環球旅遊台灣旅遊資訊

【台灣|花蓮】 花蓮 好山好水好去處

有台灣人講笑咁話 花蓮 係個「好山好水好無聊」嘅地方,小編就覺得對於住係石屎叢林嘅人呢講,花蓮就絕對稱得上天堂啦!咁啱最近開始有直航飛花蓮,就等小編介紹翻幾個太魯閣國家公園附近嘅必去景點,等大家方便plan行程!

KKdap App

一、 清水斷崖

相信大家最熟悉嘅花蓮景點就係清水斷崖,因為清水斷崖海天一色嘅景致實在太靚。貴為「台灣十景」嘅清水斷崖位於蘇花公路段,搭車嘅時候可以睇到一望無際嘅太平洋,而除咗搭車之外,其實都可以選擇去步道欣賞清水斷崖架~

三條步道中,小編就建議大家去「匯德步道」,主要係因為「匯德步道」係個相對較好嘅影相地點。另外一個原因就係因為,「和仁步道」同「崇德步道」由於颱風同海水侵蝕嘅關係,部分路段需要封閉同進行管制。

想去清水斷崖就可以搭去仁和火車站或者崇德火車站,落車之再行路去。由於路途遙遠,小編都係建議大家選擇包車或者自駕遊方式去清水斷崖。

>>>【經典花蓮必遊】花蓮太魯閣奇景拼車一日遊

二、 九曲洞步道

九曲洞步道原本係普通公路,後來為左疏導遊客而改成觀光步道,成為太魯閣公園最受歡迎嘅景點之一。步道位於太魯閣國家公園範圍內,係欣賞太魯閣峽谷嘅最佳步道之一,40分鐘左右嘅路程你會途經各式各樣嘅隧道、自然溪水同鬼斧神工嘅自然山石景觀,比較眼利嘅你仲可以發現日治時期日本人為開採立霧溪砂金所開鑿嘅「採金道路」。

三、七星潭

七星潭其實又叫月牙灣,係個由礫石所鋪成嘅海灣。好多人專程去嗰度就係為左睇海同去礫石海灘睇日出,天氣好嘅時候更加可以係海灘睇到星添!七星潭除咗睇自然景觀之外,都係一個踩單車嘅好去處,小編建議大家可以租架單車,沿住七星潭踩去鯉魚潭方向。

交通:由花蓮搭開往七星潭客運105號(每日只有七個班次,記得check清楚時間呀!)

四、石梯坪海岸

石梯坪海岸係另一個睇海嘅好地方,除此之外,石梯坪更加擁有豐富地質環境同天然資源,鐘意行山同睇自然景觀嘅朋友就千其唔好錯過嗰度嘅天然海拱和海蝕溝!小編提提大家,如果想訓醒一起身就望到海同日出,就記得去石梯坪露營區扎營。

石梯坪海岸仲擁有濃厚嘅人文氣息,附近嘅石梯坪部落主要由阿美族人所組成,每年六七月都會舉行豐年祭同捕魚祭。而石梯坪海岸一帶每年4月至10月都係賞鯨豚嘅黃金時期,好容易睇到超過20種唔同嘅鯨豚!

遊花蓮必備:
花蓮賞鯨游船體驗
花蓮太魯閣奇景拼車一日遊
花蓮輕航機體驗
花蓮溯溪冒險體驗
花東縱谷、花東海岸一日遊

更多台灣旅行攻略:
【台中】清境農場、日月潭交通攻略
【台灣花東】金針花觀賞地交通指南

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: