旅遊專欄

王貽興:旅行買玩具

作為一個長不大既死屁孩,去旅行如果有得揀,我會以下列三大標準去篩選旅行地點,就係呢個地方有冇書買,有冇玩具買,同有冇靚衫買

KKdap App

如果冇,就點都爭咁啲味道

唔係話冇就一定唔好,你去馬爾代夫去內蒙去冰島都係眼睛飽覽勝景,心靈大滿足,但返到嚟,又或者只係響機場離開果刻,都硬係有種好似食完一餐好健康但好清既料理咁,個肚始終有啲空蕩蕩,而玩具、書或者衫褲鞋,對我嚟講,冇錯,就好似調味料咁,唔係好有益,但如果冇,就點都爭咁啲味道。

當玩具反斗城驚傳要賣盤執笠之際,我去瑞典哥德堡,雖然果度啲海鮮好正,風景好靚,但冇嘢買始終身痕,衫褲講真就真係唔洗諗啦,但玩具嚟講呢,呢間響瑞典唔同城巿都有分店既BR,大概就係北歐既玩具反斗城無誤……

秋香之所以省鏡,係因為春夏冬香既襯托比較

戴返頭盔先呀,響入面你唔洗旨意搵到咩特別版或者限量版玩具,咩北歐版Lego人仔你就死咗條心吧啦,就算灣仔188是但一間鋪頭啲玩具都多花款過佢,但有時秋香之所以省鏡,係因為春夏冬香既襯托比較,當瑞典連一間似樣啲既玩具店都冇既時候,BR已經可以係你久旱逢甘露既美沙酮,都足以令你失去理智,連價錢都唔想理,是但點都買啲嘢返去,響酒店邊砌邊睇電視……

旅行呢家嘢,同愛情一樣,有時好多嘢都係第一眼最驚艷

旅行呢家嘢,同愛情一樣,有時好多嘢都係第一眼最驚艷,正所謂霎眼嬌,果日我畀呢間我人生第一間BR既櫥窗吸引,見到咁多Marvel公仔心諗冇死啦,入到去肯定跌好多錢啦,點知原來樓高幾層,最精彩就只係佢既櫥窗,入面冇一樣嘢ok,呢一刻,我不知幾想好似Ironman咁,一飛飛咗去東京中野秋葉原,可以全日慢慢睇玩具買玩具,唔洗留響呢度,豬扒當貂嬋……

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
王貽興
沒有別人所想那麼壞,也沒有他人所想那麼好。由始至終,都是一個作家。
%d 位部落客按了讚: