環球旅遊

【韓國】四日三夜首爾快閃之旅

image

圖片來源

KKdap App

年尾要清假,你有咩打算?諗住去首爾遊翻轉?如果淨係得四日,小編建議大家首先搵間地點方便嘅酒店,免得將所有時間嘥喺交通上。

之前介紹過Search engine KAYAK嘅酒店地圖Function,講真,我知道好多人暗地裡都係路痴,係唔識睇地圖嘅。既然係咁,佢哋嘅地區同距離篩選你就用得著喇。左邊條Bar可以自選地區以及同景點嘅距,酒店揀得好,自然慳番唔少時間去玩啦。

image

圖片來源

事不宜遲,等小編推薦啲適合四日三夜行程嘅首爾同周邊地區景點同活動,等大家喺安排行程嘅時候可以做翻個參考。

Day 1 明洞、南山一帶

講起明洞,大家就肯定會諗起瘋狂血拼同購物,咁小編喺度就主要想講日頭同下晝嘅明洞可以做啲乜。

明洞聖堂(명동성당)

明洞聖堂屬於哥德式建築,係有過百年歷史嘅教堂,主要特色係採用紅磚做主要建材,而唔係石材。聖堂嘅外部同西貢紅教堂(越南胡志明市)有相當相似嘅地方,而內部亦都相當宏偉,經過修復後就更加之靚。

image

圖片來源

地址:首爾特別市中區明洞街74 (明洞2街) / 서울특별시 중구 명동길 74 (명동2가)

南山谷韓屋村(남산골한옥마을)

講到首爾韓屋村,大家諗起嘅應該北村同南山兩個地方。前者係古代兩班同貴族聚居嘅地方,保留落黎嘅韓屋最老有超過600年歷史,而南山谷韓屋村係將首爾精挑細選嘅五棟韓屋拆卸後搬去現址等大家參觀。

image

圖片來源

村內定期有唔同嘅工作坊可以參加,而廣場會有不定期嘅傳統民俗舞表演,去之前可以上官方睇下先。

image

圖片來源

地址:首爾特別市中區退溪路34街28 (筆洞2街)  / 서울특별시 중구 퇴계로34길 28 (필동2가)

Day 2-3 滑雪體驗

High One滑雪場

既然選擇冬天去韓國,就當然唔可以錯過滑雪呢項冬日活動,而江原道High One滑雪場距離首爾比較遠,需要大約4個鐘頭車程先去到,不過作為韓國三大滑雪場之一深受遊客歡迎。High One有超過18條滑道,喺滑雪場內仲可以望到地藏山同太白山脈雪景添!滑雪場附近會有埋酒店同其他住宿設施,除咗滑雪之外,其實都有好多其他野做架,例如汗蒸幕!

image

大家如果係初嘗滑雪或者滑雪經驗比較少,小編會建議参加兩日嘅滑雪團連一晚住宿,咁樣就唔洗話未盡興就要趕住走。對於初學者呢講更加有充足時間慢慢學,老實講,莫講話滑雪,小編學溜冰學咗幾個鐘都只係圍住個場慢慢轉圈(可能小編天資唔夠好)。

image

圖片來源

一般呢講,滑雪團會有專車接送大家往返首爾,而回程會喺第二日傍晚出發翻首爾,所以大家唔洗太擔心交通問題。

Day 4 三清洞、仁寺洞、益善洞

除咗行明洞,呢個年頭邊個唔去做下文青架?去到出面旅行當然都要瘋狂行文創市集!等小編推介三個旅客同首爾人都會去嘅文創集中地!

三清洞 (삼청동길)

三清洞算係港人喺首爾嘅熱門景點,由於毗鄰北村韓屋村,所以三清洞一帶有唔少保留落呢嘅韓屋,而大部分都被內部裝修成為各種特色小店,包括各種大大小小嘅咖啡店同超過40間小型博物館。

image

圖片來源

image

圖片來源

地址:首爾特別市鍾路區三清洞 ~城北區城北洞 / 서울 종로구 삼청동 ~ 성북구 성북동

仁寺洞(인사동)

仁寺洞古時係兩班聚居地,喺日佔時期兩班為維持生計被迫變賣家產,慢慢衍生出往後嘅古董商鋪集中地,再形成今日嘅古董、藝術展館(超過70間)同手工店鋪為主嘅古樸街道。小編建議大家參觀前先喺旅遊諮詢中心索取地圖,咁行起上呢都方便啲。早幾年仁寺洞開左個以創意小店為主嘅商場,同香港嘅PMQ非常類似,叫Ssamziegil。

image

圖片來源

image

圖片來源

地址:首爾特別市鍾路區仁寺洞街62 (貫勳洞)一帶 / 서울특별시 종로구 인사동길 62 (관훈동) 일대

益善洞

益善洞係近排新興嘅旅遊地點,範圍比起三清洞同仁寺洞要細得多,近期陸續有唔同種類嘅小店遷入,令益善洞成為另一個好去處。雖然地方細細,但配上韓屋仍然有一番味道,感覺就類似北京嘅南鑼鼓巷咁。

image

圖片來源

二日滑雪團參考:

>>>韓國江原道High One滑雪二日團(中文教學連一晚住宿)

如果只係想用一日滑雪,其實都可以參加其他滑雪場嘅一日來回包教學嘅滑雪團,而個啲滑雪場都係距離首爾一到個半鐘頭車程,非常方便!一日團參考:

>>>韓國芝山冬季滑雪一天團+隨團攝影跟拍服務

>>>新手首選!韓國滑雪一日遊

>>>中文教學,元歐巴專業滑雪學校

>>>韓國鳳凰度假村滑雪一日遊

心郁郁想出發,但係又心大心細唔知點揀邊班機,邊間酒店?最好緊係同班Friend一齊揀啦。但係Email send嚟send去好煩,Whatsapp睇番啲History就煩上加煩。KAYAK有個叫「Trips」嘅功能,用個Trips功能唔怕人多手腳亂:將所有心水加曬入個Trips度,開心Share比啲 Friend,一齊用個App Plan行程又得,工作時間偷偷地上Desktop版Plan亦得!已經擁有KAYAK帳戶嘅你,將機票酒店預訂確認Email forward去trips@kayak.com.hk,Trips就可以提你幾時check-in、班機有冇Delay等等,夠曬方便先叫度假!

image

圖片來源

首爾機票價格參考:

>>>十二月底香港往返韓國機票

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: