環球旅遊旅遊資訊

【聖誕節特輯】聖誕在亞洲

想去外國過聖誕但又唔夠錢去歐洲!?不如留喺亞洲過啦!日本、韓國、泰國、台灣聖誕都有重頭戲!尤其是台灣呀!最古老嘅法國聖誕市集會喺台灣101舉辦,限定入場架!

KKdap App

一、 日本:東京聖誕燈飾

【代代木公園:青の洞窟】


日本各地一到聖誕節,就充滿住各式各樣嘅燈飾,第一個要介紹嘅就喺青の洞窟,2014年時喺目黑川舉辦,雖然2015年停辦咗。不過今年喺澀谷嘅代代木公園又返黎!將藍色燈飾掛滿喺樹上面,個感覺就好似入咗藍洞咁呀!。

▶︎ 官網:青の洞窟
▶︎ 時間:2016/11/22~2017/01/09

▶︎ 地點:澀谷代代木公園

▶︎ 交通:

渋谷駅・原宿駅・明治神宮前駅・代々木公園駅・代々木八幡駅

【東京汐留:Careta Illumination】


一樣以藍色為基底,但就唔係營造洞窟嘅感覺。Careta lllumination 創造出彷彿喺在星空度嘅環境,一入行去就好似比無數咁多星星包圍住。加上夢幻嘅聖誕樹,有種「仙履奇緣」嘅feel。成個燈飾展出到2月中,不過長達八分鐘嘅主題燈光show,就只有喺12月20日到12月25日先至睇到!!

▶︎ 官網:Careta lllumination
▶︎ 時間:2016/11/17-2017/ 02/ 17

▶︎ 地點:東京都港区東新橋 1丁目 8-2

▶︎ 交通:地下鐵「汐留站」6號出口

【東京鐵塔:2016限定!Cross Over One Piece燈飾】


每年聖誕節,東京鐵塔嘅燈飾都會以唔同嘅主題呈現呀!而今年就會cross over 海賊王One Piece,並將會以「冬季綻放的奇蹟之櫻」作為活動、燈飾嘅主軸,等大家有得睇之餘,仲有得玩!如果你哋係海賊王嘅fans,仲等咩!?你唔係 expect 香港Time Square都會搞海賊王theme呀?去日本仲好啦。
▶︎ 官網:Tokyo tower x One Piece
▶︎ 時間:2016/11/1-2017/ 02/ 28

▶︎ 地點:東京市港區芝公園4-2-8

▶︎ 交通:
(1) 喺都營大江戶線嘅「赤羽橋站」落車,赤羽橋口步行5分鐘
(2) 喺都營三田線嘅「御成門站」落車, 再喺A1出口步行6分鐘
(3) 喺東京Metro地鐵日比谷線嘅「神谷町站」落車,然後1號出口步行7分鐘

【東京迪士尼聖誕節】

每逢節日主題公園就更係會有特備節目啦。除咗有超大型聖誕樹之外,仲有限定版嘅聖誕遊行、商品、表演、設施。如果係一家大細去旅行就啱哂啦!

而且聖誕主題由11月就已經開始

▶︎ 聖誕主題時間:2016/11/08-2016/ 12/ 25

 

如果要睇巡迴演出嘅話,要上返迪士尼網站度check返演出時間表,如果唔係miss咗就無機會架啦!你都唔會第二日又入返場啦~

呢間係迪士尼新開嘅幽靈公館「假期夢魘」!

實施日期:2016 年 9 月 3 日~2017 年 1 月 4 日

如果大家唔係聖誕去都唔緊要!如果係年頭嘅話,好似仲精彩!?有冰雪奇緣為主題嘅安娜與艾莎的冰雪夢幻活動。

係咪睇落好似仲吸引過聖誕節!?小編都係咁話lol

其實如果佢將呢個擺喺聖誕節就好啦,我敢話入園人數會多好多添!科科



二、 香港:香港繽紛冬日節、海利公館聖誕市集白色聖誕節市集

【香港繽紛冬日節】

見到係咪都覺得奇怪?想鬧小編呢?香港咁YAP你都夠膽拎出黎講!

仲有3D show睇,以往幾年都係得d laser射黎射去。

睇下今年繽紛冬日節。好似好過之前咗咁喎,睇落又唔差丫係咪。

唔係話咁都要比地址!?梗係要啦,驚路痴嘅朋友仔唔識去呀。

是但比個number你,你都未必知架車係邊度去邊度架啦。
▶︎ 官網:香港繽紛冬日節
▶︎ 時間:2016/11/25-2016/01/ 01
▶︎ 地點:香港文化中心
▶︎ 交通:
(1)尖東站L6出口(隧道)、尖沙咀站E出口
(2) 香港文化中心巴士站  1, 1A, 2, 6, 7, 8, 8A, 8P, 9
(3) 尖沙咀天星碼頭巴士總站  1, 1A, 2, 5, 5A, 5C, 6, 7, 8, 8A, 8P, 9, 28, 234X, 234P

【海利公館聖誕市集】

大家應該好少聽過海利公館呢個名啦下化。英文叫Hullet House,如果你成日奇怪乜1881個度有酒店架咩?唔見嘅,1881其實就係Hullet House喇!呢間黎架!

海利公館酒店内嘅鴿舍中庭會變成聖誕老人村,一共有39個攤位。原創嘅聖誕裝飾到手作飾物都一應俱全。其中嘅美食攤位,你可以品嚐多款北歐美味小食,包括:烤瑞士Raclette芝士配馬鈴薯、青口伴炸薯條、肉丸伴越橘醬、熱燻三文魚伴酸忌廉蛋黃醬。問你死未!?

再加上北歐香料熱紅酒(Glögg Wine),鐘意飲酒嘅你,唔好錯過。

▶︎ 時間:
(1) 2016年12月2日 (星期五) 下午5時 – 11時
(2) 2016年12月3日 (星期六) 中午 – 下午11時
(3) 2016年12月4日 (星期日) 中午 – 下午9時

▶︎ 地點:海利公館 鴿舍中庭 (香港九龍尖沙咀廣東道2A號)

▶︎ 交通:尖沙咀地鐵 L5出口

【白色聖誕節市集】

除咗Hullet House之外,香港仲有邁入第三年嘅白色聖誕市集!白色聖誕市集特別之處,就係有創意工作坊比大家親手製作聖誕禮物。

美食的部分,都係唔少得暖紅酒、薑味意大利雪糕雞蛋仔、薑餅烤酥等等。

▶︎ 時間、地點:
(1) 2016/11/25~2016/11/26 (灣仔星街小區)
(2) 2016/12/01~2016/12/03 (太古坊糖廠街)

 三、 韓國:首爾夢幻聖誕節活動、雪橇場、草莓村

韓國各大樂園分別會展開一連串嘅聖誕節活動、遊行、聖誕樹裝飾。11月下旬開始,韓國街道就會開始掛上炫麗嘅燈飾,而喺首爾廣場,亦會有一座超大型由LED所裝飾嘅聖誕樹。

仲唔夠喉?咁就去江原道、京畿道附近嘅草莓農場,據說韓國士多啤利都好巨型。

順便仲可以滑埋雪
▶︎ 參考行程:冬季限定,草莓村、雪橇場、聖誕老人村一次滿足!

小編覺得去韓國過聖誕節,最有氣氛嘅就係聖誕燈飾加埋落雪。聖誕老人感覺隨時都會出現咁!KKday亦為大家整理咗2016韓國聖誕節嘅活動:

愛寶樂園夢幻聖誕節

▶︎ 時間:2016/11/24~2016/12/31

樂天世界聖誕慶典

▶︎ 時間:2016/11/12 ~ 2016/12/31

釜山聖誕樹文化節

▶︎ 時間:2016/1/-26~2017/01/08
▶︎ 地點:南浦洞光復路一帶

至於上年有嘅新村聖誕活動,目前仲未有相關活動嘅消息,而清溪川嘅燈節也只展出到11/20,無延長至聖誕節。

四、 泰國:Central World、Siam Paragon 大型聖誕活動

唔想過咁凍嘅聖誕?去泰國!有人話熱死添呀!唔知真定假嘅呢

Central World 每年都會大手筆咁舉辦各種唔同主題嘅活動,廣場外仲會有幾間啤酒商所組成嘅超大型啤酒花園;Siam Paragon 亦會有聖誕步道、水舞噴泉,濃厚嘅聖誕氣氛都可以在泰國體驗到,只不過係暖返啲!

Central World
▶︎ 地點:4,4 / 1-2,4 / 4, Ratchadamri Road, Pathumwan, Bangkok 10330
▶︎ 交通:搭乘BTS至Chit Lom站

Siam Paragon
▶︎ 地點:991/1 Rama I Rd, Khwaeng Pathum Wan, Khet Pathum Wan, Krung Thep Maha Nakhon
▶︎ 交通:搭乘BTS至Siam站

五、 台灣:最古老法國聖誕市集即將到台!101 聖誕夜限定場!

德法最火紅史特拉斯堡聖誕市集(Christkindelsmärik)

史特拉斯堡嘅聖誕市集始於1570年,喺法國最老嘅聖誕市集,到時現場會超過300個攤位。「出口」聖誕市集到海外,都唔係第一次架喇。

今年首度同法國在台協會合作,聖誕市集由15座法式小木屋構成,會賣薑餅、熱紅酒、香腸、火焰薄餅等美食。現場仲有光廊、同埋兩顆分別高達10米及12米嘅巨型耶誕樹,仲有旋轉木馬裝置等等,呢啲都係史特拉斯堡耶誕市集嘅精髓。

▶︎ 地點:信義商圈,台北101 步行區

▶︎ 時間:11月25日一路到12月31日

【101聖誕夜限定場】

咁近,唔係唔順個便趁下熱鬧呀嘛。101所推出嘅聖誕夜限定場,可以喺89樓露營。小編都係而家先知有咁嘅野。仲開放埋只有貴賓級人物先可以入場嘅101樓。睇夜景之餘,打埋卡嘅話,型到爆!

出發台灣、日本、韓國過聖誕,你會需要:

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!”
▲訂閱 KKday電子報,獲取更多旅遊優惠!

關注KKday社交平台動向:
FacebookInstagramYouTube旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: