環球旅遊韓國旅遊資訊

【韓國】盤點5個特色壁畫村

自從韓劇時不時都會以壁畫村作為拍攝場景之後,壁畫村就成為咗韓國旅遊嘅熱點項目,唔少人都特登走去影下相,做下文青。究竟韓國壁畫村有幾多呢?等KKday幫你盤點幾個韓國比較出名特別嘅壁畫地段啦!

KKdap App

一、梨花壁畫村 (Ihwa Maeul) – 首爾

由於梨花洞係韓國劇組經常取景嘅地方,加上有韓國當地綜藝節目介紹,令到梨花壁畫村成為全韓國最出名嘅壁畫村。自2006年開始,首爾政府推動「駱山藝術 2006」,同逾60位藝術家進行舊區美化。最近,梨花壁畫村部分階梯(兩條分別畫有花同魚嘅樓梯)暫時封閉,想去嘅朋友可以留意返。

地址:首爾市鍾路區梨花洞

二、行宮洞壁畫村 (Haenggung-dong Mural Village) – 水原

行宮洞壁畫村位於水原市北水洞一帶,屬於規模較細嘅壁畫村。北水洞一帶屬於市內嘅舊區,位處華虹門附近,大部分都係八十到九十年代所建造嘅住屋。除咗壁畫之外,附近仲有兩間畫廊,包括Alternative Art Space Noon同埋Space Bom,對藝術有興趣嘅朋友不妨一去。

地址:京畿道水原市八達區北水洞232-3

三、滋滿壁畫村 (Jaman Mural Village) – 全州

滋滿壁畫村同其他壁畫村一樣,有唔少藝術家同畫家進駐,比較特別嘅地方在於滋滿壁畫村有比較多嘅卡通人物壁畫。成個壁畫村依山而建,大部分嘅屋都位於山腰,感覺上同台北嘅寶藏巖差唔多,行到頂就可以睇到全韓國最大嘅韓屋村(全州韓屋村)。

地址:全羅北道全州市完山區滋滿洞1街1-10

四、甘川文化村(Gamcheon Culture Village)- 釜山

甘川文化村位於山腳位置,係韓國規模比較大同多元化嘅藝術村,大家可以沿住梯級同巷弄慢慢探索充滿藝術嘅社區。入到文化村門口,可以喺附近嘅旅遊咨詢所買一張地圖,除咗可以方便參觀,仲可以玩遊戲添!反轉張地圖,就會發現係個儲印仔嘅遊戲,一路參觀一路吸印仔,儲齊仲可以換post card。睇壁畫之餘,記得參加村內嘅各種工作坊,帶走屬於大家嘅回憶!

地址:釜山廣域市沙下區Gamnae2路177-11 (甘川洞、天頂)


五、松月洞童話村 (Songwol-dong Fairy Tale Village) – 仁川

松月洞自從仁川喺1883年對外開放港口嘅時候就已經存在,早期主要係外國人嘅聚居地,後期因為年輕人外流導致松月洞開始沒落。韓國政府為咗改善區域環境,就開始用童話故事去重新設計松月洞,形成今日嘅童話村。叫得童話村就梗唔少得公主同王子,當然仲有唔少大家由細睇到大嘅卡通人物,去嘅時候即管睇下自己認得幾多個!

地址:仁川廣域市中區童話村街38 (松月洞3街)一帶

除咗參觀壁畫村,韓國仲有咩好睇?
【市價六五折】首爾明洞,NANTA亂打秀門票
【好吃又好玩】 韓國漢江遊覽船麵包秀
【Welcome大學路】韓國音樂劇 愛在雨中

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: