韓國

韓國釜山4日3夜自由行攻略

去首爾就要用力血拼,咁去釜山又有咩做?除左一樣有樂天百貨同地下街,身為靠海嘅城市,仲可以喺二妓台、海雲台、廣安里等唔同嘅地標欣賞海景,而家仲可以去賞楓添!五光十色嘅商廈就無啦,想過一個悠閒假期又唔想錯過任何經典行程的話,就睇落去啦!

KKdap App

#釜山四日三夜行程概覽


▶︎是日重點:西面Day1:西面地下街→汗蒸幕

第一站:西面地下街 서면 지하도상가

鐘意影相打卡嘅朋友,去釜山都會去西面站擺番個「西面」pose,影完相往地面出發,會見到好多特色餐廳、小食店、服飾店同大型連鎖化妝品牌;落地底就會到達西面地下街,一路走到尾,衫褲鞋襪同化妝品都一應俱全架!

▶︎地址:釜山釜山鎮區中央大路 (座標:35.157772, 129.060055)
▶︎交通:地鐵1.2號線西面站
▶︎營業時間:10:00-22:30(每月第一個星期二休息)
▶︎建議停留時間:4小時

第二站:汗蒸幕 한증막

去韓國唔去汗蒸幕就好似去日本無浸溫泉咁,硬係爭咁啲野!而且行街影相咁攰,最啱就係去汗蒸幕休息下,促進血液循環,再包個羊角頭食雞蛋,包保為你嘅旅行充夠電啊!

▶︎地址: 釜山廣域市海雲台區Centum南大路 35(新世界百貨公司)(座標:35.168913, 129.131669)
▶︎交通:地鐵2號線Centum City站地下通路連接至新世界百貨
▶︎建議停留時間:2.5小時
▶︎Running Man 都去嘅釜山新世界Spa Land,優惠入場劵在此!

Day2:內藏山國立公園

▶︎是日重點:內藏山國立公園

第一站:內藏山國立公園

KKday話你知:內藏山意思係「山中之所藏無窮無盡」咁解,同內臟一啲關於都無架!內藏山同時係南部五大名山之一,去郊外賞楓的話絕對係首選。咁一大片山頭之中,最出名嘅地方係咩呢?就係內藏寺附近嘅丹楓走廊啦!怕盪失路又嫌上山交通轉折的話,可以考慮下參考當地一日遊,直接喺西面站集合,搭一程shuttle bus就到啦!

Day3:甘川洞文化村→太宗台→札嘎其市場→南浦洞→龍頭山公園

▶︎是日重點:甘川洞文化村、太宗台

第一站:甘川洞文化村 감천문화마을

圖片來源|Shutterstock

甘川洞文化村堪稱係韓國版「馬丘比丘」同「聖托里尼」,個名就響噹噹啦!未有長假期嘅朋友,不妨親身去驗證下?除左唔可以錯過小王子同狐狸嘅影相位之外,仲可以喺入口處買集章地圖,睇下景點介紹同路線圖,儲滿印仔之後仲可以得到兩張Postcard添!

▶︎地址:釜山沙下區甘川洞(座標:35.097471, 129.010595)
▶︎交通:地鐵1號線土城站6號出口右轉3分鐘,搭乘2號小巴往甘村文化村
▶︎營業時間:24小時
▶︎建議停留時間:3小時

第二站:太宗台 태종대

圖片來源|Shutterstock

太宗台由於長時間受到海浪侵蝕,形成左直插海底嘅峭壁絕景,一大片礫石灘同侵蝕海岸當中,以神仙岩最出名!鐘意睇特別嘅自然奇景的話,太宗台嘅奇岩怪石就一定滿足到你。

▶︎地址:釜山市影島區東三洞29-1太宗台由園區(座標:35.053034, 129.087281)
▶︎交通:地鐵1號線南浦站6號出口,步行200公尺左右到影島大橋汽車站換乘66、88或101號公車,21站後(一小時)在太宗台車庫地站下車即可
▶︎營業時間:10月-4月9:00-17:00 / 5月-9月9:00-18:00(閉館前30分鐘停止入園)
▶︎建議停留時間:2小時
▶︎小編建議:由於太宗台地方太大大,大家可以搭園內嘅遊園車,雖然要自費但可以當天無限次乘搭。

第三站:札嘎其市場 자갈치시장

圖片來源|Fotolia

既然係沿海城市,又點會少得海鮮呢?札嘎其市場係釜山出名嘅漁市場,想品嚐最新鮮嘅海鮮料理的話,就絕對唔可以錯過。

▶︎地址:釜山市中區南浦洞街4街37-1(座標:35.096741, 129.030510)
▶︎交通:地鐵1號線札嘎其站10 or 南浦洞2號出口,往昌善丁字路口方向步行5分鐘即可
▶︎營業時間:05:00-22:00(全年無休)
▶︎建議停留時間:2小時

第四站:南浦洞 남포역

圖片來源|Fotolia

釜山南浦洞就好似首爾明洞咁,去到釜山想Shopping的話就一定要去啦!連當地人都經常去,一定唔會令人失望。

▶︎交通:地鐵1號線南浦洞站1號出口,步行約5分鐘
▶︎營業時間:10:30-20:00
▶︎建議停留時間:2.5小時

第五站:龍頭山公園 용두산공원

圖片來源|Fotolia

釜山地標釜山塔就喺龍頭山公園入面,可以睇晒釜山港全景。唔想爬山?無問題啦!南浦洞係有電梯直達公園架~買完野上山影相,身心靈全滿足,呢個建議係咪好貼心先?

▶︎地址:釜山市中區中央洞7街(座標:35.100645, 129.032644)
▶︎交通:地鐵1號線南浦站1or 3 or 7號出口出站
▶︎營業時間:4-9月08:30-22:00/10-3月09:00-22:00
▶︎建議停留時間:1.5小時

Day 4:二妓台→海雲臺海水浴場→廣安里海水浴場

▶︎是日重點:海雲臺海水浴場

第一站:二妓台 이기대

圖片來源|Fotolia

二妓台原名係「二妓台都市國家公園」,係一座長約2公里嘅海上公園,由奇特嘅岩石構成,而且岩石上仲有恐龍嘅腳印!

▶︎地址:釜山市南區龍湖3洞山25(座標:35.124144, 129.112481)
▶︎交通:地鐵2號線慶星大、慶釜大站3.5號出口,換乘20號、22號或131號公車至二妓台公園
▶︎建議停留時間:3小時

第二站:海雲臺海水浴場 해운대해수욕장

圖片來源|Fotolia

講到釜山又點可以唔提海雲臺呢?每年夏天,除左遊客之外,連韓國人都會去到海雲臺享受陽光與海灘,可以話係釜山行必到嘅朝聖地。

▶︎地址: 釜山市海雲臺中1洞1015(座標:35.159329, 129.158547)
▶︎交通:地鐵2號線海雲臺站3、5號出口,往海雲臺海水浴場方向步行10分鐘左右就可到達
▶︎建議停留時間:4小時

第三站:廣安里海水浴場 광안리해수욕장

圖片來源|Shutterstock

有「鑽石橋」之稱嘅廣安大橋,每到夜晚橋上嘅夜燈就會亮起,靚到不得了!要欣賞夜景,就記得留番珍貴嘅晚上去到廣安里海水浴場啦!想用另一種角度去睇夜景,你可以選擇坐觀光巴士,都幾舒服架!

▶︎地址:釜山市釜山鎮夫釜田2洞573-1(座標:35.153187, 129.118687)
▶︎交通:地鐵2號線廣安站3或5號出口,步行10分鐘左右就可到達。
▶︎營業時間:24小時
▶︎建議停留時間:2小時
▶︎觀光巴士詳情

去得多大大城市覺得relax唔到?釜山相信會係一個好選擇!遊客相對較少,但觀光景點一啲都唔輸蝕,鐘意睇自然景色,特別係會去賞楓嘅朋友記得save低呢份行程表啦!

前往釜山,你會需要:
▶︎影相打卡必備超高速wifi機
▶︎去韓國你不能沒有的T-money Card

更多釜山資訊:
▶︎【10月限定】釜山10月期間限定兩大慶典
▶︎【交通】韓國釜山交通全攻略
▶︎【活動】釜山三大特色汗蒸幕介紹
▶︎【夜景】港都釜山夜遊攻略

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!

1 則評論

Comments are closed.

%d 位部落客按了讚: