 分鐘抵達集合地點報到,接駁巴士會接送你去Nevis Swing地點,接駁巴士每40分鐘一班。
▶︎ 熱愛冒險、刺激嘅你絕對不能錯過,史上最癲皇后鎮峽谷盪鞦韆!

【番外篇:豪華高速大冒險號遊船 (Great Adventures) 】

圖片來源|Shutterstock

如果你未夠咁大膽玩上面幾樣野,又或者你係想去親親大自然睇下珊瑚礁、了解珊瑚礁生態,咁小編會推薦你揀豪華高速大冒險號遊船去探索下綠島大堡礁同諾曼外堡礁!而且行程入面唔單止有浮潛活動咁簡單,仲會有海洋學家嘅專業講解,等你喺半潛艇入面更加了解海底世界嘅奧秘~
【綠島大堡礁 Green Island】
綠島位於開恩茲附近嘅珊瑚礁島嶼(航程大約2小時),面積15公頃,島下面有大約1200公頃嘅珊瑚礁,島上面就有100幾種原生植物。擁有世界上獨特嘅珊瑚島熱帶雨林景觀,豐富嘅生態環境亦都吸引咗好多熱愛大自然嘅遊客慕名而嚟。
島上有一部分係歸劃比遊憩區,有商店街可以租借水上裝備或者報名參加初級潛水課程等等,如果想抖下嘅話亦可以嚟呢度坐坐。
【諾曼外堡礁 Norman Island】
諾曼外堡礁係開恩茲眾多大堡礁島嶼入面景色最靚嘅一個,大堡礁連綿不斷、面積廣闊而且層次分明。而鄰近嘅珊瑚海底公園亦都有住豐富嘅海洋生態,浮潛時可以見到清澈透明嘅海水同珊瑚礁生態,諾曼礁邊緣亦都設有多層海上觀光平台,大家可以有機會同蘇眉魚、海龜、小丑魚等海洋生物嚟個近距離接觸。

▶︎出發地點:大堡礁遊船碼頭 (The Reef Fleet Terminal)
▶︎船公司接送巴士:船公司按行車路線由 06:00 開始至 07:20 之間喺各酒接之間接駁。
▶︎出發時間:08:00 喺大堡礁碼頭辦理登船,08:30 準時啟航。
▶︎綠島、諾曼外堡礁一日遊!

#玩極限運動前,你一定要知嘅注意事項!

1. 極限運動有一定風險,雖然有安全措施同設備,但喺體驗之前一定要專注聽教練嘅教學同埋注意事項。
2. 要審慎衡量自己身體狀況再決定參唔參加極限運動,有高血壓、心臟病、懼高症、氣喘、癲癇同懷孕婦女都唔建議參加。
3. 因應交通、天氣等不可抗力因素引起嘅時間延誤而造成部份行程景點取消嘅時候記得主動聯絡客服,佢哋會幫你辦理部份退款。
4. 報之前一定要詳閱各個極限運動嘅體重同年齡限制,去嘅時候亦一定要穿著適當服裝前往體驗。
5. 紐西蘭Nevis體驗地點係私人土地,所以一定要搭專門嘅接駁巴士去,巴士由皇后鎮中心嘅The Station出發。每日班次由 07:30 到 14:10 每40分鐘一班,訂嘅時候要揀你想參加嘅場次(如果揀08:00場次,咁接駁車時間就係7:30,因為你要喺所揀場次時間嘅前30分鐘抵達報到,到時接駁巴士就會接你去體驗地點)。
6. 跳傘可以加購照片、影片,而價錢就要參考返每個行程體驗嘅詳細說明。

以上就係小編推薦嘅紐澳極限運動啦,只要切記上述嘅注意事項,呢啲睇上去超大膽嘅活動其實好安全!如果你有膽色挑戰,咁就唔好猶豫,快啲買機票啦,一定唔會後悔~~

熱愛冒險、挑戰嘅你,記得一定要玩:
▶︎世界最高鐵橋-悉尼大橋攀登體驗
▶︎想俯瞰成片珊瑚礁?凱恩斯跳傘就係你唔會後悔嘅選擇!
▶︎小編私心推薦,史上最狂皇后鎮峽谷盪鞦韆!

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: