旅遊資訊歐洲

【冰島】必去景點、旅遊路線推薦

上一 篇為大家介紹咗冰島嘅極光攻略及冰島基本資訊。但係喺冰島嘅行程應該要點安排?除咗極光仲有啲咩絕對唔可以錯過嘅奇景呢?就等KKday今次為大家介紹冰島嘅必去景點同旅遊路線推薦啦!

KKdap App

除咗睇極光,仲可以點樣玩冰島?

仲記唔記得《發夢王大歷險》入面令人感嘆嘅大自然美景?身為冰與火嘅夢幻國度,即使唔睇極光,景點活動亦都有好多。你可以喺落雪嘅日子浸冰島藍湖溫泉、慢步黑沙灘、欣賞野生鯨魚,又或者行下和平寧靜嘅小鎮。短時間內就可以走遍冰河及火山,絕對係人生必去清單上嘅一員。

以下小編就為大家推薦五種遊冰島嘅路線,大家可以按景點特色、逗留日數、能力等等選擇最適合自己嘅路線。

1. 基本路線:西南區首都+黃金圈路線 Golden Circle

黃金圈為首都雷克雅維克附近嘅知名景點路線,係初遊冰島嘅必玩路線。

雷克雅維克 Reykjavik

圖片來源|Shutterstock

雷克雅維克係冰島嘅首都亦係全世界最北嘅首都,號稱歐洲最乾淨嘅無煙城,靠地熱支撐整座城市嘅電力,Reykjavik喺維京語中有「冒煙的港口」嘅意思,城市唔大,行路都可以輕易到達基本景點。

市內觀光景點有珍珠樓 Perlan、冰島國家博物館 National Museum of Iceland、維京船雕塑 The Sun Voyager等以維京文化或地熱科技為主嘅景點。

▶︎ 維京傳統騎馬之旅,跨越冰島火山鄉間

藍潟湖 Blue Lagoon

圖片來源|Shutterstock

藍湖無庸置疑係冰島第一著名景點,位於雷克雅維克附近嘅露天地熱溫泉,終年溫度保持係40℃左右,一年四季都每日爆滿。藍湖板塊運動頻繁,地底長年有岩漿流動,海水經過會被高溫岩漿加溫,就形成咗地熱水。水中含有大量化學及礦物質如硫磺、矽等,美容功效極好,更據說對舒緩精神有特定療效,當地人好鍾意一邊浸溫泉一邊將湖底嘅白矽泥敷喺面上。

▶︎ 地點:Nordurljosavegur 9, 240 Grindavík, 冰島(座標:63.880079, -22.449553)
▶︎ 票價:成人(16歲或以上)50€;青少年(14、15歲)與殘障 25€;兒童(2-13歲)Free
▶︎ 電話:+354 420 8800
▶︎ 開放時間:08:00-22:00
▶︎ 官網:Blue Lagoon

▶︎ 小編提醒:因為藍湖太受歡迎,係現場經常都買唔到入場飛,所以最好預先喺網上預約定!
▶︎ 藍湖來回接駁車票+門票,唔怕排不到

辛格韋德利國家公園 Thingvellir/ Þingvellir

圖片來源|Shutterstock

辛格韋德利國家公園係人類史上民主發源地之一,對冰島人而言有重大意義。同時辛格韋德利位於歐亞板塊同北美板塊嘅交界點,直到今年兩塊板塊仍以一年兩厘米嘅速度分離,即係話每年冰島嘅國土面積都不斷增加。因板塊移動而產生嘅獨特裂谷及斷崖,亦成為咗當地非常重要嘅景點。

▶︎ 地點:Thingvellir National Park, 冰島(座標:64.255857, -21.130351)
▶︎ 停車費:500 ISK
▶︎ 電話:+354 482 2660
▶︎ 道路編號:36
▶︎ 官網:辛格韋德利國家公園
▶︎ 近年新興玩法!板塊裂縫浮潛一探奇景

間歇噴泉 Geysir

圖片來源|Shutterstock

噴泉區位於Haukadalur谷地附近,大約有50個間歇泉,仲有各種熱景觀,例如噴泉、彩池、噴氣洞等等。其中以蓋錫爾間歇泉區最出名,因為佢嘅噴水高度係冰島所有噴泉同埋間歇泉之首。另外史托克Strokkur間歇泉嘅噴水頻率則係最高,遊客可以喺噴泉口附近觀賞到整個噴水過程,非常壯觀。

▶︎ 座標:64.310384, -20.302342
▶︎道路編號:35

古佛斯瀑布 Gullfoss Waterfall

圖片來源|Shutterstock

古佛斯瀑布又稱黃金瀑布,曾被CNN旅遊評選為「全球十大最美麗瀑布」之一。瀑布水勢滂礡,更有壯觀嘅斷層峽谷,喺陽光照射下,瀑布噴濺出嘅水珠會折射成彩虹,就好似仙境咁。好多著名電影例如星際啟示錄、普羅米修斯都曾經喺呢度取景㗎!

▶︎ 座標:64.327075, -20.119941
▶︎ 道路編號:35
▶︎ 經典黃金圈中文導覽一日遊

2. 進階玩法1:南方路線 維克鎮+冰川冰河+赫本鎮

如果喺黃金圈玩得唔盡興又時間充足嘅話,小編推薦可以沿著1號公路繼續往南部玩,經過水簾洞瀑布 Seljalandsfoss同彩虹瀑布 Skógafoss後,可以參觀寧靜嘅維克小鎮 Vik,之後繼續往西部走,到訪冰島上最大嘅冰原區,以及東南方龍蝦鎮赫本鎮 Höfn。

黑沙灘 Black Sand Beach/ Reynisfjara

圖片來源|Shutterstock

黑沙灘位於冰島南端維克小鎮,以黑色沙聞名,曾被Lonely Planet票選為世界十大最美沙灘之一,當日出或日落時,陽光照射到黑沙灘上,更會變成夢幻嘅黃金沙灘。沙灘旁邊一群玄武岩石柱,當地人經常會因為喺夜晚天色暗同埋大霧嘅環境,而誤認石柱群為小精靈,因此石柱群亦被稱為「海上小精靈」。而黑沙灘係點樣形成㗎呢?其實係因為Kalta火山爆發後,高溫岩漿冷卻形成玄武岩,經過多年風化後就形成咗呢片黑沙灘。但傳說如果將呢到嘅沙帶走會帶嚟厄運,所以唔好隨便帶走作紀念啊!

▶︎ 座標:63.405740, -19.071602
▶︎ 道路編號:215 or 218
▶︎ 南海岸火山冰川震懾之旅

迪霍拉裏海岬 Dyrholaey Arch/ Dyrhólaey

圖片來源|Shutterstock

海岬由海底火山爆發形成,同黑沙灘位於同一區。嚟到呢到更可以觀賞到冰島國寶帕芬鳥(Puffin),七至八月更係帕芬鳥出現嘅旺季,數量係最多。

▶︎ 地址:871 Vík, 冰島(座標:63.399596, -19.126887)
▶︎ 道路編號:218

瓦特納冰原 Vatnajokull/ Vatnajökull

圖片來源|Shutterstock

瓦特納冰原係冰島最大嘅冰原,冰島第一高峰斯卡夫塔山 Skaftafell亦位於冰原之中。瓦特納冰原係除咗格陵蘭同南極洲外,全球第三大嘅冰原,火口湖、熱湖、火山熔岩等分佈喺冰原上,沿冰河順山而下,因而被稱為冰與火之地。冰河驟眼望好似完全靜止咁,但亦可從崎嶇嘅冰舌紋路感受到佢嘅流動性。小編極度推薦大家參加冰河健行,當你走入藍冰洞裡,被晶瑩透藍嘅冰包圍,就好似穿越到電影場景咁,如幻似真十分難忘!
▶︎ 地址:Vatnajökull National Park, 冰島(座標:64.541734, -17.003916)
▶︎ 道路編號:1
▶︎ 徒步探險冰河奇景一日遊

傑古沙龍冰河湖 Jokulsarlon/ Jökulsárlón

圖片來源|Shutterstock

傑古龍冰河湖面上浮著大大小小嘅碎冰,尤如夢幻仙境般,成為荷里活製片嘅寵兒。《盜墓者羅拉》、《007 誰與爭鋒》、《蝙蝠俠:俠影之謎》等電影都曾經嚟過呢到取景。幸運嘅話仲有機會見到可愛嘅海豹懶洋洋咁訓喺冰上面~

▶︎ 座標:64.078555, -16.230404
▶︎ 道路編號:1

圖片來源|Shutterstock

3. 進階玩法2:西方路線 斯奈山半島

圖片來源|Shutterstock

斯奈山半島 Snæfellsnes/ Snæfellsjökull位於冰島嘅西部,係《發夢王大歷險》嘅主要取景地。被稱為「地心之旅門戶」、「冰島縮影」嘅斯奈山國家公園 Snæfellsjökull National Park屬於冰島三大國家公園之一,擁有多種地貌,例如冰川、火山、火山熔岩地形同埋黑沙灘等,仲有賞鯨嘅漁村。雖然唔多出名景點,但地形風景非常壯麗,當中冰川地區、教堂山 Kirkjufell、格里穆爾瀑布 Glymur非常受歡迎。天鵝峽灣 Alfta Fjord/ Álftafjörður更係必到景點之一,可以觀賞到天鵝群同峽灣相互輝映嘅美景。

斯奈山半島近幾年非常受旅客歡迎,遊客無南方路線咁多,但又可以睇遍當地特色地形,就連當地人都非常鍾意呢個地方。

▶︎ 座標:64.871281, -23.108833
▶︎ 道路編號:54

4. 環島玩法:東部峽灣+米湖地區鑽石圈路線 Diamand Circle

鑽石圈指嘅係冰島北方米湖附近嘅地點,同金圈路線相比,鑽石圈路線比較冷門,因為離首都較遠,而且前往大部分景點嘅路況都比較差。但係仍然受唔少資深玩家推薦,因為景點足夠大家玩至少一個星期,結合冰島全島景色精華,而路線終點係北方大方阿完雷里 Akureyri。

無名景點同小鎮零碎地分佈喺東部峽灣地區,一般人都唔會留好長時間,但如果你鍾意人少、寧靜嘅旅行,小編建議你可以停低慢慢享受東部峽灣風光,而且呢到嘅住宿同食物都相對其他地區平,十分抵玩!

惡魔瀑布 Dettifoss

圖片來源|Shutterstock

瀑布位於冰川峽谷河國家公園 Jökulsárgljúfur National Park,源頭係瓦特納冰原Vatnajökull,係歐洲水量最大嘅瀑布。《普羅米修斯》中外星人從惡魔瀑布跳下,自此令到瀑布聲名大噪,你只要走到瀑布附近就可以聽到轟隆隆嘅水聲,可想而知水勢有幾大啦!

▶︎ 座標:65.814630, -16.384748
▶︎ 道路編號:864

火山口Hverfjall

圖片來源|Shutterstock

北部重頭戲為火山口Hverfjall,火山口位於米湖東部,直徑一公里、深一百四十米,適合攀登,推薦遊客可以攀上火山口俯瞰整個米湖景色。Hverfjall形成於二千五百年前一次水蒸氣爆破,融化中嘅玄武岩遇到地下水產生爆炸,岩塊隨著爆炸四散,火山塊同火山礫沙亦散落堆積喺火山口周圍,形成我地現時所見到嘅火山口環。

▶︎ 座標:65.602507, -16.874421
▶︎ 道路編號:848

 Viti火山口湖、Krafla地熱區、Hverir地熱區

圖片來源|Shutterstock

冰島嘅火山活動即使到今日仍然十分頻繁,呢三個地方構成米湖火山區,空氣散發著熱氣同濃濃嘅硫磺味,地面時不時冒出濃厚白煙同高溫岩漿,而遠方嘅山頭上又被白雪所覆蓋,名副其實係冰與火之國。冰島被譽為係外貌最似月球表面嘅國家,如果無機會去月球,咁不如去冰島一嘗登陸月球嘅感覺啦!

Krafla地熱區
▶︎ 座標:65.717153, -16.754077
▶︎ 道路編號:1

Hverir地熱區
▶︎ 座標:65.640917, -16.809196
▶︎ 道路編號:1

 胡薩維克賞鯨鎮 Husavik

圖片來源|Fotolia

胡薩維克係冰島典型嘅漁村小鎮,都係冰島第一個有人居住嘅地方。胡薩維克係歐洲最好嘅賞鯨聖地,由於地理位置嘅優勢,呢到睇到鯨魚嘅機會率非常高。

▶︎ 道路編號:85
▶︎ 胡薩維克冰島傳統賞鯨之旅

呢條路線仲會經過米湖溫泉 Mývatn/Myvatn、馬蹄峽谷 Asbyrgi、上帝瀑布 Godafoss、神秘洞穴 Grótagjá/ Grotagja、黑色城堡 Dimmuborgir、卡拉夫拉發電廠 Kröflustöð/ Krafla Power Station等超多景點,要停留幾耐玩就視乎個人選擇。

5. 資深旅人玩法:遺世獨立嘅西峽灣

圖片來源|Shutterstock

西峽灣 Westfjords/Vestfirðir係冰島最古老嘅地塊,經過長年累月嘅風蝕及冰蝕下,地形曲折不平。西峽灣以魔法及超自然嘅詭異民間傳說聞名,當地路況好差,土地貧脊、交通不便、人口密度又極低,因此西峽灣係屬於60號公路,而非最易行嘅1號環島公路範圍。好多遊客都唔會選擇去西峽灣,不過呢度就會係攝影師同背包客嘅最愛,因為喺度可以睇到冰島最天然嘅原始樣貌。

丁堅地瀑布 Dynjandi

圖片來源|Shutterstock

西峽灣到處都係純天然嘅瀑布同免費溫泉點,丁堅地瀑布算係西峽灣為數不多嘅出名景點之一,小編建議可以參觀完景點後,返西峽灣嘅首都伊薩菲厄澤 Isafjordur/ Ísafjörður食飯同休息。

▶︎ 地址:Dynjandi Walking Trail, 冰島(座標:65.640917, -16.809196)
▶︎ 道路編號:60

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!

1 則評論

Comments are closed.

%d 位部落客按了讚: