環球旅遊旅遊資訊

【跟著廉航去旅行】目的地簽證逗留懶人包

上次小編就同大家講過喺香港搭廉航可以去邊度,今次就想講究竟嗰啲目的地有咩簽證同入境須知!去旅行最驚咩?就梗係落地準備入境個下發現填漏咗啲野,又或者帶漏咗啲野。

KKdap App

一、 東南亞 – 越南

持特區護照去越南就無得免簽證嘅,所以就需要提早準備好Visa先出發!一般呢講,越南簽證有三種,分別係30日單次出入、30日多次出入 同  90日多次出入。

想做越南簽證有兩種做法:

第一種,去越南駐港領事館做簽證,一般需時幾個工作日,而申請特快就只需1個工作日,而收費就相對比較貴,而且簽證價格浮動得頗大(需要攜帶現金),一般大約600港幣起跳。

第二種,經網上申請簽證。有好多越南旅行社可以代辦網絡簽證,一般2日左右就會簽好,而收費相對平得多,最平大約23美金起跳!小編自己都用呢個方法,但記得帶齊文件呀,如果唔係上唔到機架!

領事館地址:香港灣仔灣仔道230號佳誠大廈15樓

二、 東南亞 – 緬甸

持特區護照去緬甸都無得免簽證,而逗留期只限4星期,而簽證有效期為3個月。小編提提大家,想順利簽證,記得護照要有至少6個月有效期!

想做緬甸簽證有兩種做法:

第一種,去緬甸駐港領事館做簽證,一般需時幾個工作日,收費大約150港幣。

第二種,經緬甸移民署網站做網上申請簽證,大約需要3個工作日,盛惠50美金。(http://evisa.moip.gov.mm/

領事館地址:香港灣仔港灣道30號新鴻基中心2401-2436室

三、 東南亞 – 柬埔寨

持特區護照去緬甸亦都無得免簽證,想順利簽證,記得護照要有至少6個月有效期!簽證有效期一樣都係3個月,逗留時間為30日。

想做柬埔寨簽證有兩種做法:

第一種,去柬埔寨駐港領事館做簽證,一般需時幾個工作日,收費大約290港幣。

第二種,經柬埔寨外交國際合作部網站做網上申請簽證,需要3個工作日,盛惠37美金。(https://www.evisa.gov.kh/

領事館地址:香港九龍尖沙咀梳士巴利道 3 號星光行 1218 室

四、 東南亞 – 老撾

特區護照可以做落地簽證,費用不定(海關收費不一),簽證有效期6個月,最長逗留時間30日。小編建議大家領事館做簽證,收費250港幣。

領事館地址:香港皇后大道西2-12號聯發商業中心1402室

五、 東南亞 – 免簽證國家一覽表(逗留時間)

泰國(30日)、新加坡(30日)、菲律賓(7日,超過需要前往領事館申請延期)、馬來西亞(1個月)、印尼(30日)

六、 中華民國(台灣)

之前去過台灣可以直接上內政部移民署做網上簽證(入臺證),過程大約10分鐘,即時有結果。入臺證有效期3個月,每次最多逗留30日,特區護照需至少有6個月有效期。

https://niioa.immigration.gov.tw/NIA_OnlineApply_inter/visafreeApply/visafreeApplyForm.action

亦都可以選擇落地簽證,但需要收翻300台幣手續費。

七、 太平洋 – 關島、塞班島

關島由2009年開始可以持特區護照免簽證,但比較特別係入境嘅時候需要同時出示香港身份證!最長逗留時間為45日,同時只可以留喺關島同塞班島範圍,唔可以中途轉入美國領土。

八、 東亞 – 日本、韓國

持特區護照去日本同韓國都可以享有90日逗留時間,無需特別簽證。

睇完咁多,其實大部份地方都唔需要簽證,主要係東南亞國家需要留意翻。

小編提提你:

雖然好多國家無講明護照要至少有超過6個月有效期,但小編都強烈呼籲大家唔好以身犯險。另外,出發去需要簽證嘅國家,記得要印定相關資料,部份航空公司會要求出示簽證先可以上機!

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!”
▲訂閱 KKday電子報,獲取更多旅遊優惠!

關注KKday社交平台動向:
FacebookInstagramYouTube旅友討論區

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: