環球旅遊

【世界極光特輯】帶你找尋極光的秘密(下)

image

相信大家都好想睇極光,但對於極光你又有幾深嘅認識呢?極光點樣形成?點樣先影到同埋睇到睇極光?美國、加拿大、歐洲以及世界各地睇極光嘅時間又係幾時呢?等KKday話你知啦。

KKdap App

1. 極光小知識

#極光點樣形成?

極光係極地氣候圈嘅一種特殊大氣發光現象,地球磁場將帶電粒子帶入大氣層,帶電粒子同大氣原子相撞而產生。成日聽到嘅極光帶即係講緊要喺高緯度嘅地方先見到,即係要近南北極嘅地方。

#極光都分級數?
極光分為十級。Lv10嘅極光講緊你就咁用iphone都可以清楚影到嘅,但一定唔夠相機咁靚。低Lv嘅話呢就慘喇,你剩係會影到一PAT綠色嘢。咁係影響iphone嘅感光度同其他性能都唔夠好。例子:全黑嘅環境影相,你都知會影完都想爆粗。

2. 注意事項

#著咩衫好呀?

image

(圖片來源)

大家都知冬天睇係最好,咁係咪一定要著到成個糉咁!?  NO

但最好都著件大褸防風用,加多條頸巾,打底就著件heat-tech(去U記自己買啦)。頸巾係非常重要呀話比你哋知。利申:冬天去歐洲 0 ~  –   10度都係2件底衫+冷衫+大褸,但就無帶頸巾!!著到幾多件都好,無佢幫手,啲風都會入哂 黎,勁慘呀。另外請大家記得褲都要著2條呀下,都係heat-tech打底。

#咁手套呢?

image

(圖片來源)

小編知戴手套係一件好麻煩嘅事黎,香港冬天都唔少人會戴。用電話個時戴完又要除。但一定要帶定,即使你唔用住。參考上圖個款,又薄又輕。

而且首要功能一定係防水,否則濕左有寒氣就閉。如果真係覺得麻煩嘅,可以買可以打開露手指出個種。

#講咁耐,點先影到呀?

image

(圖片來源)

相機要具備良好雜訊控制、純淨高感光ISO表現、腳架、大光圈(拉長曝光時間)。一般F4嘅光圈就夠用~想影到會郁嘅極光,按實關閉快門拉長曝光嘅時間,通常5秒~15秒,萬一亮度高、移動快,就需要早少少熜左快門佢。

#咁幾時去睇最好?
KKday為大家準備各國適合睇極光的月份。夾吓自己啲假期,再Check埋機票,咁你就準備就緒喇!

小編最近發現有個叫KAYAK嘅Search engine都幾好用。你知啦,格價其實都好傷神,一次過比較所有行程洗費,咁就唔駛未出發先嫌煩。下面個表畀埋Link你,㩒入去自己改日期,係咪好照顧各位先?


 國家                                                       適合前往氣候

加拿大                                                    8~9月 或 2~3月

阿拉斯加                                                 9~3月 (1、2月唔太建議)

格陵蘭                                                    10~4月 (2~4月有雪地活動)

冰島                                                        3月、10月 (極光旺盛期)

挪威                                                        9月中旬至10月

芬蘭                                                        9~3月 (10月最佳)

瑞典                                                        10~12月最佳


夏天嗰時,高緯度嘅北半球國家大多處於永晝狀態。極光會出現,但你唔會睇到。所以極光嘅觀看期通常係秋天至冬天,即係每年嘅9月至隔年3月,但依照地區不同,氣候狀況也不同。Btw阿拉斯加11-1月雖然係極光出現嘅時段,但呢段時間成日都會有暴風雪,能見度好低,要事前睇下天文台。

#咩氣候先睇到?
正如上面所講,冬天去係最好,而且要天氣晴朗嘅夜晚下先睇得到。但好搞笑嘅係,又唔係天氣好就一定見到!極光嘅出現同太陽黑子息息相關,太陽黑子嘅活躍程度會影響極光出現同多寡程度。

而家有唔同極光apps等大家容易知道幾時會有極光睇,同埋出現嘅機率。美國、加拿大、北歐等國家嘅網站上都會寫明預測日子,所以建議事前上網做下Research先。

#自駕遊 架車洗唔洗裝雪鍊?
除非要去山路同遇到大雪,平地駕駛係唔洗裝雪鍊!另外,大家要注意停車個時最好搵著燈嘅燈柱附近,如果唔係凍得制架車就死火~有著燈嘅柱都有作用架…

#住邊好?
住宿嚟講,除咗價錢同舒服之外,位置都好關鍵。 既然大家各有所好,用吓呢個酒店地圖Function,揀個最啱Feel嘅區,睇完極光仲有咩好玩就一目了然啦。

image

(圖片來源)

3. 咩國家睇到極光?

image

(Google Map)

比起南半球,北半球嘅極地地區相對容易到達,所以大部份人都會揀美、加同北歐國家。睇到極光嘅地區唔一定要位於緯度最高嘅低區或者北極圈地帶。所以只要位於極光環圈內、氣候穩定嘅地區、加上附近交通同住宿方便嘅地點,就係睇極光嘅好選擇!

想知更多極光既行程同資料?快啲睇下啦


▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: