羚羊峽谷(Antelope Canyon),因為唔同時間光線照射落黎會映照出唔同顏色,所以又稱為羚羊彩穴,係世界著名嘅狹縫型峽谷。入去羚羊峽谷嘅時候會有印第安人做導遊,一定要聽足佢指示,如果唔係會比佢趕番出黎嫁! 入去導賞嘅時間有限,所以一定要把握時間影相。

KKdap App

秘訣一:睇準時間

喺峽谷影相最重要就係光線,所以一定要計啱時間出發,千祈唔可以懶懶閒啊!

想捕捉到呢個「一柱擎天」嘅畫面,就要喺11am至1pm呢段時間入峽谷,不過相對遊客都會比較多。大家都知靚嘅野,都係「可遇不可求」,不過美西地區全年陽光都咁充沛,小編相信大家都好大機會影到。小編提提大家,出發當日如果有落雨嘅話,由於地形關係,進入峽谷會好危險,特別係下羚羊峽谷,隨時會有暴洪意外,大家唔好以身犯險啊!

秘訣二調一調色,麻雀都變鳳凰

大家覺唔覺得雖然上面兩張相好似一樣但係感覺爭好遠?小編要喺呢到表揚一下iPhone相機嘅偉大功能—一秒調色Tone。未調色之前嘅峽谷內部,雖然已經好靚,不過顏色就同普通泥石無乜分別。咁就滿足?小編作為一個有要求嘅遊客,影唔到「彩穴」,當然唔會收貨啦!大家都唔好咁快放棄,只要同小編一樣,將相機調做Chrome,即係金屬色,就可以影到右邊咁壯觀嘅相喇!偷偷地同大家講,其實呢個小技巧係印第安導遊教嫁嘻嘻!

秘訣三善用全景功能

平時我哋多數都會用全景打橫影啲比較Wide嘅景色,例如夜景、海灘等等。羚羊峽谷入面又窄又高,就算趴喺地下都影唔哂,呢個時候大家就可以開啟你相機嘅全景功能,打橫部電話,再由下至上咁影,就可以影到峽谷有幾深有幾宏偉喇!

秘訣四落樓梯勿影

羚羊峽谷入面嘅樓梯又高又斜,唔想發生意外就要捉實扶手慢慢行。平時機不離手嘅小編都要忍一忍手,因為無論係入去前,定係入咗去之後,印第安人導遊都會不斷提醒大家上落樓梯唔可以影相。入面並唔係全部都係分明嘅樓梯,有啲斜路會比較跣,一定要小心行。如果一邊行一邊影相,一個唔覺意跌左部相機或者電話,唔單止會無哂啲靚相,仲好大機會會整傷下面嘅人!所以一定要聽足指示,小心為上。

美國自由行必備:

▶︎ 美國上網 SIM卡
▶︎ 美國西部羚羊彩穴自然美景4日遊
▶︎ 大峽谷南緣、包偉湖與羚羊彩穴2日遊

更多美國攻略:
▶︎【旅行簽證】申請美國簽證VISA懶人包
▶︎【行程】紐約五日四夜自由行攻略
▶︎【美食】紐約10大美食推介
▶︎【交通】舊金山交通攻略
▶︎【主題樂園】加州迪士尼必玩全攻略
▶︎【波士頓】波士頓四日三夜行程,打卡點總整理
▶︎【夏威夷】夏威夷自由行攻略