日本旅遊資訊

【期間限定!】2018白川鄉點燈全攻略

每年合掌村點燈都會吸引一大班遊客去白川鄉,想一睹世界遺產人形木屋覆蓋喺雪地入面、襯埋閃令令嘅燈光,成個畫面溫馨又浪漫,而且錯過咗就要再等一年!但白川鄉點去?咁嘅旺季住宿又點訂?睇下KKday為你準備嘅合掌村交通住宿完整攻略,之後拿拿臨買機票執行李出發啦!

KKdap App

1. 合掌村點燈日期

圖片來源|Fotolia

合掌村已經公佈咗2018點燈日期,諗住去體驗下合掌村點燈靚景嘅一定唔可以忘記呢啲日子~

  • 第一回:1/21(日)
  • 第二回:1/28(日)
  • 第三回:2/4(日)
  • 第四回:2/12(一)

總共有四次,全部都喺星期日同一,時間固定喺17:30-19:30。

2. 合掌村點去?

圖片來源|Fotolia

【昇龍道高速巴士】

通常大家都會由名古屋出發去合掌村,而昇龍道票券就係大家最常用嘅交通券,入面包含咗好多可以搭嘅巴士路線,除咗合掌村之外,呢張交通券仲可以去埋其他地區㗎!有張昇龍道高速巴士周遊券喺手,日本中部交通都即刻輕鬆上手!

  • 出發地:日本中部機場、名古屋、高山
  • 目的地:名古屋、高山、金澤、白川、松本等地
  • 票券種類:三日券、五日券
  • 使用方式:憑通票可以喺指定日期內任意乘搭高速巴士

另外三日券同五日券都有啲一定要預約咗先搭得嘅路線,KKday喺度幫大家整理埋~

基本上去白川鄉最常用嘅巴士就係濃飛巴士,經常會有人會由高山、金澤去白川鄉,如果用KKday訂飛仲可以用最優惠價金錢訂到

至關於前往白川鄉高速巴士嘅路線查詢,大家可以參考下官網:
▶︎濃飛巴士官網
▶︎加越能巴士官網
▶︎岐阜巴士官網

【濃飛點燈巴士】

另外,以下係2018年濃飛巴士針對點燈開放嘅巴士費用,大家可以參考埋~

  • 高山出發:成人 日幣5,000,兒童2,500日圓
  • 下呂出發:成人 日幣6,000,兒童3,000日圓
  • 行程: 下呂→ 高山 → 白川鄉夜間點燈→ 高山→ 下呂
  • 票券包含:往返巴士座位、合掌村民家園門票
  • 預約辦法:一個月前開始受理預約,只接受電話預約~
  • 詳細資料可以參考:濃飛點燈巴士官網

以上嘅兩種方式適合想當日來回,或是冇打算住喺合掌村嘅人~如果唔識日文但都仲係想去合掌村,亦都可以參考以下兩種方法,而且保證有位㗎!

▶︎保證有位! 2018合掌村點燈、溫泉泡湯二日遊(大阪出發)
▶︎保證有位!2018合掌村點燈、兼六園、飛驒高山二日遊(名古屋出發)

3. 唔識日文點Book房?

圖片來源|Fotolia

喺合掌村嘅民宿多數由日本嘅長者經營,所以基本上都剩係識日文,而訂購方式亦都多數用電話、傳真或者E-mail,呢個時候如果唔識日文又冇日本朋友可以幫手,咁應該要點先可以喺合掌村留宿呢?

呢度有兩種方法可以提供比大家參考:

#信用卡白金秘書

如果你張信用卡係白金卡Level,咁你可以睇下你有冇「信用卡白金秘書」呢個服務,如果有,咁你就可以打電話比你嘅發卡銀行、或者打比信用卡機構(Visa、Master Card等),之後就可以請專人幫你代為訂房!

#白川鄉觀光協會

如果上述嘅方法你用唔到,咁你都可以選擇搵白川鄉觀光協會代為訂房。雖然佢哋都係用日文嘅操作介面,但相對嚟講就方便好多,亦都唔洗用日本打電話溝通~

你可以照以下步驟Book房:

【Step 1】

揀「宿泊設施」就可以睇到合掌村嘅住房資訊。

【Step 2】

撳到入去,你可以揀自己想住嘅地方,睇到更多同更詳盡住宿資訊。

【Step 3】

揀好自己想要嘅住宿之後,返去左邊欄拉落去,就可以見到「お問合せ」,撳落去就會見到查詢表格。

【Step 4】

填完份Form之後,白川鄉觀光協會就會幫你查詢住宿嘅問題,並且會以英文E-mail比答覆你。小編就建議大家可以喺詢問內容嘅地方填多幾間住宿,咁遇到想訂嘅民宿已經爆額嘅情況時,觀光協會嘅人就可以直接幫你問埋其他民宿。另外如果可以訂,都要再次回信答覆返係咪要確認預訂。

留意返,第二欄係要填寫中文轉換後嘅日文拼音㗎!如果大家都係覺得用觀光協會訂民宿麻煩,咁你都可以考慮「大田屋」,呢間民宿有提供英文嘅訂房服務!

▶︎ 官網:白川鄉觀光協會

4. 注意事項

圖片來源|Fotolia

#2018新規定:展望台要搭接駁巴前往
今年合掌村加入咗新規定,基於安全考量,將會限制前往展望台嘅人數,所以如果你喺點燈期間要去展望台,就要搭接駁巴士去,並且需要整理券先可以入場。整理券販售會以當日入住白川鄉民宿嘅人優先,到時出示訂房資訊就可以~

▶︎整理券販售場所:JA駐車場
▶︎販賣時間:16:00~售完為止
▶︎金額:500日圓
▶︎接駁巴士相關資訊

#點燈期間,僅有經許可的車子可進入合掌村
需要注意嘅係,為咗控管人數,合掌村喺點燈期間規定只有經許可嘅巴士先可以入去,如果怕語言不通預約唔到巴士,亦都可以考慮參加KKday提供嘅合掌村二日遊,KKday行程係保證入場㗎!

# 部分巴士班次會採取預約制
因為白川鄉夜間點燈舉辦日可能會適逢公車「高山―白川鄉線」運行日,所以交通可能會變得擁塞,部分嘅班次運行時會改變搭乘方式,即係平時唔洗預約嘅班次會改用預約制,而詳細資訊就以官網公佈為準,所以小編建議大家出發前事要先查詢各大高速巴士嘅官網~
▶︎濃飛巴士官網
▶︎加越能巴士官網
▶︎岐阜巴士官網

#訂房需要提早訂購
基本上白川鄉嘅民宿預約會由10月份開始開放,部份就由11、12 月份開始。如果已經確定要去,最好一早做定功課,一開賣就唔好等,以勿錯過時機呀!

#相機、手機要預足電
因為合掌村天氣比較凍,會導致手機或者相機電池消耗得比較快,所以出發前一定要充滿電,或者帶埋隨身充電器,以防冇電嘅時候可以用到。

#電筒、遮、防滑靴
因為係夜間點燈,所以會喺比較暗嘅路度行,開住電筒係相對嚟講比較安全嘅方式;另外可能會遇到落大雪嘅情形,所以亦都最好帶埋遮,咁就唔驚會淋濕而冷親;另外路面濕滑嘅關係亦都比較建議著防滑嘅靴,咁就可以避免跌親之類嘅意外。

#晚上超冷
去到合掌村,羽絨外套、頸巾、冷衫、手套、帽,任何可以保暖嘅野都唔好漏低呀!!下晝嘅氣溫已經好低,夜晚睇點燈時只會更凍!而且積雪好厚,建議著容易活動、輕便嘅衣物。

#唔係每個地方都可以Set腳架
最後要注意嘅地方係,想影靚相嘅人,唔係每個地方都可以Set腳架㗎!山坡地因為積雪同地勢嘅關係,Set腳架係好危險嘅事,通常合掌村會設立一個可以Set腳架嘅空間,但多數都要好早就開始排隊、霸位。

以上就係KKday為大家整合嘅合掌村點燈攻略,祝大家都可以成功咁欣賞到呢個又壯觀又浪漫嘅點燈靚景啦!

已經準備好去白川鄉睇點燈?你一定會需要:
▶︎【名古屋北陸交通】昇龍道高速巴士3日/5日周遊券
▶︎保證有位!2018合掌村點燈、溫泉泡湯二日遊(大阪出發)
▶︎保證有位!2018合掌村點燈、兼六園、飛驒高山二日遊(名古屋出發)

要去日本過冬天?不如睇埋:
▶︎【冬遊日本】新手必睇滑雪懶人包
▶︎【玩轉日本】溫泉勝地全攻略

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: