日本旅遊資訊

【日本京都】 京都 自由行攻略! 5日4夜玩盡清水寺、河原町、錦市場等必去景點

京都 係日本政治同文化嘅中心,匯集過千年歷史足跡,無論係傳統文化、藝術、寺院、神宮,以至每個景點相信你都唔想錯過! 京都 有京都塔、金閣寺、錦市場同伏見稻荷大社等必去景點,唔知應該點樣安排行程先可以去 京都 時去齊哂當地熱門景點?跟住KKday啦!

KKdap App

京都 自由行五日四夜行程總覽

Day 1:機場→京都塔→京都車站

▶︎ 是日重點:京都塔
▶︎ 關西機場→京都塔(從關西機場坐haruka號,或直接坐巴士前往京都車站)

第一站:京都塔(京都タワー)

圖片來源|Fotolia

京都塔高131米,頂樓有展望台,可以360度眺望成個京都。另外,塔內有自助餐廳,一落機就要醫肚的話,呢度絕對帶比你超越果腹嘅享受!

▶︎地址:京都市下京區烏丸通七条(座標:34.987512, 135.759482)
▶︎交通:「京都車站」烏丸口出來徒步1分鐘
▶︎電話:+81 75-361-3215
▶︎營業時間:09:00~21:00(最後入場時間:20:40)
▶︎建議停留時間:2.5小時
▶︎京都塔官網

第二站:京都車站

圖片來源|Ariel

車站都要排入行程?無錯!京都車站條大型嘅複合式車站,唔只有餐廳、百貨,仲有高級酒店,之所以停留咁耐,係因為超多野買!購物狂絕對會深陷其中~

▶︎地址:京都市下京區冬塩小路町 901(座標:34.985875, 135.758777)
▶︎建議停留時間:3小時
▶︎JR京都站官網

Day 2:比叡山延歷寺→三千院

▶︎是日重點:比叡山延歷寺賞楓一日遊

第一站:比叡山延歷寺

比叡山位於滋賀縣,係日本佛教嘅發源地,至今已經有1200年歷史,出現過唔少德高望重嘅僧侶。世界遺產延歷寺位於比叡山山頂,秋天可以欣賞到滿山紅葉。有趣嘅地方在於,你唔會搵一座叫做「延歷寺」因為延歷寺就代表住比叡山嘅自然景觀、寺廟同僧侶,比叡山就等於延歷寺,咁玄大家明唔明呢?

▶︎地址:日本滋賀県大津市坂本本町4220 延暦寺(座標:35.0704634,135.8411275)
▶︎交通:自行前往交通比較費時,建議參加一日遊
▶︎建議停留時間:2小時

第二站:三千院

午餐之後大家可以去到大原最有名嘅觀光勝地方——三千院,以櫻花、紫陽花、紅葉同雪景而聞名。喺群山嘅包圍之下,景色會隨住季節同氣候而轉變。

▶︎地址:日本京都府京都市左京区大原来迎院町(座標:35.0704634,135.8411275)
▶︎交通:自行前往交通比較費時,建議參加一日遊
▶︎建議停留時間:2.5小時

Day 3: 和服體驗→清水寺、地主神社→二年坂、三年坂、清水坂→河原町

▶︎是日重點:和服體驗、清水寺,建議可使用巴士一日券

第一站:和服體驗

去到京都呢個咁古色古香嘅地方,有咩可能唔著和服?無可能!第一站就去著和服,係因為京都實在太多打卡位,同和服襯到絕,一早著定就可以影足全日啦!

【推薦店鋪:四季櫻花 / レンタル着物四季さくら】
▶︎地址:京都府京都市東大路通松原上る辰巳町110-9(座標:34.998262, 135.781044)</span
▶︎電話:+81 75-533-6666
▶︎交通:至巴士「清水道」站①JR 京都站搭乘 206 路線公車②阪急河原町、京阪祇園四条站搭乘 207 路線公車
▶︎營業時間:09:00~20:00(體驗一律至當日17:00止)
▶︎建議體驗時間:5小時
▶︎四季櫻花官網

【推薦店家:櫻京和服 / きもの桜京 KIMONOOK】
▶︎地址:下京区醍醐町290番烏丸五条ビル2階, Daigochō, Shimogyō-ku, 京都市, Kyoto 6008106日本(座標:34.996553, 135.759415)
▶︎電話:+81 75-285-2313
▶︎交通:① JR 烏丸線五條站,2號出口 ② 京都站搭乘 5 / 26 / 101 號市巴士,烏丸五條巴士站下車,吉野家旁二樓
▶︎營業時間:全年無休 09:00 – 20:00 (體驗一律至當日 19:00 止)
▶︎建議體驗時間:5小時
▶︎櫻京和服官網

第二站:清水寺、地主神社

圖片來源|Fotolia

清水寺可以話係京都人氣最高嘅寺院,除了知名嘅清水舞台,舞台下方嘅音羽瀑布都係遊客必到嘅景點,聽聞飲完山泉水,就可以實現健康、學業或者姻緣其中一樣願望!許願切忌貪心啊~

圖片來源|Ariel

身為一個妙齡少女(永遠都係妙齡),去到日本當然唔少得參拜神社求姻緣。去到大受歡迎嘅地主神社,聽聞合埋眼由第一粒戀愛石成功行到去另一粒的話,戀愛運就會順順利利~想順利就記得保持頭腦清醒!

▶︎溫馨提醒:清水寺由2017年初開始,進行為期三年嘅大規模整修,正殿同舞台會搭上支架同覆蓋臨時外罩,不過旅客仍然可以參拜。
▶︎地址:日本〒605-0862 Kyōto-fu, Kyōto-shi, Higashiyama-ku, Kiyomizu 1-chōme, 294(座標:34.994876, 135.785060)
▶︎交通:市巴士46、100、201、202、203、206、207系統在『清水道』或『五条坂』下車,徒步5分鐘
▶︎營業時間:06:00~18:00(8、9月延長至18:30)
▶︎建議停留時間:2.5小時
▶︎清水寺官網

第三站:二年坂、三年坂、清水坂

圖片來源|Ariel

清水五條嘅感覺有啲似九份老街嘅概念,建議大家可以參觀完清水寺之後,沿住清水坂、二年坂一路行到三年坂,影相嘅話,晏畫接近黃昏時分,配上古色古香嘅老街就最perfect!另外,沿路有超級多手信鋪,亦有買小食,回程行下買下手信就最啱!

▶︎建議停留時間:2.5小時

第四站:河原町購物

圖片來源|Fotolia

喺京都想搵番啲現代感?黎到四條河原町,各大百貨公司應有盡有!無錯,連京都亦有地方可以血拼架!

▶︎ 購物集中地:高島屋、O1O1、河原町OPA、大丸、藤井大丸、Loft、新京極
▶︎交通:搭乘地鐵至『河原町』,或是搭乘公車4、5、10、11、12、17、32、46、59、104、106、201、203、205、207至『四條河原町』
▶︎建議停留時間:3小時

Day 4:奈良→伏見稻荷大社→錦市場

▶︎是日重點:奈良、伏見稻荷大社

第一站:奈良

圖片來源|Ariel

奈良距離京都大約40公里,想去可以安排由京都出發嘅一日遊。你以為去奈良除咗餵鹿仔無其他野做?錯錯錯!奈良擁有全世界最古老嘅木造建築群,包括東大寺、春日大社等你望落無咩特別但好厲害嘅建築物。低頭餵鹿之餘,都抬頭望下木啦~

▶︎建議停留時間:3.5小時
▶︎ 京都→奈良:從京都車站坐JR或近鐵急行列車皆可以抵達奈良,時間皆約一小時,搭乘JR價錢約690日幣,搭乘近鐵約610日幣。

第二站:伏見稻荷大社

圖片來源|Ariel

伏見稻荷大社最出名相信係「千本鳥居」呢個打卡位,咁你又知唔知呢個神社係求咩架呢?嚴格黎講,係做生意嘅人祈求生意興隆,籠統啲講,就類似財神爺嘅概念啦!下次去到唔好掛住排隊影相啦~

▶︎地址:日本〒612-0882 Kyōto-fu, Kyōto-shi, Fushimi-ku, Fukakusa Yabunouchichō, 68(座標:34.967167, 135.772682)
▶︎交通:JR奈良線『稻荷站』下車徒步2分鐘,京阪電車『伏見稻荷站』下車徒步5分鐘
▶︎營業時間:08:30~16:30
▶︎建議停留時間:2小時
▶︎伏見稻荷大社官網
▶︎溫馨提醒:若從京阪電車「伏見稻荷站」出,會有一條小街可以行,而JR奈良線『稻荷站』出就係稻荷神社嘅大門,大家可以去程、回程嘗試唔同嘅交通工具。

第三站:錦市場

圖片來源|Fotolia

去到京都如果想了解當地人嘅日常生活,就一定要去錦市場!由日本漬物去到和菓子,應有盡有,想品嚐到最道地嘅小吃就唔好錯過啦!空肚黎都唔怕,因為有啲店家會會提供試食試飲架!

▶︎地址:日本〒604-8054 Kyōto-fu, Kyōto-shi, Nakagyō-ku, Kikuyachō (Sakaimachidōri), 富小路通四条上る西大文字町609番地(座標:35.005045, 135.763308)
▶︎交通:地下鐵烏丸線『四条』站、阪急電車『四条』或『河原町』徒步5min
▶︎開放時間:視店家而定,一般10:00~18:00
▶︎建議停留時間:2小時
▶︎錦市場官網

Day 5:八阪神社、花見小路→金閣寺

▶︎是日重點:八阪神社、金閣寺,可使用巴士一日券

第一站:八阪神社、花見小路

圖片來源:Fotolia

求姻緣同財運嘅神社都介紹咗,咁另一樣女士嘅終身事業呢?想變靚啲的話,記得要去八阪神社!神社祀奉咗三位美人女神,專門保佑藝能同美貌,所以好多藝妓同舞妓都好鐘意黎到八阪神社參拜。另外,美御前社旁有一道「美容水」,聽聞滴幾滴喺面就會變靚!(仲神奇過神仙水啊!試下無壞啊!)

▶︎溫馨提示:無留喺京都咁多日,但又想去八坂神社的話,可以去完清水寺直接再去八坂神社,會攰啲但時間有限的話都無辦法啦~
▶︎參拜時間:不限
▶︎入場費用:免費
▶︎地址:京都府京都市東山區清水一丁目(座標:35.003682, 135.778543)
▶︎交通:若清水寺前往,可以選擇沿著二年坂、三年坂、寧寧之道散步到八坂神社(可以沿路逛逛商店和古意盎然嘅街道);也可以選擇搭乘公車(46、100、201、202、203、206、207)到達「祗園站」。
▶︎建議停留時間:1小時
▶︎八坂神社官網

第二站:金閣寺

圖片來源:Fotolia

金閣寺呢個名你可能細細個就聽過,但其實佢本名係「鹿苑寺」,只係因為寺中嘅舍利殿貼滿咗金光閃閃嘅金箔,所以大家先叫佢做金閣寺。寺內嘅四季都有唔同嘅風景,秋天嘅楓葉同冬天嘅白雪,都同金色嘅寺壁非常合襯,影相一流!

▶︎開放時間:09:00~17:00
▶︎入場費:400日圓
▶︎地址:京都市北區金閣寺町 1(座標:35.039373, 135.729208)
▶︎交通:市巴士12、59系統至「金閣寺」徒步1分鐘或搭乘市巴士101、102、204、205至「金閣寺道」徒步三分鐘。
▶︎建議停留時間:2小時
▶︎金閣寺官網

最後小編都要提醒大家,但每個人嘅旅行偏好、想去嘅地點都唔同,除咗參考以上行程,亦應該配合自己旅行嘅嘅日數同想去嘅景點,安排一個最獨一無二嘅 京都 自由行旅程比自己!

更多京都自由行攻略:
▶︎【日本京都】京都宇治一日遊全攻略
▶︎【日本京都】嵐山小火車行程懶人包
▶︎【日本京都】京都近郊攻略
▶︎【日本京都】嵐山渡月橋、天龍寺等景點三小時散步遊

出發京都自由行之前,記得要準備……
▶︎想慳錢不能沒有的JR Pass!
▶︎現代人不能沒有的Wifi蛋!
▶︎女朋友不能沒有的和服體驗!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!

1 則迴響

Comments are closed.

%d 位部落客按了讚: