新加坡旅遊資訊

【遊新加坡必備】基本資訊懶人包

新加坡係一個擁有多元民族同豐富文化嘅城市國家,所以唔單止喺美食上面,佢哋喺建築同文化上都極具特色。想去新加坡玩?出發之前你又知咗新加坡點退稅同其他緊急聯絡資訊未先?不過唔洗擔心,因為KKday已經整理好晒新加坡基本旅遊資訊,想去或者準備去嘅你都快啲嚟睇下啦!

KKdap App

1. 簽證

只有持有香港特區護照或者BNO,而有效期有至少6個月,就可以免簽證入境新加坡㗎啦~持特區護照者最長可以逗留30日。而持有中國普通護照/澳門特別行政區旅行證或者香港簽證身份書嘅就要去申請觀光簽證手續。

2. 電壓

新加坡電壓係230V,用英式三角插頭,所以唔洗帶轉插。

3. 匯率/兌換

圖片來源|Pixabay

新加坡使用貨幣係新加坡幣(SGD),一新幣大約係港幣5-6蚊。

可以揀喺香港找換店或者去到新加坡先換,牛車水就有唔少找換店,大家可以格一格當日價格再兌。另外亦有人會去到新加坡用銀聯喺當地櫃員機撳錢,不過會收返少少手續費~

4. 航班及飛行時間

唔少傳統航空(國泰、港航、新航等)都有得飛新加坡,而近年亦有廉航(AirAsia、Scoot、Jestar等)都可以直飛新加坡,而飛行時間大約 3 個鐘 50 分鐘、4 個鐘以內左右。

5. 官方語言/時差

新加坡政府承認四種官方語言,分別係英文、馬來話、華語同坦米爾語,但使用上主要以英語為主。但由於華語運動同中國新移民嘅影響,大多數新加坡華人都識講普通話,所以大家去到基本上唔會太有溝通上嘅障礙。而新加坡時間同香港同步,唔需要考慮時差問題。

6. 氣候

新加坡全年氣溫變化唔大,年平均溫度介乎喺23 – 31度之間,經常有午後雷陣雨,尤其喺11月至1月嘅時間,屬於高溫多雨嘅熱帶氣候。所以大家去嘅時候建議以輕便舒適嘅夏天衫為主,同埋記得要帶雨具!

7.退稅

新加坡喺2012年起就開始使用電子退稅服務(eTRS),大家唔洗再拎退稅表格填,簡單又方便。只要有同eTRS合作嘅商家消費金額達新幣100元以上(同一間商店可以累積3張收據發票),就可以申請辦理退7%消費稅!

買嘢嘅時候可以揀一張信用卡作為退稅卡做紀錄,唔揀都冇所謂,但記得要出示護照向店家證明退稅資格~

辦理退稅嘅時候,要去到GST Refund退稅櫃台將護照同退稅單交比櫃檯人員。退稅分為現金退稅同信用卡退稅兩種。GST Refund櫃台隔離亦都有自動退稅機可以用。小編建議喺行李托運前退咗稅先,退稅量太多係會被檢查㗎!

8.交通

圖片來源|Shutterstock

【機場交通】

由樟宜國際機場出市區有好多交通方式,例如巴士、機場短程巴士、的士等;機場二號同三號客運大樓亦都有MRT站「Changi Airport」,坐地鐵東西線就可以出到市區。

【市區交通】

市區內交通無論係MRT、輕軌電車定巴士都非常方便。如果懶得規劃路線,新加坡觀光巴士有三種路線,全部都會經過熱門景點,可以坐住玩勻新加坡。
▶︎坐雙層觀光巴士一日玩轉新加坡!

9.Sim卡

相信好多人同小編一樣去旅行最緊張就係上網!話晒無論打卡出Post定查交通、Google map,當地嘅Sim卡都係必備。新加坡主要嘅電信公司有三間,分別係Mobile OneSingtel以及Starhub,每間都有自己嘅愛用者,評價都唔錯,所以大家可以根據自己嘅需求揀最啱嘅方案!

10. 緊急聯絡

為咗避免臨時發生緊急事件,去新加坡之前一定要記低下面呢堆電話,正所謂唔怕一萬,只怕萬一!
▶︎警察局及救護車: 999
▶︎消防局:995

11.必去景點

大家都知新加坡有好多好玩嘅地方,除咗著名地標魚尾獅公園、新加坡環球影城之外,到底仲有邊啲地方係必去?快啲跟住影音攻略一齊睇下啦!

12.實用APP

新加坡有咩超實用必備App?等我哋介紹比你,必去必食一次過搞掂,帶住佢哋去新加坡啦!

【新加坡旅遊guide】

呢個App集合咗新加坡熱門景點、人氣美食同酒店嘅資訊,有齊詳細介紹同地圖,所有嘢一個App就幫你解決晒,有佢去到新加坡就唔洗做盲頭烏蠅啦~
▶︎App Store 下載點Google Play 下載點

【新加坡地鐵通】

去旅行其中一個最麻煩嘅就係交通,話晒都係人生路不熟嘅地方~呢個App就幫你解決咗呢個問題,因為佢可以教你搭新加坡主要交通工具MRT,由MRT地圖到點轉車、要搭幾耐都有齊資料,靠佢搭住MRT就可以輕鬆去勻新加坡唔同景點啦!
▶︎App Store 下載點Google Play 下載點

睇完咁多新加坡基本資訊,相信大家已經迫不及待直接飛去新加坡玩啦!去之前可以睇埋我哋介紹比你嘅新加坡攻略,等你可以對新加坡有更加詳細嘅了解~

去新加坡必備嘅有:
▶︎ 慳錢慳時間開心玩 新加坡環球影城電子門票
▶︎ 名勝世界 S.E.A 海洋館門票點買?
▶︎ 月光下同動物零距離接觸 KKday獨家優惠75折門票就喺呢度!

去新加坡嘅你仲可以睇埋:
▶︎不能錯過的新加坡「食、玩 、買」攻略

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: