感覺到天氣慢慢開始有涼意,就知道又係秋天嘅季節啦!講到秋天,除咗諗起「秋風起,食臘味」之外,唔知你哋又會唔會諗起秋天去旅行?除咗自己去賞楓睇紅葉之外,其實秋天仲係一個好適合同父母一齊去旅行,嚟個親子遊嘅季節!點解?等KKday歸納三大理由過你知啦!

KKdap App

1. 氣候宜人

圖片來源|Shutterstock

秋天呢個季節最吸引嘅地方相信唔洗講,一定係佢嘅天氣!帶住爸爸媽媽去旅行嘅話,夏天怕熱辣辣大家都辛苦;冬天又怕一個唔覺意凍親父母,但秋天嘅天氣就可以話係啱啱好,溫度合適之餘亦都夠晒涼爽!重點係咩?秋天無打風少落雨,出街拎少樣野,出門輕鬆方便,大家唔洗怕俾天氣影響,一路去一路Keep住好心情,爭執都少啲!

2. 有楓葉紅葉美景

圖片來源|Shutterstock

去旅行,春天就感受下春意闌珊、夏天玩陽光與海灘,冬天睇雪,秋天就梗係賞楓睇紅葉!日本、韓國呢啲熱門賞楓地點就唔洗多講,喺秋意盎然嘅環境下抬頭望到紅黃交織嘅楓葉美景真係人生樂事,而咁靚嘅景色就梗係要帶埋爸爸媽媽去睇啦~

但同父母自由行嘅話你可能擔心去郊外賞楓會交通唔方便、怕父母辛苦等問題,咁你可以考慮選擇賞楓一日團,有巴士接送到賞楓點,咁就可以輕鬆睇靚景啦~賞楓睇紅葉之餘,仲可以品嚐美味韓式、日式料理,連帶父母食乜好嘅煩惱都幫你解決埋!
【韓國賞紅葉勝地】內藏山、美味韓牛火鍋賞楓一日遊
【京都賞楓葉】夜楓半日遊・北野天滿宮御土居・舞妓表演・SHOZAN庭園品嚐懷石料理

3. 易連紅日攞長假

圖片來源|Pixabay

雖然爸爸媽媽就可能已經享受緊退休生活,但作為打工仔嘅大家拎假去旅行多數都會想就埋紅日放個大長假,去長幾日玩盡啲都好嘛~秋天9、10月就係其中嘅好選擇,因為多數都可以連住中秋、國慶同重陽呢啲公眾假期嚟放~就以今年10月為例,就有請3日放9日嘅好日子,Plan個長啲嘅旅行都絕對冇問題呀!

其實要帶父母去旅行季節都唔係最重要因素,最緊要都係你有心想同父母出遊。以上都係為咗比多個理由你搵時間陪下父母,快啲準備帶你嘅父母出發啦!

秋天旅行去邊好?KKday推介你哋去:
【韓國賞紅葉勝地】內藏山纜車賞楓一日遊
【韓國賞紅葉勝地】雪嶽山+纜車賞楓一日遊
【富士山賞楓葉】果園現採現食、河口湖楓葉隧道、木之花貓咪博物館、忍野八海
【京都賞楓葉】嵯峨野嵐山小火車・京馬車・保津川遊船