旅遊資訊歐洲

【北歐極光】冰島極光必睇攻略

2017年係極光周期嘅末期,下一次極光大爆發就可能要等多十一年。北歐神秘島嶼——冰島被評為全球最佳欣賞極光嘅地點,火山同冰河構成冰火國度,係唔少人嘅夢想旅遊景點。KKday為大家整理咗一篇冰島極光攻略,就趁住今年冬天去冰島一圓極光夢啦!

KKdap App

冰島極光攻略

圖片來源|Shutterstock

傳說睇到極光可以一世幸福,自從冰島被CNN評為全球最佳觀賞極光地點之一後,近年冰島就成為咗追尋極光嘅聖地。冰島人口同光害都好少,而且地理位置位於極光圈內,令到你即使身在島上任何一個位置都有機會睇到極光。

賞極光最佳時間

9月~4月,冬季日短夜長,而12月~1月期間夜晚時間更長達20小時,雖然因為夜晚時間太長而無辦法去到其他景點,不過亦都因此睇到極光嘅機率會更高。

賞極光條件

1. KP極光指數超過3代表全島都喺可以睇到極光嘅範圍內
2. 無光害,即使係滿月都有可能會阻礙極光出現
3. 天空要清澈,無雲層嘅干擾,可以睇到星星、月亮(非滿月)

圖片來源|Shutterstock

賞極光最佳地點

【南部】
南方光害較多,欣賞極光可以到雷克雅維克內嘅格羅塔燈塔Grotta lighthouse (光害最少)、珍珠樓Perlan、Hljomskalagardur Park同辛格韋德利國家公園Thingvellir National Park,喺首都雷克雅維克市中心都有固定嘅極光巴士,非常方便。

【西部】
被Lonely Planet評為最佳觀賞極光處,小編推薦可以到斯奈山半島Snaefellsjokull、阿克拉內斯Akranes同博爾加內斯Borgarnes。

【北部】
喺冰島北部欣賞極光會有種科幻嘅感覺,北部擁有最壯觀嘅火山地景,光害亦唔多,係一個相當好嘅賞極光地點。

【東部】
冰島東部人口最少,羊嘅數目俾人更多,小編推薦可以到藍湖或冰河湖欣賞極光。

▶︎ 小編建議:可以利用極光預測網站,KP值要大於3,綠色代表雲層,顏色越深雲越厚,所以要去圖像顯示偏白嘅地方,睇到極光機率會更大。
▶︎ 雷克雅維克冬日極光體驗中文導覽
▶︎ 冰島超浪漫搭船賞極光 眺望壯麗山脈、城市之光

冰島基本資訊

好多人聽到冰島,就會馬上聯想到好遠、好貴同冰天雪地,繼而打消咗旅行念頭,但其實冰島有好多好去處,係一個好值得去嘅地方嚟㗎!

旅遊季節

圖片來源|Shutterstock

6月~8月夏季氣溫涼爽舒服,日照時間長,6月下旬日照甚至會長達二十小時,有可能會出現極晝現象。夏季時,更有機會會出現午夜陽光嘅奇景,當太陽喺數小時內升起又落下,天空就會迅速轉變顏色,形成奇景。對生活喺亞熱帶地區嘅人,實在係不可思議嘅景象。

10月~4月冬季係賞極光嘅最佳季節,尤其係聖誕假期前後日照最短,最容易睇到難得一見嘅極光,更可以玩盡各式各樣嘅雪地活動例如滑雪等。而冬季時間較長又多風雪,日照時間又非常短,一般遊客都比較少。

5月~9月係旅遊淡季,雖然避開觀光人潮,但部分巴士班次都會隨之減少,甚至會更改時間表。

天氣

比起同緯度嘅歐陸國家,冰島相對無咁凍,因為有海洋調節,夏季溫度平均大約十度,即使冬季,南方平原嘅溫度亦會維持喺零度左右,甚至可能比紐約氣溫更高。

簽證

冰島雖然唔係歐盟成員,但係就屬於神根公約嘅成員國持香港特區護照市民都可以免簽證入境,但入境時當地人員亦有權要求旅客提供相關證明文件,因此建議出發前要以防萬一,準備好相關文件,包括回程機票、酒店訂房紀錄、旅遊保險等等。神根免簽停留日數為六個月內唔可以喺神根國停留時間累積超過90日,你可以利用歐盟提供嘅「神根短期簽證天數計算機」安排行程,但如果只係想係冰島停留一兩星期就唔需要擔心啦!

航班

香港無直飛冰島嘅飛機航班,至少都要喺歐洲轉機一次,多數人都會選擇從阿姆斯特丹、倫敦乘搭歐洲航空公司轉往雷克雅維克。冰島廉航Wow Air航點比較多,但部份航線只有夏天6~8月先開;英國廉航Easyjet航班亦有季節性之分;匈牙利廉航Wizz Air同德國廉航Air Berlin則比較適合從東歐或德國出發嘅旅客,遇早時間預訂航班可能會買到平機票呢!

▶︎ 小編補充:據說喺極光季飛往冰島,幸運嘅話可以喺飛機飛行期間見到極光㗎!

交通

冰島最適合自駕遊,因為冰島最著名嘅就係隱藏深山、人煙稀少嘅靚風景,遊客大多都係想感受大自然奇景同埋追尋極光。而且島上公共交通唔發達,因此租車自駕就最方便。其次就係揀搭巴士,巴士分夏季同冬季時間表,夏季班次比較多,有啲體力好、時間多嘅背包客都會選擇以搭巴士加踩單車嘅方式遊覽冰島。

自駕:冰島因地形崎嶇,每條道路都會根據路況係編號上有所不同,而Ring Road即係1號公路,係一般旅客環島路線,涵蓋大部分景點。若道路編號為F開頭、數字越大就代表呢條路唔易行,只有四輪驅動車先可以行駛。

巴士:巴士主要分為RESternaSBA三間公司,可以直接上公司網站訂,亦可以透過NAT預訂各種交通套票。

如果你都係擔心自由行去到冰島唔知點追極光嘅話,可以考慮參加當地極光團~有導遊隨行導覽,帶你輕鬆展開追極光旅程!
▶︎ 【專業中文導覽】 冰島雷克雅維克 冬日唯美極光體驗
▶︎ 【坐吉普車追極光】雷克雅維克超級吉普車極光追獵半日遊
▶︎ 【乘船賞極光】 冰島雷克雅維克 乘船賞極光絕妙體驗
▶︎ 【地熱泉與極光交織】 冰島雷克雅維克 極光與地熱泉套餐半日遊

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!

1 則迴響

Comments are closed.

%d 位部落客按了讚: