講到台灣，相信大家同小編一樣都好熟悉，去台北分分鐘仲多過去離島，之但係，台灣又點止得台北呢個地方好玩呢？其實台灣好山好水，有唔少大家未必留意到嘅冷門好地方。就等小編介紹返幾個北部同中部嘅景點，等大家可以玩出一個不一般嘅旅程！
#1 不厭亭
不厭亭位於102號縣道，左右分別可以望到雙溪同瑞芳兩個地方。不厭亭最靚嘅景象，就一定係當雲海同濃霧籠罩住條公路時所營造出嚟嘅朦朧感同神秘氣氛。假設冇雲海睇都唔緊要，天氣晴朗嘅時候就有機會睇到遠處湛藍嘅海水，配上兩邊連綿不斷嘅山脈同看似永無盡頭嘅公路，相信都係一幅唔錯嘅畫面！
#2 九份
九份過去曾經有一段輝煌嘅礦業歷史，時至今日依然保留住當初嘅淳樸，而九份山城就成為大部分旅人專程前往嘅地方。九份山城面積雖然唔大，但就因為「悲情城市」同「千與千尋」呢兩套電影而吸引咗唔少人去一探究竟。雖然「千與千尋」同九份其實完全冇關係，不過夜晚嘅九份的確同宮崎駿畫筆下嘅千與千尋有異曲同工之妙！
>> 【包車遊台灣】十分瀑布、天燈＋九份老街一日遊（中文／日文／英文導遊）
#3 十三層遺址、廢煙道
嚟到金瓜石附近嘅十三層遺址，小編有一秒鐘以為自己去咗秘魯，更加有種奪寶奇兵上身嘅感覺。姑勿論係咪小編諗多咗，十三層遺址背後的確有一段歷史，遺址本來係台灣日治時期所成立嘅選煉廠，而三條廢煙道係當時用於後山排放廢氣嘅管道。去完十三層遺址，記得順便去埋附近嘅黃金瀑布啊！
#4 忘憂森林
忘憂森林位於南投，有段時間成為台灣文青必去打卡嘅地方，因為嗰度嘅景象實在太過迷幻神秘。忘憂森林本來係原始森林，之後因為河道阻塞所形成嘅沼澤導致部分嘅柳杉木林枯死，形成今日大家所睇到嘅景象。
#5 清境農場
同樣位於南投嘅清境絕對係台灣中部必去之地，除咗有放牧區可以零距離接觸小綿羊，仲有各種唔同嘅登山步道可以親親大自然。而清境最令人期待嘅活動，就一定係觀星同睇日出！好多人都會特登去合歡山同武嶺欣賞日出，由於合歡山海拔比較高，小編就建議大家帶定禦寒衣物先好出發（夏天山頂氣溫都會接近2-4度）！
睇咗咁多相係咪好有衝動想去瘋狂影相打卡呢？快啲包車輕鬆去玩啦！
>> KKday私人包車・六天台灣環島包車旅遊(桃園機場/台北市區飯店上下車)
