旅遊資訊歐洲

【冬天歐遊3大中伏位】令人絕望的理想與現實!

唔知大家有無覺得有時冬天去歐遊嗰時好中伏feel。明明去左嗰個地方,但又覺得好失望。但你又唔可以話自己其實未玩過嗰個地方喎。跟住最大問題係:下一次你又唔會將佢擺返做最想去嘅景點,因為已經去咗!!有種食之無味棄之可惜嘅感覺呀。點解!究竟點解會咁!!

KKdap App

 一、建築

維修EVERYWHERE!! 仲要咁早收工!!

呢個真係對大家歐遊嘅體驗有最大嘅影響,尤其是講緊你去超過2—3個星期以上嘅話。因為冬天個時遊客唔多,博物館或者其他歷史建築都會進行修繕工作,而且開放時間超級短。

例如好似小編咁,好喇plan好哂喺2日遊哂雅典7個古蹟,可能係小編比較鐘意古蹟,鐘意細心咁欣賞嘅關係先要行咁耐。但係點知1日先去得1個地方!因為佢其中幾個地點有開放時間限制而全部都係12點就關門!!開得個3—4個鐘。所以大家記得要做定功課唔好中伏。

例如 科隆大教堂

理想:

網上面通常都影得好靚,而且亦未必影得哂全景圖,所以好多時會比人呃左。

現實?

..

…..

咁樣都還好啲,但一愈望就會見到愈多。

..

…..

..

….

有時真係咩心情都無哂!影相又要就位黎影。

歐洲嗰邊其他會維修嘅出名景點包括:意大利—羅馬鬥獸場、許願池;希臘—雅典衛城。

 

二、風景

究竟落雪係好事定壞事呀!

歐洲冬天時落雪是常識吧,但有時大雪到個能見度仲低過北京。

例子:國王湖

理想

春、夏天嗰時你睇下啲風景幾咁迷人,簡直湖光十色。

現實?

好似去左第二度咁呀,國王湖冬天落得大雪嗰時仲要係無船仔坐!!!因為佢唔止得個湖,仲有得行入深處同上山,但大雪到咁,小編問當地人佢地都唔建議咁嘅天氣繼續行入去,只好轉場。小編上次就係中左伏,搭左3個鐘火車之後得個吉。Just like T_T …

成個氣氛變得好陰森,落大雪個時,直程望都望唔到啲山,勁大霧!。

三、鋪頭

想食都無得食! 餓死人

呢個包括:小食檔、餐廳、超級市場等等。食肆好多都會係講緊7點8點就收檔。如果你去完某啲地點返酒店嗰時又未食野你就大獲,要餓成晚啦。事關你一夜少少就好難搵到鋪頭食野。外國就算M記亦唔興24小時。

如果你肯比得起錢嘅,當然你可以去BAR或者其他高級少少嘅餐廳,佢地會開得比較夜。

總結:

小編唔係話想打擊大家,叫大家唔好冬天去歐洲。因為冬天除左放大假嘅時段之外,機票係好平,仲要得冬天先會容易睇到極光!!小編係想大家喺plan行程嗰時懸崖勒馬,要三思啊!冬天去旅行你要考慮嘅唔單止係交通嘅問題,而係要考慮你嘅行程究竟可唔可行!

Tips:

1. 搵定其他附近景點。相信大家都係比較完先至揀中想去嘅地點啦,咁如果去到嗰時唔對路,咪即刻轉場去附近景點

2. 事前上網搵清楚冬天景點開放時間

3. 睇遊記,參考人地影嘅相,通常都無乜點樣PS過

去歐洲有咩資料仲要睇?

 

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!”
▲訂閱 KKday電子報,獲取更多旅遊優惠!

關注KKday社交平台動向:
FacebookInstagramYouTube旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: