正所謂三個女人一個墟,唔知點解咁啱得咁橋,一大班人入面,多數都係三個三個一堆。平時行街食飯都無乜嘢,一去旅行啲問題就出哂黎,下面嘅情況你又有無試過?

KKdap App

一丶酒店房

大多數酒店房都係雙人房,第三個人入住好多時都要加床。有試過嘅朋友仔都知,後加嘅床通常都係細細張又短啲矮啲咁。如果咁啱你比較細粒,恭喜你!張加床係屬於你嫁喇!!!完全有被孤立嘅感覺。

二丶景點活動

圖片來源


小編上次同兩個frd一齊去韓國踩鐵路單車,雖然佢唔係淨係得2人座,不過4人座都係要分開兩個一個咁坐,總有一個要坐後面。喂前面嗰兩個,講嘢大聲啲啦我聽唔清楚啊!影相又唔通知聲,都唔知有無影埋我,嬲豬!

三丶沖涼

圖片來源

沖涼爭先後都已經唔係大事,最重要係,你哋喺我沖緊涼嗰陣到底傾咗乜?明明聽到你哋大笑,幾想仆出嚟一齊笑,出到嚟又話無嘢喎。雖然我都知你哋有咩八婆嘢都一定會講比我聽,但係都係好煎熬。

四丶 搭交通工具

圖片來源

大家都知搭巴士火車都唔一定有三人位,外國景點多數都好遠,個幾鐘車無得一齊坐好悶啊!就算坐前後近啲,又驚騷擾到隔離乘客,係咁擰轉頭又會好易暈車浪,陷入兩難~

五丶二人同行優惠

圖片來源

日日都喺facebook見到啲航空公司出二人同行優惠,咁第三個人呢?!!基本就連航空公司都唔鼓勵三人行,放棄啦!!!!

幾多個人去都好,最緊要唔好傷和氣,不過三人行就真係唔好預小編喇。

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!

▲訂閱 KKday電子報,獲取更多旅遊優惠!

關注KKday社交平台動向:

Facebook ▲Instagram ▲YouTube ▲旅友討論區