環球旅遊

第一次去曼谷唔可以錯過嘅10個地方

image

身為香港人,除左台灣之外,泰國係最近我地嘅熱門旅遊地點。而大部份香港人去泰國嘅時候都一定會去埋曼谷!咁唔知你又去過未呢?

KKdap App

去旅行梗係要慳在起跑線啦,雖然去曼谷嘅機票通常都唔會太貴,但係慳得一蚊得一蚊,去到目的地做個靚SPA都唔駛肉赤吖嘛!機票幾時係最抵?唔好自己估估吓喇,留番畀專家話你知啦。KAYAK個機票Search唔單止搵機票夠方便齊全,小編仲好鍾意佢個價格預測圖表。個圖表幫你估計嚟緊嘅機票價會升定跌,咁你就知到底應該等多幾日,定係即刻訂機票啦!

image

 身經百戰去過多次泰國嘅小編整合知名網站Bangkok.com嘅旅遊資料,話你知曼谷10個唔可以錯過嘅地方,而家一齊黎Check下仲有邊啲地方你未朝聖啦,Let’s GO! 

1.大皇宮

image

(圖片來源)

去大皇宮嘅道理就同去台灣要去故宮博物館一樣,冇去到就代表曼谷之旅唔完整。不過泰國王室就唔係住呢度,大皇宮嘅建築群集結多元風格,mix咗西式同泰式建築風格,佔地十分遼闊,如果想要行完成個皇宮需要2~3個鐘,而且仲有dress code限制!唔可以著短褲同無袖嘅衫,所以喺夏天嘅時候去都可能要帶多套衫褲。不過千祈唔好去更衣室換衫,條隊長到痴線架!如果因為衣著問題入唔到去睇大皇宮金碧輝煌的建築就會好可惜!

2.搭船遊曼谷

image

(圖片來源)

有名嘅運河除左昭披耶河之外,仲有一條橫貫東西向嘅空盛桑運河,就算長期塞車都仲係勁多人用,塞車情況就好似紅隧咁。而且曼谷市區搭船好平同方便。雖然曼谷有東方威尼斯嘅美譽,但呢條運河最多都只係一條大水溝,邊有威尼斯個種歐情調吖,得返D柴油味同污糟邋遢嘅運輸船。喺船上面可以睇到當地人嘅生活習慣同埋欣賞河岸邊泰國傳統木造建築。搭船係好貼近當地人的生活方式。

3.黎明寺

image

(圖片來源)

黎明寺(泰語:วัด อรุณ Wat Arun)又叫:曉廟、鄭王寺或鄭王廟,喺湄南河西畔嘅一座佛教寺院。喺泰國境內規模最大嘅大乘舍利式塔,享有「泰國埃菲爾鐵塔」嘅稱號。

黎明寺有一座主塔同四座陪塔,主塔叫做Phra Prang,代表崇高嘅佛塔之意,亦象徵佛國中嘅麥乳山,周圍有四條好陡嘅樓梯上去。四座陪塔就用嚟供奉風神。由於主塔好高,行上去之後就會睇到成個昭批耶河靚景,涼風加無敵美景,分分鐘影相都影到無哂位添。但係落去嘅話就慘啦,樓梯幾乎程90度角咁濟,所以去高塔嗰時咪鬼著拖鞋喇,最好就帶少啲嘢去,咁就唔洗特登借Locker啦,小編建議趁後生膝頭哥仲頂得住嘅時候就去啦!上去塔頂好好欣賞曼谷風景~

4.中國城

image

(圖片來源)

世界各地都有個共通點,就係Chinese people are everywhere!所以幾乎每個地方都會有Chinatown。喺Chinatown時你當然可以用中文溝通,但都唔係重點!重點係你可以喺Chinatown食返平價又好味嘅海鮮,等於西貢有平價海鮮賣咁!夜幕低垂嘅街上,可以睇到傳統小食檔一排又一排,一間又一間咁排住,好似香港佐敦嘅玉器市場咁。其中你會搵到人滿為患的T&K,嚟到T&K你一定要點嘅就係…烤泰國大蝦、咖喱螃蟹、生蠔、檸檬鱸魚、蝦醬空心菜、冬粉焗蟹、鮮蚵煎蛋、金錢蝦餅、血蛤、清蒸淡菜、泰式炒飯…. .好似嗌得太多會食唔哂添,但根據小編同大家嘅經驗係真。平同真。好味。食飽仲可以行下,再買個椰青解下渴。正呀!你諗下香港買個正宗少少嘅椰青都講緊成40蚊,係泰國十幾蚊港幣就有啦。飲到你瀨都得添呀。

5.水上市場

安帕瓦水上市場 (Amphawa Floating Market) 

image

(圖片來源)

丹能莎朵水上市場(Damnoen Saduak Floating Market)

image

(圖片來源)

水上市場喺曼谷嚟講簡直係經典中嘅經典!曼谷有兩個有名的水上市場安帕瓦水上市場 (Amphawa Floating Market) 同埋丹能莎朵水上市場(啲amnoen Sa啲uak
Floating Market),最熱鬧同最多外國人去嘅係丹能莎朵水上市場,你可以喺呢邊睇到好似明信片上面嘅景咁。D船塞哂喺水道上面,兩邊攤販喺度Sell嘢,有啲直接仲喺船上煮麵食。但係你諗下,條船郁黎郁去,D湯瀉埋出嚟,Hi到佢地成身都係。所以小編建議你如果你唔好扮勁想試下喺船上煮麵食。加上因為水上市場講緊唔單止喺船上面,d碼頭都係用木搭出嚟會郁架!行到悶咪去埋啲 Local最鐘意嘅安帕瓦水上市場,安帕瓦市場最係星期五六日先開,而且下晝四點到夜晚八點先係最熱鬧的,唔好去錯時段呀!

6.暹羅廣場

image

(圖片來源)

暹羅廣場係曼谷流行的集散地,係曼谷版嘅朗豪坊呀。咁當然一定大超多,因為唔係得一間商場。

其中最大的四間百貨:

1. Siam Paragon :名牌精品、豪華電影院、地下水族館

2. Siam Center: 年輕人品牌、潮流服飾

3. Siam 啲iscovery:杜莎夫人蠟像館、創意飾品

4. MBK:巨型平民百貨

除了百貨公司,不妨行下D巷仔睇下有無正嘢買!

7.翟道翟週末市集

image

(圖片來源)

行緊成個翟道翟假日市集(Chatuchak Weekend Market)會有以下症狀:1.腳會好痠,但你會想繼續行,咁可以比錢去做Thai Massage順便休息嘅。2.洗錢洗得快,啲野好似樣樣都平到嘔咁,仲要附近又多ATM喎。 3.手會痛,買咁多野梗係痛啦係咪。所以記得前一晚早啲訓,唔好著拖鞋啦~

8.考山路

image

(圖片來源)

考山路被稱為背包客天堂,啲平嘅餐廳同Hostel都喺哂度,而且好多外國人會咩住大行李,甚至拖埋喼,住返一頭半個月。最特別嘅係呢度同曼谷其他地方唔同有很多酒吧、咖啡店、西餐等等。入夜之後仲正,下面即刻開估。

9.牛仔街

image

(圖片來源)

牛仔街,著名紅燈區,一條短街上有超過40間酒吧,同佢相似嘅有NaNa及Patpong,主要吸引遊客同嫖客(會唔會就係你?)。同其它阿哥哥酒吧一樣:著住比堅尼嘅囡囡喺台上拎住嘢飲跳舞,甚至全裸咁跳呀。如果嫖客即刻磅水比酒吧同妓女,可以上埋酒店啪啪啪添。泰國本地嫖客成日去呢度玩,而呢度做嘢嘅妓女多數係嚟自泰國東北部嘅貧苦農村。記得喺紅燈區都唔好比人R上去二樓,會被敲詐~

10.河岸廣場

image

(圖片來源)

河岸廣場啱啱好就喺昭批耶河附近,勁遠都睇到地標摩天輪,廣場總共有十區,路線規劃清晰,你可以喺呢邊舒服享用晚餐,睇住Live
Band表演,亦可以去唔同區捕捉特色商品。河岸廣場唔似其他廣場,因為係新開,所以又乾淨又多嘢行,係近年嚟曼谷嘅新熱門選擇,除夕仲有跨年煙花表演!

酒店又點揀?

人人都話曼谷酒店多到眼花撩亂,其實去曼谷嘅遊客基本上有兩種:第一種係一落機即放低行李去玩去Shopping,第二種係爛玩得嚟想住得豪少少。總括嚟講,揀酒店嘅重點係方便指數同享受程度呢兩大取向。

教精各位,第一類遊客最好用KAYAK酒店結果左邊嘅Filter揀間近市中心、就腳又唔貴嘅酒店。

image

第二類人呢,都係用左邊條Bar,㩒“更多”,就可以剔你想要D咩設施,咩Feel嘅酒店喇。

image

喺睇完小編精心為大家準備嘅十大地點同貼士,係咪已經心郁郁準備走人呢?

仲有知道泰國有咩特色行程? >>> 即刻上KKday睇下啦

講住咁多先,小編都要去Set個價格提示,睇吓又再幾時出發。

曼谷機票參考:

>>>十二月中來回曼谷機票

曼谷酒店參考:

>>>十二月中曼谷酒店

KKDAY獨家專屬團】曼谷經典一日遊

亞洲最大暹羅天使劇場,KKday獨家優惠

遊船感受浪漫曼谷!昭披耶河豪華船宴

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: