環球旅遊歐洲美食手冊

【KKday美食篇】3款歐洲最常見的街頭小食

網上成日都有介紹唔同嘅歐洲特色小食,但其實有好多未必係個個都鐘意食,例如Pastizzi或者Churros就唔多啱小編口味。所以KKday就為大家推介3款價廉物美,而且款式可以千變萬化嘅歐洲街頭小食。

KKdap App

1. 咖哩香腸(Currywurst)

德國香腸你一定有聽過啦,所以咖哩香腸喺德國都會見得特別多,好多鋪頭都會賣,最基本嘅配搭係茄汁 + 咖哩粉,再配薯條。

有時都會見到小販孭住成檔嘢周圍行住咁賣,成個捉鬼敢死隊咁,係咪好誇張呢。行過見到啲小販咁辛苦都會想幫襯下佢哋。

好似漢堡包咁,咖哩香腸都會有唔同嘅配搭,有時會配薯條,有時會有漢堡麵包配埋。

講到腸仔,德國香腸點都要試下,就算唔食currywurst都要試呀!德國腸嘅重點就係大條,但味道都完全唔同架。

尤其係喺火車站,你一定會見到最少五,六間鋪頭有賣德國腸,但個價錢會貴啲。

所以小編建議大家唔好喺火車站買呀,喺普通街道嘅檔口買除左平啲之外,仲會多款式好多。而且小編仲覺得街上面賣嘅會好食啲,可能因為火車站客人趕時間,所以會燒得無咁好。好彩嘅話路面賣嘅德國腸都會好似currywurst咁,搭埋其他小食比你!

2. 意大利雪糕

土耳其雪糕相信大家都會成日見到,口感非常好,不過缺點就係口味有啲單調。而意大利雪糕除咗有無數咁多款口味之外,仲要份量好足!係真正嘅一球,而唔係好似喺香港街邊買嘅一球其實連一個乒乓波嘅大細都無!但又賣得貴,真係激死人。

睇下,有圖有真相,瀉哂出嚟咁滯。

嗱,無介紹錯喇。仲覺得唔夠多款!?得,無問題,望埋下面張圖。有啲係直程有配料喺上面。夠哂抵食啦掛!

3. 土耳其烤肉(Kebab)

如果你冇食過土耳其烤肉嘅話真係唔好話去過歐洲。Kebab真係小編去歐洲窮遊時嘅恩物。一嚟賣得平,二嚟抵食,又可以食得好飽。而且唔洗擔心淨係得肉會消化不良,Kebab入面至少會有3款蔬菜,搭埋啲汁同埋肉,非常好味。

喺餐廳嘅話,款式仲多,甚至會有飯配埋比你添!

小編最鍾意同埋成日食嘅就係呢款,啲料真係足到爆炸。小編自己見過最平嘅只需要1.5EUR,但有其他人同我講見過奧地利好多地方都只係賣緊1EUR 甚至0.8EUR,真係平到唔敢相信。你去尖沙咀或者西九龍中心睇下,得相中1/3嘅份量都至少要40HKD。不過係東歐地區物價平啲先有咁抵,如果係其他地區例如德國,意大利嘅話,大約要都2.5 – 3EUR。

三款美食小編都試過,個人最鐘意嘅始終係Kebab,仲試過一日三餐都係食佢添。如果窮遊歐洲要慳錢,或者想買定方便路上食嘅話都可以買Kebab。不過Kebab陣肉味真係好強架,小心會整到你個袋成陣味。

相關文章:

做好準備未?可能肚餓變想嘔!>> 慎入!千奇百怪的各國「美食」

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: