環球旅遊

【澳洲|珀斯】帶你搵世界上最快樂動物!

image

多數人第一次去澳洲,都會揀去悉尼/墨爾本呢啲大城市,不過小編覺得香港生活已經好繁忙,為左親親大自然,加上小編想搵世界上最快樂嘅動物好耐,所以選擇左去西澳嘅珀斯!!!

KKdap App

珀斯當然唔止得動物啦,想知有咩玩,大家可以睇下>>五個去珀斯的理由,睇完順理成章出發!講番正題先,到底要喺邊到先搵到全世界最快樂嘅動物呢?

答案就係羅特尼斯島喇(Rottnest Island)!!羅特尼斯島係西澳大陸對出嘅一個小島,其實原本係同澳洲本島連住嘅,不過因為海平面上升,所以分開咗變成左一個島。想去羅特尼斯島,可以喺Barrack Street Jetty、Hillarys Marina或者Fremantle碼頭坐船出發,小編就選擇左喺Fremantle上船,三十分鐘左右就到喇!

image

羅特尼斯島成個島都無車嫁,要遊島就要踩單車或者步行,所以小編一落船就即刻去左租單車喇~ 喺單車鋪見到呢幅畫,小編比100分,因為完全代表到羅特尼斯島。

image

租完單車就去餐廳食個早餐先,因為開始左遊島就唔知邊到有嘢食,然後小編竟然喺餐廳遇上第一隻毛孩!!!!⇓⇓⇓

image

真係無諗過食食下早餐都可以野生捕獲佢!正式介紹下,佢個名叫Quokka,唔係倉鼠唔係松鼠更加唔係老鼠,其實佢係短尾矮袋鼠。不過小編就無咁好彩,見唔到Quokka BB喺媽媽嘅育兒袋入面,大家如果見到記得影相比小編睇!

食飽飽就開始單車環島之旅喇!小編去嘅時候係冬天,本身朝早出發仲好凍,點知對住個大太陽,無遮無擋咁踩單車,連平時好少出汗嘅小編都成身汗,忍唔住中途停低除番件Heat-tech。冬天去嘅朋友仔,建議著件厚褸加薄長袖衫,一熱即除,又唔怕曬傷。

image

羅特尼斯島四面環海,全部Bay都好靚,水清沙幼,如果夏天去可以準備定泳裝游下水。

影完沙灘繼續行程,捕獲到一隻橫過馬路嘅Quokka~大家踩單車都要小心啲,Quokka隨時衝出嚟同你地Say Hello嫁!

image

之後愈踩就見到愈多Quokka,幾隻幾隻咁嚟仲唔驚人添!

image

有唔止一隻Quokka係咁聞小編隻腳,小編仲以為自己咁受歡迎之際,發現…原來係我滴左啲蘋果汁喺條褲到…果然動物嗅覺係特別靈敏。

image

整個正面開心樣比大家睇下~佢地對鏡頭嘅熟悉度之高,小編覺得佢嘅正面相仲四正過自己張証件相…

image

告別咗啲Quokka之後,踩踩下又見到去澳洲必影嘅燈塔。唔知係咪因為天氣太好,影個燈塔已經靚到好似幅畫咁。

image

上燈塔條斜路一啲都唔簡單,小編同朋友踩到一半都忍唔住放棄部單車,自己行上去。
羅特尼斯島仲有一個傳說中嘅景點,就係粉紅湖,不過小編勸大家期望唔好咁大,因為…

image

說好的粉紅色呢!!!淨係見到好微弱嘅顏色…

小編因為體力同時間所限,所有淨係遊左半個島。如果大家想環全島嘅話,有兩個選擇,一係留宿一宵,一係就練下體力再嚟啦~臨走前見到兩隻溫馨嘅Quokka互相取暖,好Cute啊~~~

image

最後搭番船出Fremantle,睇埋個日落,羅特尼斯島一日遊就完滿結束喇。

image

去羅特尼斯島>>同Quokka瘋狂Selfie

更多澳洲推介
>>【澳洲|塔斯曼尼亞】人生必去尋寶小島
>> 餐餐食漢堡包?澳洲餓鬼處決日誌(一)

▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com

KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: