旅遊資訊美國

【美國|洛杉磯】初遊LA 5大必去景點

以前個個都想去美國掘金礦,但今時今日仲邊有呢枝歌仔唱吖!計小編話齋,吃喝玩樂最緊要~今次帶大家遊下洛杉磯必去景點,睇下見唔見到interrrnational starrr先!

KKdap App

香港直航飛洛杉磯大約要14至15個鐘,小編第一次搭咁耐飛機,大鄉里出城,其實都幾緊張。小編今次搭美國航空(AA),每個位都會有氈同小枕頭,強烈建議大家自己再帶埋頸枕,因為個小枕頭…真係好小。

話明要去吃喝玩樂,當然唔少得第一餐–飛機餐啦!話哂都要搭十幾個鐘,飛機餐真係好重要,比大家睇下個餐牌先~

第一餐揀左煎魚,本身應該配蛋炒飯但係原來調亂左,魚香雞肉先係配蛋炒飯。

呢餐…不過不失啦,加分嘅係個朱古力慕絲好濃,同埋個餐包入面竟然搽左蒜蓉牛油!係就係硬左啲,但係咁香都補番數。個主菜我比5分,慕絲加1分,蒜蓉牛油加0.5分,總數6.5分。

第二餐,酥皮批配海綿蛋糕。

Um…個批比我想像中難食,個海綿蛋糕叫好少少,4分。

第三餐,傳統美式早餐。

作為飛機上嘅早餐,小編覺得佢外表有十分,但係原來外表真係唔等於一切。小編從來都無食過一份咁鹹嘅早餐,個炒蛋同薯角竟然仲鹹過塊煙肉,連個蕃茄都係鹹嘅…後面嘅鬆餅算正常啲,不過太膩。好彩有小編最鍾意嘅乳酪頂肚,如果唔係真係會崩潰。

話時話,程機飛成十幾個鐘,得三餐都唔係好夠。眼利嘅朋友仔係餐牌上面應該見到可以自己去廚台拎小食。

竟然有最近香港先開始賣嘅Brookside!!加埋薯片一路睇戲一路食啱哂!任拎嫁~當然唔好一次過拎哂啦,要留番比其他乘客。

差唔多落機喇!!原來啲屋都幾密~

經過十幾個鐘之後終於成功登陸美國喇!!休息下第二日就可以開始行程,一齊睇下有咩必去景點先~

1.比華利山(Beverly Hills)

呢個比華利山唔係跑馬地個個豪宅,亦都唔係謝安琪張繼聰住嘅比華利山別墅,係好多荷里活明星住嘅美國比華利山!!!

闊馬路加粉紅樹再加埋藍天,感覺好舒服啊~

名店林立,無錢買唔緊要,啲店員好nice,齋睇一樣咁開心。
呢架車好多人影,有無人知咩名堂?

雖然呢到啲名牌好貴,不過食野又唔算貴,仲好好食添。

雞肉Pizza 9分 大蝦意粉8分

雞肉Salad 10分!好好食,不過太多肉唔夠健康,減番0.5分。

餐廳: Californai Pizza Kitchen
地址:  207 S Beverly Dr, Beverly Hills, CA 90212

2.荷里活Hollywood

去完比華利山點可以唔去行下荷里活星光大道呢?可以喺星光大道留名嘅一定係國際影星,例如呢兩位3歲到80歲都識嘅大明星↓

其實呢隻係唐老鴨隻手定腳?小編表示看不透。

行前啲會有間好大間手信店,明信片、鎖匙扣等等咩都有得賣。不過最特別嘅一定係下面呢款手信。

一秒變影帝影后,揀番個最佳男女朋友氹下另一半又得,揀個最佳父母氹下爸爸媽媽又得,得咗。
行前少少望下,點解廣場天橋上面咁多人?唔通真係有明星?

原來個「明星」係佢…

山頭上嘅Hollywood字真係成日喺電影電視劇出現嫁!曝光率分分鐘多過影星。

3. 唐人街(Chinatown)

洛杉磯嘅Chinatown唔算大,不過對於好想食點心嘅小編嚟講就夠哂喇!因為都有唔少酒樓,仲有華人超市,唔使驚去到無飯食。有時食得多漢堡包薯條,真係會厭嫁!

門口有孫中山像~

童年回憶,唔好同我講你無玩過↑↑↑好想成箱買番香港玩。

4. 加州環球影城

去到洛杉磯,無可能唔去環球影城!搭地鐵就可以去到環球影城站,再搭免費接駁車就到喇!

係Ted啊~~

哈利波特園區今年先開嫁咋!好靚機動遊戲又好玩,必去!

唔買都可以隨便睇,拎上手試下手感嘻嘻。

臨走前飲番杯Butter Beer先~

>>加州環球影城門票

5.Outlet

美國買Outlet名牌堅!平!

>>Gilroy Premium outlets

小編去嘅Gilroy都幾大,如果時間唔多,就一定要上官網睇定個地圖先,如果無地圖都幾難搵到心水鋪頭。

香港好多名牌都係美國牌子,所以去到美國Outlet先買平好多嫁!Coaxh、Katx Spxde等等,好多貨任你揀,仲有折上折優惠。小編係東涌嘅Outlet就見到同一款袋貴美國成千蚊喇,大家去一定要瘋狂掃貨!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: