日本旅遊資訊

【冬遊日本】最受歡迎北海道滑雪場

一講到滑雪,大家就一定會諗到北海道。北海道係名符其實嘅雪國,全境被日本政府定為豪雪地帶。而除咗雪景之外,北海道最大特點係擁有全亞洲最佳嘅輕滑雪質,有成100個滑雪場同埋極長嘅雪道,總長27公里。當地嘅活動亦都非常之豐富,包括:溫泉、桌球、祭典等等,所以不論係一家人、成班朋友或者情侶去都好,北海道都可以帶俾大家一個難忘嘅假期!小編就為大家揀咗幾個最具規模、較為出名同具有特色嘅滑雪場比大家!

KKdap App

1.新雪谷滑雪場(Niseko

新雪谷滑雪場係規模最大嘅一個,因為佢有新雪谷Gran Hirafu、新雪谷度假村同新雪谷Annupuri三大滑雪場,佢地之間以山頂相連住,加埋總共有70條雪道咁多,可以搭纜車隨時去到各個場地,仲洗乜驚去到會逼到人山人海!

新雪谷Annupuri國際滑雪場

雪道比較闊而且冇咁斜,比較啱新手同一家大細玩。

新雪谷度假村滑雪場

有穿越森林嘅長距離雪道、由海拔1,000米山頂平緩持續嘅長雪道等等。除咗各種滑雪活動,例如橡皮艇咁,呢度仲有別具特色嘅山頂餐廳。

新雪谷Grand Hirafu度假村滑雪場

Grand Hirafu有成30條雪道,係新雪谷三大滑雪場入面最大嘅一個。其中最長嘅雪道有5.6公里,係斜面雪道,仲要係無咩樹擋住!你諗下滑滑下要減速避啲樹都幾煩,所以Grand Hirafu就啱哂我地呢啲後生啦。另外度假村入面有唔同度身訂造嘅滑雪練習課程,由4歲到60歲以上嘅都有,大人細路都可以搵到啱嘅課程!

▶︎官方網站:新雪谷滑雪場

2.富良野滑雪場

雖然冇新雪谷咁大,但其實富良野滑雪場嘅雪道數目都唔少,有23條咁多,而且喺呢度可以坐到全日本最快嘅索道,由山頂開始全長4公里,可以坐101人,但5分鐘就落到去!

而同新雪谷比較,富良野滑雪場仲有個分別就係比較多樹林。

最意想不到嘅應該都係除咗滑雪,你喺度仲可以玩埋熱氣球!

▶︎官方網站:富良野滑雪場

3.札幌手稻滑雪場

呢個滑雪場方便到爆!因為佢就位於北海道中心城市札幌市入面。由市中心搭巴士去到滑雪場只係需要40分鐘,分分鐘快過你返工返學!你諗下,近到咁,玩完覺得唔夠喉第二日再入去玩過都仲得~另外附近都仲有個札幌盤溪滑雪場,車程再短啲,但規模就細少少,只有13條雪道、6條纜車道。

▶︎官方網站:札幌手稻滑雪場

同場加映:札幌雪祭

嚟到雪國又點止要去滑雪?除咗滑雪,大家仲可以去埋札幌雪祭!雪祭會場會有成250座鬼斧神工嘅冰雕比大家欣賞,同時仲會有其他遊樂設施,係一家大細去嘅好選擇~

▶︎舉辦日期:2018年2月1日~2月12日
▶︎官方網站:札幌雪祭

北海道冬天特色體驗!
▶︎札幌茨戸川冰釣半日遊・JR札幌站免費接送
▶︎札幌雪地騎馬・含札幌市區接送
▶︎極地犬拉雪橇・雪地長征半日遊

去北海道冬天旅行?你可能會需要:
▶︎【JR PASS】北海道鐵路周遊券(香港取票點自取)
▶︎【札幌美食】北海道札幌薄野 居酒屋

睇到心郁郁想Plan冬天去滑雪?不如睇埋我哋其他滑雪攻略:
▶︎【冬遊日本】新手必睇滑雪懶人包
▶︎【冬遊韓國】熱門滑雪地全攻略
▶︎【冬遊日本|關西】 新手上路滑雪推介

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: