環球旅遊

【東南亞】世界遺產逐個捉!

image

邊個話想睇世界遺產一定要洗一大筆錢去歐美㗎?身處香港嘅我地其實同世界遺產都可以非常近!小編幫大家整合咗散佈喺東南亞嘅12大世界遺產,等你可以用低預算睇勻東南亞嘅世界級自然景觀!

KKdap App

一、馬來西亞

馬六甲古城

image

圖片來源

馬六甲古城擁有濃厚嘅歷史文化,擁有荷蘭風格嘅建築同埋聖地牙哥嘅城堡,同台灣有相同嘅歷史背景。馬來西亞喺過去曾經分別被荷蘭人同葡萄牙人統治,所以今日喺馬來西亞唔難發現大量嘅歐式建築,譬如比較出名嘅紅樓、古堡同教堂等。

除左歐式建築,喺馬六甲運河仲可以睇到越式建築,而「荷蘭廣場」就深受荷蘭影響,周圍嘅建築主要以橙色做主調。坐住傳統嘅三輪車去遊覽馬六甲,感覺就好似穿越去以前一樣,別有一番風味,夜晚仲可以去當地嘅夜市,感受同日頭截然不同喺風格。

>>交通:

如果要從吉隆坡出發去馬六甲,需要先搭車去TBS大樓,再喺TBS選擇啱自己時間嘅巴士公司。落車之後,記得沿住「Domestic bus terminal」去搵17號當地巴士前往馬六甲市區。

>> 參考行程:不再煩惱交通,包車遊麻六甲古城!

姆魯國家公園

image

圖片來源

image

圖片來源

馬來西亞除咗世界文化遺產之外,仲有「世界自然遺產」!姆魯國家公園係世界自然遺產之一,最出名嘅兩個景點分別係石林(Pinnacles)同石灰岩洞。

石林嘅景色相當獨特,就好似一片片嘅利刃聳立喺森林當中。假如想去石林,小編建議大家需要搵有登山經驗嘅當地人陪同。

姆魯國家公園一共有63個洞穴,目前得其中4個對外開放,分別係藍洞(Lang’s Cave)、鹿洞(Deer Cave)、風洞(Wind Cave)、清水洞(Clear Water Cave)。每個洞穴都有自己獨特嘅地質環境,大家可以喺參觀嘅時候睇到鐘乳石、石柱、石筍等色彩斑斕嘅岩石。

藍洞係小編強力推薦嘅景點,雖然佢嘅空間係四個洞穴之中屬於最細個個,但藍洞包含咗各種唔同嘅岩石景觀,同時會呈現一種特別嘅顏色。而鹿洞係最大嘅洞穴,大到可以裝得落五座聖保羅教堂,至於清水洞係最深嘅洞穴,可以喺黃昏嘅時候睇到蝙蝠同金絲燕傾巢而出嘅壯觀景象!

>> 參考行程:大自然愛好者,魯姆國家公園兩天一夜!

二、 峇里島

嘉蒂路易梯田

image

圖片來源

峇里島相信都係香港人好熟悉嘅度假勝地,但除咗海灘同Villa之外,峇里島其實仲有一個世界自然遺產㗎!嘉蒂路易梯田係一個建立於公元11世界嘅灌溉系統,由水渠同水壩組成,而美麗嘅梯田時至今日成為好多外國攝影師朝聖嘅地方之一。不過由於嘉蒂路易梯田地理位置比較偏遠,所以建議大家包車前往又或者參加當地嘅一日遊參觀行程。

>> 參考行程:世界遺產徒步旅行,嘉蒂路易梯田一日遊!

三、 印尼

日惹:婆羅浮屠

image

圖片來源

婆羅浮屠係位於印尼爪哇省嘅一座佛教佛塔遺跡,喺2012年被健力士世界紀錄收錄成為全世界最大嘅教佛塔遺跡,小編保證當大家親歷其境,絕對會慨歎婆羅浮屠嘅宏偉!

婆羅浮屠一共有九層,頭六層係正方形,底三層係圓形,頂層圍繞住72座舍利塔,而每個舍利塔都有一座端坐嘅佛像。為保護婆羅浮屠,當年一共起咗32座石獅以保護入口。婆羅浮屠被CNN選為「27個此生必看的景點」同「世界七大奇景」,建議大家可以喺個度欣賞日出,感受廟宇同清晨曙光交融嘅美景。

普羅巴南寺廟群

image

圖片來源

同樣位於日惹嘅普羅巴南寺廟群係印尼規模最大同最壯麗嘅印度教寺院,整個園區內本身有超過200座廟宇,現時得翻8座相對完整。而八座當中有三座主要用作供奉毀滅神濕婆(Shiva),步入廟宇內部可以睇到各種宏偉嘅雕像。

睇完主園區,記得行後少少,睇埋其他嘅廟宇遺跡。雖然可以搭巴士去日惹,但安全起見,小編都係建議大家同朋友包車又或者參加一日遊會比較輕鬆同安全。。

>> 參考行程:世界遺產巡禮,日惹普羅巴南寺廟半日遊!

四、 泰國

大城世界文化遺產

image

圖片來源

去厭咗曼谷同清邁?唔緊要!小編推薦大家去大城,大城係泰國全盛時期嘅一大城市,更加有「最傑出首都」嘅美譽。喺大城,你可以搵到泰國最古老嘅寺廟(崖差蒙空寺)、以寶塔同埋戶外臥佛,成個城市嘅感覺就係一座戶外博物館。除咗寺廟,大城喺2012年開咗個仿古水上市場,比泰國其他市場都要大,可以喺裡面搵到各種個性小店、泰國傳統表演、美食同泰式按摩!

交通:
(1) 搭乘火車:至曼谷中央火車站 (Hua Lamphong 華藍蓬火車站)搭車到大城火車站,車程大約1小時50分鐘。
(2) 搭乘巴士:從BTS捷運蒙奇站(Mo Chit),搭乘145號巴士 Mo Chit Bus Station,再轉搭巴士185號(只有此班前往大城),車程約一個半小時。

(3) 搭乘Mini Van 私人小巴:搭BTS捷運到勝利紀念碑站,有一整排的小巴可租。

(4) 包車:曼谷到大城包車方式。

考艾國家公園

image

圖片來源

考艾係泰國第一座成立嘅國家公園,亦被聯合國列入「世界自然遺產」當中,更加擁有泰國「最美山城」美譽。考艾國家公園包含各式各樣生態同瀑布,亦係泰國人最鐘意嘅避暑勝地之一。除咗野生大象之外,大家可以喺國家公園嘅北入口欣賞到過萬蝙蝠出洞嘅奇觀!溫馨提示,由於考艾國家公園闊員廣大,小編建議大家選擇翻包車遊覽或者參加一日遊行程。

>> 參考行程:私人專車服務,曼谷—考艾一日遊!

五、越南

下龍灣

image

圖片來源

下龍灣擁有獨特嘅「喀斯特地貌」,由石灰岩構成嘅島嶼聳立喺碧綠色湖面,同桂林山水有異曲同工之處,所以都有人稱下龍灣做「海上桂林」,而下龍灣同時屬於「世界自然遺產」同「世界七大奇景」。大部分嘅旅客都會選擇用遊船方式遊覽下龍灣,比較大嘅島上面甚至會有旅遊設施同埋旅館,而當地最出名嘅就係鬥雞島。

除咗島嶼之外,同樣位於下龍灣嘅「驚訝洞」(Hang Sung So)亦非常值得大家一去,驚訝洞由各種唔同嘅鐘乳石所組成,有別於一般嘅山洞。

image

圖片來源

>> 交通:

(1) 若從河內前往,先至龍延車站(BEN XE LUONG YEN),再轉搭巴士。

(2) 從佳林(嘉林)汽車站出發,河內市每20分鐘,高級巴士從河內到燒灘( Baichay )汽車站,全程約三個半小時。

>> 參考行程:下龍灣遊船、皮划艇一日遊

長安名勝群

image

圖片來源

image

圖片來源

長安名勝群同樣屬於石灰岩所構成嘅地址,屬於近幾年越南新興景點,尤其深得背包客嘅喜愛。長安名勝群之所以特別,係由於當地完美咁融合人文同自然風景,令聯合國將其列為全球第一個「世界自然文化雙遺產」。

>> 參考行程:長安名勝群一日遊!

美山聖地

image

圖片來源

位於越南中部嘅美山聖地,有「越南版吳哥窟」嘅美譽,係婆王朝時期最大建築群,當地嘅寺廟建築充滿住印度教元素。除咗欣賞古代王朝留低嘅軌跡,大部分遊客亦會選擇喺朝早出發去當地欣賞日出。去完美山聖地,記得順便去埋同樣位於中越峴嘅港同會安,體驗另類歷史風味!

>> 參考行程:美山聖地,在世界遺產地欣賞日出!

六、柬埔寨

吳哥窟

image

圖片來源

提到吳哥窟,相信大家應該都唔陌生,作為一生人必去嘅景點,吳哥窟以宏偉嘅建築風格同精緻嘅浮雕所聞名。吳哥窟坐擁兩個世界之最,分別係最大嘅廟宇同最大嘅水上城市!

鐘意影相嘅朋友記得可以分別喺黃昏同清晨時分前往吳哥窟,清晨至破曉時分嘅吳哥窟有一種寧靜嘅美感,而黃昏更加有機會影低吳哥窟喺水面上嘅倒影!

>> 參考行程:日出時分,吳哥窟的寧靜之美!

七、老撾

龍坡邦世界文化遺產

image

圖片來源

龍坡邦係東南亞歷史保存最完好嘅城市,擁有法國殖民地時期建築之餘,亦係當地宗教中心。喺當地街頭唔難發現有僧人佈施嘅景象,不過小編唔建議大家隨便影相,以免打擾到僧人嘅佈施過程。除咗充滿異國風情嘅建築同傳統廟宇,龍坡邦亦有夜市等常見觀光景點!

關西瀑布

image

圖片來源

關西瀑布係龍坡邦另一個知名景點,瀑布以梯田形式往下流動,由於當地屬於石灰岩地形,流水會呈現出一種淺藍色同碧湖綠嘅混合色,非常夢幻!

>> 參考行程:包車輕鬆遊,龍坡邦景點一次搞定!

延伸閱讀:

>> 此生必去景點,柬埔寨吳哥窟!

>> 世界自然遺產,下龍灣一日遊!

>> 世界七大奇景,日惹婆羅浮屠一日遊!

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: