日本旅遊資訊

【日本 大阪 】五日四夜自由行攻略 – 玩盡黑門市場、道頓崛、心齋橋等景點

第一次日本自由行去邊度?要食野有黑門市場、要行街有心齋橋同道頓崛、要去主題樂園就有日本環球影城,講到呢到,你就知道小編要為你推介 大阪 自由行行程啦!五日四夜想玩盡 大阪 ,仲去埋賞楓?無問題KKday為你整理出五日四夜自由行行程,一齊睇下點玩大阪啦!

KKdap App

# 大阪 五天四夜行程總覽

大阪 五天四夜行程

Day 1:黑門市場→天王寺→大阪Super World 世界大溫泉

是日重點:黑門市場

第一站:黑門市場

大阪 黑門市場圖片來源|Fotolia

好多人都話黑門市場係「大阪人嘅廚房」,絕對名不虛傳!各式各樣嘅地道美食包括海產、炸物、壽司同水果等等,全部都可以喺度搵到。雖然佢叫做「市場」,但其實相當整潔衛生,有啲店鋪仲會有座位,市場入面亦有一個common area比大家食野,嚟到大阪絕對唔可以錯過!

地址:大阪府大阪市中央区日本橋2丁目4番1号
交通:「日本橋駅」5或10號出口附近走1~2分鐘
營業時間:每間店家不一,基本上從早上營業至下午17:00、18:00
建議停留時間:2小時

第二站:大阪SPA World 世界大溫泉

嚟到日本點可以唔浸溫泉?舟車勞頓完又食飽飽之後,可以去大阪SPA World 世界大溫泉放鬆下!館內有咗歐洲、亞洲溫泉區,每月男、女輪流使用,亦有適合小朋友嘅水上遊樂設施,係一個適合全家大細一齊去嘅溫泉樂園!

地址: 大阪市浪塑區惠美須東3-4-24
交通:御堂筋線動物園前駅5號出口
營業時間:10:00~隔日08:45
建議停留時間:3小時

Day 2:御在所岳纜車→松阪牛壽喜燒→片岡美肌溫泉

是日重點:御在所岳賞楓葉

第一站:御在所岳纜車

大阪 御在所岳纜車圖片來源|KKday

御在所岳係日本中部賞楓名所,同時係日本最大規模嘅纜車,全長2,161米,可以坐大約12分鐘,比你慢慢欣賞靚景,包括伊勢平野、伊勢灣、知多半島等等,都可以喺纜車上面見到㗎!要睇到咁有仙氣嘅景象,當然同市區有啲距離,唔想自己挑戰日本交通嘅話,參加一日團就包無錯啦!

第二站:松阪牛壽喜燒

大阪 松阪牛壽喜燒圖片來源|KKday

日本多好西就人人都知,你以為上山就等於要食便當?錯啦~郊外原來都可以食到壽喜燒,仲要係放題!磯燒松茸飯同各式水果甜品都係任食㗎!

第三站:片岡美肌溫泉

大阪 片岡美肌溫泉圖片來源|KKday

最後一站去到Aquaignis渡假村 ,喺一個清靜嘅環境享受具有美肌功效的嘅片岡溫泉,皮膚靚心情就更靚啦~假如你咁唔好彩親戚到訪,又或者唔想浸溫泉的話,都可以行下手信鋪,又或者試下精緻嘅甜品當下午茶,一樣夠爽!

地址:日本三重県三重郡菰野町菰野湯の山温泉駅
交通:參加當地一日團由梅田出發,慳返好多時間!
營業時間:09:00~17:00(入場時間至16:30)
建議停留時間:5小時

Day 3:大阪海遊館→遊大阪港→道頓崛水上觀光→道頓崛→心齋橋

是日重點:道頓崛、心齋橋

第一站:大阪海遊館

大阪 大阪海遊館圖片來源|Fotolia

千祈唔好睇小呢間位於天保山嘅海遊館,佢係全世界最大嘅水族館!海遊館外觀設計成一個大型水族箱,館內就有四層樓高嘅超大型水槽,遊客可以沿住設計嘅路線由下至上參觀。地方咁大,唔想浪費時間買飛就可以先喺網上預訂,一落機就喺機場拎飛!

地址:大阪市港區海岸通1-1-10
交通:搭乘地鐵中央線至大阪港站
營業時間:10:00~22:00(最晚入館時間為閉館前1小時,時間會據季節變動,以官網公告為主)
建議停留時間:3小時

第二站:遊大阪港-天保山摩天輪

大阪 天保山摩天輪圖片來源|Fotolia

高達112.5米嘅天保山摩天輪係世界上最大嘅摩天輪,除左浪漫仲想加啲刺激?中央有四部纜車嘅地板係透明架!唔畏高可以一試~

地址:大阪市港區海岸通1-1-10(34.656209, 135.430982)
交通:從地鐵中央線大阪港站1號出口出站向北步行約5分鐘

第三站:道頓崛

大阪 道頓崛圖片來源|Fotolia

道頓崛其實係一條河,但對於購物狂同吃貨嚟講,呢度又點止係一條河呢?作為大阪嘅旅遊新指標,道頓崛充滿各式美食,一邊買一邊食,爽啊!

想特別啲的話,可以體驗下道頓堀川遊船之旅,大約20分鐘,同充滿活力嘅大阪導遊船員一齊欣賞橋樑、步道等南部地區嘅繁華。

地址:大阪市中央區道頓崛
交通:從地鐵各線、南海難波站, 阪神、近鐵大阪難波站出站
營業時間:依各店營業時間為主
建議停留時間:3小時

第四站:心齋橋

喺道頓崛食飽之後,血拼任務可以正式展開啦!去到大阪嘅血拼勝地心齋橋,想買藥妝、衫褲鞋襪都無問題,連迪士尼專賣店都有㗎~

地址:大阪市中央中央區心齋橋筋2-2-22
交通:搭乘地鐵御筋堂線至心齋橋站,或係從地鐵各線、南海難波站步行前往
營業時間:依各店營業時間為主
建議停留時間:2小時

Day 4:日本環球影城

是日重點:日本環球影城

第一站:日本環球影城

大阪 日本環球影城圖片來源|Ariel

對於小編嚟講,其實心齋橋已經足夠停留五日四夜,但小編知道貪玩嘅你地絕對唔會就咁滿足!每年吸引大批遊客由關東往關西移動嘅,就係日本環球影城啦!日本環球影城其實好近大阪市中心,由大阪站坐JR出發,20分鐘就可以到達。除了常規嘅遊樂設施之外,日本環球影城仲會不定期推出「期間限定」嘅活動同新園區,令遊客就算去過都會一去再去!小編提提大家,除左門票一定要提早買,快證都係必備架!難得去到,你都唔想嘥晒啲時間喺排隊度啦!

地址:大阪市此花區桜島2-1-33
交通:搭乘JR夢咲線至環球影城站
營業時間:平日09:00~19:00,10:00~20:00/週末09:00~22:00(官網公告為主)
建議停留時間:全日

Day 5:Rinku Premium Outlet

第一站:臨空城 Rinku Premium Outlet

去日本又點會買得夠呢?臨走想最後衝刺一下?去到機場check-in之前,你可以去機場附近嘅臨空outlet,除左有連鎖嘅luxury brand之外,仲有好多運動品牌,男女都好適合行架!(記得要比呢一句另一半睇啊!)不過睇還睇,記得留意時間啊!

地址:大阪府泉佐野市Rinku往來南3-28(34.406690, 135.294986)
交通:從機場出發可坐接駁巴士,或南海電鐵、JR至臨空城站,步行約6分鐘
營業時間:10:00~20:00
建議停留時間:5小時

以上係大阪五日四夜嘅行程參考,由於大阪仲有太多好玩又好行嘅地方,真係不能盡錄!記得跟據自己同旅伴嘅喜好,稍稍加加減減再減減加加,咁就一定有一個愉快旅程啦!

去大阪旅行大阪,你會需要:
▶︎Budget travel你要有:大阪周遊卡
▶︎打卡搵路必備神器:Wi-Fi蛋
▶︎日本環球影城™門票+環球Express®快速通關套票
▶︎【JR PASS】關西地區鐵路周遊券
▶︎【大阪超值車票】大阪周遊卡1日券 / 2日券

更多大阪資訊:
▶︎【日本大阪】不能錯過人氣美食
▶︎【日本大阪】廣島燒/大阪燒有咩分別
▶︎【日本大阪】2018最新 USJ 攻略!日本大阪環球影城門票、快速通關總整理!
▶︎【日本大阪】2018 USJ 萬聖節 設施、恐怖迷宮、巡遊總整理!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: