環球旅遊

京都賞楓必去-《貴船神社》!

KKdap App

圖片來源

如果你問喺我日本咩地方著和服影相最好睇?! 我嘅首選一定係貴船神社!點解唔係清水寺?因為清水寺真係太多人啦,試問多人嘅地方,點樣可以單獨影獨照呢?如果清水寺帶比我古色古香嘅感覺,咁貴船神社帶比我嘅感覺就係神秘而又莊嚴嘅感覺。今次就同大家分享下我之前同朋友一齊去嘅所見所聞!

#1  貴船神社

創建年代不詳,1055年遷移至現地,舊址仍設有拜祭嘅地方。神社為水神高龗神而建造,由創建至今,一直受農漁業者及醸造業者信拜,亦是京都有名嘅避暑之地。6月1日嘅「貴船祭」會有小孩及神樂獻祭。

【正式名称】 貴船神社 (きふねじんじゃ)
【住所】 左京区鞍馬貴船町180
【電話番号】 075-741-2016
【FAX】 075-741-3596

#2 一日遊の交通攻略

圖片來源 

我地本身已經購買了京都巴士Pass,所以就利用Pass(大人一日500円 小孩250円),搭到出町柳站前,向前步行10分鐘,見到十字路口,左邊鴨川,過對面馬路,就會看見叡山電鐵本線嘅出町柳站,購票坐車至貴船口站。出閘後,到對面嘅巴士站等候上車(需另付車費單程160円,Pass不適用)。記得上車前,影低巴士嘅班次!

3 楓葉

呢個係車站出面嘅地下,岩岩落完毛毛雨,所以地下都濕濕地,啲紅葉紅得好似火,好鮮豔奪目。

賞楓除左欣賞樹上面個嘅紅葉之外,我自己好鍾意滿地都係紅葉嘅情境,仲有滿河都係泛紅啲倒影,亦有飄零嘅落葉。你一出鐵路站嘅時候,滿山紅葉嘅樣子會令你忍唔住吸一啖氣,然後大叫好靚啊。唔係誇張,係真架!!!
連空氣都充滿大自然嘅青草味,感覺自己完全融入了這裡。

我地喺上圖嘅地方落左接駁巴士之後沿路行上去,可以望到左邊靠山有不少民居,酒店,同飯店,而右邊可以聽到陣陣流水聲。

我地沿路見到靚景都會停低影相,由於我地無人係攝影能手,大家都係快速拎部電話擺好pose就影,影完就即刻走,唔敢留太耐塞住條路。XD

#4 體現日本「匠人精神」嘅手工藝品店

呢個地方完全展現左日本人對美嘅追求-細緻、精美、別出心裁。呢度有唔同嘅精品,小到文具,大到茶具傢俬都會有。小編推介嘅係水晶產品!!有按出生月份嘅水晶珠,亦都有用水晶珠設計嘅首飾,例如耳環,手鍊。佢啲木筷子都好靚!!!

我地班女人當然又大出血左啦XD

# 5 神社

沿路再上,可以見到一個通往鞍馬寺西門嘅橋,見到前面有兩個嘅和服妹子了嗎?我地真係好後悔無租和服
!!!呢度影私影真係一流!!!!

呢個係進入神社嘅門口,你可以見到其實好多都係日本人!!!影到和服妹子啦!!好開心啊!!好靚啊!!

沿著燈路走上去!當初喜歡呢度,係因為見到佢一張冬天披白雪嘅相,皚皚白雪,滿滿嘅淒美感,加上和服同悲情女主角,就好似做緊大河劇咁啊。

神社入面繼續可以睇到通山都係紅葉!

繪馬欄~

黎到神社,點都要寫繪馬祈願,同買御守。(小妹黎日本主要嘅錢都係買御守求姻緣,唔好問我買左幾多個,但其實有d真係因為好靚,所以先買翻去)

呢棵係神木,屹立多年,充滿靈氣!

正殿-祈福嘅地方。

傳統嘅火炬燈~

仲有好特別好特別嘅水籤!!

#入夜後的神社參拜

踏入冬天,日本晚上來臨嘅時間大約5點,好快個天就漸漸變黑。

其實沿路上去仲有4-5個神社,全部都有唔同嘅故事同參拜目嘅,我淨係記得呢個係拜姻緣既,所以小妹又狗衝去左拜拜!XD

唔知係咪因為呢度嘅神社完全係山入面,所以更加有神明個陣神秘嘅感覺。同埋入夜之後燈光唔夠,黑得黎又唔會話好驚個種,反而會更誠信去拜XD(有燈係比人寫祈福禱文)

好多求姻緣嘅籤文架!!!

唔記得左呢舊係咩石頭。

茶座,可以著成藝妓 然後黎呢度影相。


#7 夏天嘅流水面

夏天嘅時候呢度係有得食流水面嫁!!!下次黎既時候再介紹!!

#8 和食

成個山都係不同飯店,當然價位都比市區偏貴,小妹就食唔到啦,唯有影下佢地d靚相。

真嘅很古色古香喔!!

不過食唔到飯店都唔緊要,沿路有好多自動販賣機賣熱飲,哈哈。有玉米湯啊XD

不過大家記得自己嘅垃圾自己帶走啊~~

淨係飲玉米湯覺得好慘呢?

唔怕,山腳有一家飯店出面有炭烤糰子啊!!!(我地四個最愛就係食團子:D)

淨係望到一粒粒白淨嘅團子,已經覺得好治癒!!

旁邊有溫暖客人嘅炭火爐!!

大家坐地取暖食團子,仲有熱茶飲,日本人真係好體貼啊!!!

我地沿路行翻到白色燈籠嘅地方,原來晚上乘車地點會稍微移前少少。大家記得注意下啦。

(小妹影相真係麻麻地,抱歉)

月台夜晚經燈光加持就更美了XD

>>>【秋日憂情】嵐山賞楓之旅

>>>【和服私影】京都美人

▲認識KKday▲
KKday-世界旅遊體驗網站,在全球 54個國家,174 個城市,
有 5000多種不同嘅行程與體驗。 KKday內有最特別、最意想不到嘅嘅世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同嘅喜好。KKday幫你省去在各論壇爬文找資料嘅麻煩,一站解決安排行程嘅困擾!現在,想來一場與眾不同嘅旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: