旅遊資訊美食手冊澳洲

【餓底日誌】澳洲 悉尼魚市場 美食攻略

講到悉尼美食,唔可以唔提悉尼魚市場 Sydney Fish Market,今次就同大家介紹下小編喺悉尼魚市場食過啲咩美食~

KKdap App

唔知大家記唔記得上一篇小編介紹喺悉尼同墨爾本必食嘅Burger同多國特色美食呢?唔記得就去呢度重溫番先啦~

【餓底日誌】澳洲餐餐漢堡包? 美食攻略

image

悉尼魚市場每日新鮮漁獲

魚市場場內有多間店鋪,各間鋪所賣嘅海鮮都應有盡有。上圖比大家睇嘅係新鮮魚蟹同海膽,啲海膽仲識郁㗎!如果有興趣,可以直接買海膽即場開畀你食!眼見當地都有唔少人會喺度買漁獲,斷估應該係買餸返屋企煮吧~哈哈

生蠔即叫即開

image

當你入到去魚市場第一樣會見到嘅應該就係新鮮生蠔,佢地嘅員工馬不停蹄咁不斷拆蠔清洗,完全無停過手。生蠔大小唔同價,但同樣新鮮惹味。滴上幾滴檸檬汁,一啖吸入口品嚐,生蠔淡淡嘅海水鹹味配上檸檬嘅微酸,真係絕配~有機會去到記住買番幾盤食啊!

即叫即煮海鮮美食 海鮮刺身應有盡有

魚市場有好多熟食檔口,包括烤海鮮同串燒。其中小編叫咗呢個芝士烤帶子,以飯做底,鋪上芝士同帶子再用火槍烤熟,所有食材夾埋味道香口濃郁。可惜小編今次冇試到即開大海膽,只係買咗一板預先裝好嘅海膽,但味道同樣新鮮。平時鍾意食海膽嘅小編都食得好滿足。同場仲有好多特製海鮮拼盤,例如用海膽殼裝住嘅海膽刺身飯。當然唔少得嘅係各式各樣嘅新鮮刺身,三文魚吞拿魚要乜有乜。

番外:朱古力脆皮水果

行到最後,臨離開魚市場嘅時候你會見到一大間賣水果嘅超級市場,而對面就係呢間專賣朱古力脆皮嘅水果店喇。佢有唔同口味比大家揀,而小編就最鍾意芒果味,味道非常清新~

離開魚市場,外面整個環境氣氛都好舒適,只會感受到一種慢活嘅態度。大家都快啲計劃去悉尼嘅行程啦!

講到悉尼,或者你會想去埋:
【悉尼一日遊】Darling Harbor、歌劇院、港灣大橋
【超抵門票】悉尼水族館,探索澳洲海洋世界!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: